11
1
И дживэ́нас манушэ́нґирэ шэралэ́ до Иерусали́мо, а ави́р мануша́ чюрдэ́нас жре́биё, со́б тэˍвыкэдэ́н екхэ́с дэшэ́ндыр ко́н авэ́ла тэˍдживэ́л до свэ́нто фо́ро Иерусали́мо, а еня́ котыра́ аче́наспэ дэ ави́р фо́ры.
2
И дыя́ Дэвэ́л ба́хт одолэ́нґэ манушэ́нґэ, савэ́ кокорэ́ закамнэ́ тэˍдживэ́н до Иерусали́мо.
3
И ґэ́на шэралэ́ форо́скирэ, савэ́ дживэ́нас до Иерусали́мо, а до фо́ры Иуде́йска дживэ́нас сарэ́ дэ пэ́скирэ кхэра́: Израильтя́ни, рашая́, и леви́ты, и нефине́и, и чявэ́ манушэ́нґирэ савэ́ исы́с бутярнэ́нса ко Соломо́но.
4
Ко́йˉсавэ́ чявэ́ Иуда́скирэ и Вениамино́скирэ дживэ́нас до Иерусали́мо. Чявэ́ндыр Иудаскирэ́ндыр: Афа́ия, чяво́ Уззио́ско, чяво́ Захариё́ско, чяво́ Амарио́ско, чяво́ Сафатиё́ско, чяво́ Малелеило́ско, чявэ́ндыр Фаресоскирэ́ндыр,
5
и Маасе́я, чяво́ Варухо́ско, чяво́ Колхозеё́ско, чяво́ Хазаиё́ско, чяво́ Ада́иёско, чяво́ Иоиариво́ско, чяво́ Захариё́ско, чяво́ Шылониё́ско.
6
Сарэ́н чявэ́н Фаресо́скирэн, савэ́ дживэ́нас до Иерусали́мо, штаршэла́ шовдэ́ша охто́, сарэ́ барэ́ мурша́.
7
Чявэ́ Вениамино́скирэ: Саллу́но, чяво́ Мешулламо́ско, чяво́ Иоедо́ско, чяво́ Федаиё́ско, чяво́ Колаиё́ско, чяво́ Маасеё́ско, чяво́ Ифиило́ско, чяво́ Исаиё́ско,
8
и па́л лэ́стэ Ґабба́ё, и Салла́ё – еня́шэла дуйдэша́ охто́.
9
И Иои́лё, чяво́ Захариё́ско, ёв исы́с шэралэ́са пэ лэ́ндэ, а Иу́да, чяво́ Сенуё́ско исы́с – ави́рто ману́ш до фо́ро.
10
Рашае́ндыр: Иеда́иё, чяво́ Иоиариво́ско, Иахи́но,
11
Сера́иё, чяво́ Хелкиё́ско, чяво́ Мешулламо́ско, чяво́ Садоко́ско, чяво́ Ахитуво́ско, шэрало́ до Кхэ́р Дэвлэ́ско,
12
и пшала́ лэ́нґирэ, кэрэ́нас буты́ ва́ш Дэвлэ́ско Кхэ́р – охто́шэла дуйдэша́ ду́й, и Ада́иё, чяво́ Иерохамо́ско, чяво́ Фелалиё́ско, чяво́ Амцыё́ско, чяво́ Захариё́ско, чяво́ Пашхуро́ско, чяво́ Ма́лхиёско,
13
и пшала́ лэ́скирэ, шэралэ́ родо́скирэ – дуйшэла́ сара́нда ду́й; и Амашса́ё, чяво́ Азариило́ско, чяво́ Ахзаё́ско, чяво́ Мешыллемофо́ско, чяво́ Имеро́ско,
14
и пшала́ лэ́скирэ, чявэ́ барэ́ мурша́ – шэ́л би́ш охто́. А шэрало́ лэ́нґиро исы́с Завдии́ло, чяво́ Ґаґедолимо́ско.
15
И левитэ́ндыр: Шэма́иё, чяво́ Хашшуво́ско, чяво́ Азрикамо́ско, чяво́ Хашавиё́ско, чяво́ Вунниё́ско,
16
и Шавфа́ё, и Иозава́до, шэралэ́ левитэ́нґирэ, пэ буты́ сави́ па́л Кхэ́р Дэвлэ́ско;
17
Матфа́ниё, чяво́ Михо́ско, чяво́ Завдиё́ско, чяво́ Асафо́ско, шэрало́ саво́ ґадэ́лас Дэвлэ́скиро ла́в до манґипэ́н, и Бакбуки́ё, ави́р пша́л лэ́скиро, и А́вдо, чяво́ Шаммуё́ско, чяво́ Ґалало́ско, чяво́ Идифуно́ско.
18
Сарэ́н левитэ́н до свэ́нто фо́ро – дуйшэла́ охто́дэша шта́р.
19
И ко́н ракхэ́л вуда́ра: Акку́во, Талмо́но, и пшала́ лэ́нґирэ, савэ́ ракхэ́н вуда́ра, – шэ́л эфтадэша́ ду́й.
20
И ачнэ́пэ Израильтя́ни, рашая́, леви́ты, – дэ сарэ́ фо́ры Иуда́скирэ, пэ пэ́скири пху́в.
21
А нефине́и дживэ́нас до Офе́лё, и Цы́хо и Ґи́шфо исы́с лэ́нґирэ шэралэ́.
22
И шэралэ́са левитэ́нґирэса до Иерусали́мо исы́с Уззи́ё, чяво́ Ваниё́ско, чяво́ Хашавио́ско, чяво́ Матфа́ниёско, чяво́ Михо́ско, чявэ́ндыр Асафо́скирэндыр, баґэ́нас до Кхэ́р Дэвлэ́ско,
23
и ца́рё припхэндя́, со́б одолэ́нґэ ко́н баґэ́л тэˍдэ́н саро́ со трэ́би дэвэ́с до дэвэ́с.
24
Пета́хиё, чяво́ Мешэзавело́ско, чявэ́ндыр Зара́скирэндыр, чявэ́ско Иуда́ско, ёв исы́с ко ца́рё пи́р сарэ́ ры́нды израильсконэ́ндэ манушэ́ндэ.
25
И до ґава́ пэ маля́ чявэ́ндыр Иудаскирэ́ндыр дживэ́нас до Кириа́фˉАрба́ и пашы́л фо́ры ла́кирэ, и дэ Диво́на и пашы́л фо́ры ла́кирэ, и до Иекавцеи́лё и до ґава́ лэ́скирэ,
26
и дэ Иешу́ё, и дэ Мола́до и дэ БефˉПале́то,
27
и дэ ХацарˉШуа́ло, и дэ Вирса́вия и пашы́л фо́ры ла́кирэ.
28
и дэ Секела́ґа, и до Мехо́но и пашы́л фо́ры лэ́нґирэ,
29
и дэ ЕнˉРиммо́на, и дэ Цо́ра, и дэ Иарму́фа,
30
Заноа́ха, Одолла́ма и ґава́ лэ́нґирэ, Лахи́со и маля́ лэ́скирэ, Азе́ка и пашы́л фо́ры ла́кирэ. И дживэ́нас ёнэ́ Вирсавия́тыр ко штэ́то Енно́мо.
31
И чявэ́ Вениамино́скирэ Ґева́тыр, ко Михма́са, и до Ґа́ё, и Вефи́лё и пашы́л фо́ры лэ́нґирэ,
32
Анафо́фа, Но́ва, Ана́ния,
33
Ґацо́ра, Ра́ма, Ґиффа́има,
34
Хади́да, Цевои́ма, Невалла́та,
35
Ло́да, и О́на, штэ́то Харашы́мо.
36
Кэ ко́йˉсавэ́ леви́ты исы́с пхувья́ дэ Иуде́я кэ Вениами́но.