¹ ዬ ጊታይ ሃናሺዬዬ ሃፎሽካዽዬዬ፣ ጪኒጌን ናኒ ጊታይ ኣይ ዋዛ ናኒዬ [ጌጳሞ] ናኒዬ፣ ፕርዻ ውርካ ናሺዺ ናኒ ዮ፤ ከዴንታጝ ቁዋቅትሽ ከታቺ እኔ ጎርባ። {ክሊማካ ጳውሎስ} ² ከታቺ እን ከኣንቴ ሻን ክየሙጝ ሃይወንባ ኤዎድያን፤ ሃይወንባ ሲንጤኪንምዻ። ³ እህ፤ እን ባይዳ ናኒ ሹቃጝካ ዋድማጝ ዮ፤ ከክያጃ ሹቃ ኦጉዋዩካ ክራ ሄክሺሼን ከኣኔ ከቀሌምንጦሴ፣ ፕርዻ ከውር ዶክ ጊታይ ቶኩሼ ሮጝ ጊዬይ ከኦካ ወርቀትካ ዳቆጝ ባይዳን ጊታይ ናኒ ካዋድማጝ ከኬልሺቴ ሃኣጚ ጊታጝ [ኣርሼኑጝ] ሃይወንባ። ⁴ ሹ ጮል ዋዝንዽባ ከታቺ እን፤ ሃሌሜዬ ሃሺጝባ ዋዝንዽባ። ⁵ ከጋጝ ኣዬን ጉዋዩ ካኣይባ ኬና ጊባጄ ከኦካ ውር ፓይላ፤ ታቺ እን ኣኔን ዲያው። ⁶ ከኦኬ ፓይላ ከይሁኔኔ [ባሪዮ ጎሲዬኔ]፣ ከጎሺዻ ቦቴባ ይሁኔን ጉዩ ኦካ ሌሜንካ ባሪዮ ዬ ኦይድ ናንዳካ ኦኬ ክየምጵንዻ ጫኒቅህንቴን። ⁷ ሆፎካ ባሪዮ እን ኣይኬ ኦኬ ጶቅሲዬን ሳጉጝ፣ ቶይባ ሻን ጉዩዬ ቃቦ ጉዩዬ ከኢየሱስ ክርስቶስ። ⁸ ከቱንሲዻ ጪኒጌን ናኒ ዮ፤ እን ኣይ ኣኩሉክ ፓይላ፣ እን ኣይ ጎቢንታ ፓይላ፣ እን ኣይ ልኪ ፓይላ፣ እን ኣይ ጫንቃል ፓይላ፣ እን ኣይ ናሺዺ ፓይላ፣ እን ኣይ ሹቃ ፓይላ፣ ኣይኒን ሹቃቱጝ ወይዻ ኣይኒ ጎሹጝ፣ ቃቢባ ከኦግታይ ኣይ እያይኑጝ። ⁹ ኦግታይ የእርርቴ ከኦናኑጝ ወይ ጊታይ የቦቴኬ ኦናኑጝ፣ ጊታይ የዋይቴዻ ወይ ጊታይ የጌይቴዻ ኣይኒን ኦኬ ኬና ኣኔን እያኑጝ ሻሚባ፤ ኣምላክ እንካ ሆፎጝ ኣይባ ከእየው። {ናንዳካ ችሮታ እን ሻሞጝ ጎሺ እን ቦፓይኖጝ] ¹⁰ ከሹ ጁዋኑ ጩዋ ከመንፈስ ሃሊ ከካርሲቴ ናንዳካ ኣን ቃቢዬኑጝ፣ ከታቺ እን ካሎን ዋዝንሲ ኣንባ፤ ከኣኩሉክ ጃ ሻሜን የካኔ ኣንቴኬን ባሊ ዬ ዋቲ የቃቢቴባ ኣን። ¹¹ ሃሺጜ ይኑጝ ማር ናንዳካጝ ሃጋሊዬ ኦኬዬን፤ ናንዳካኦ እን ናኒ ኦካ ኦኬ ፓይላጝ ሃሊኪ ከኣን እያጝ፣ ¹² ሃእባጅያ ኦኬ ካይሲዬንዻ፤ ሃእባጅያ ጌዬንዻ። ካናዓሹጝ ካሽ ቃውኒን ኣኑጝ፣ ካጌዩጝ ካካይሲውጝ ኣይኒን ከኦኬ ኬና ኣኔን እያኑጝ እን ኣኔን ከአኑጝ ሃሊኪ ከኣን ሃእርርያ ኦካ ድኬን ኬናካ ሺጜ እያይ። ¹³ ከእንካ ኣይ ኣን ቁዋቅቱጝ ከእሺ ሃቻሊባ ኦኬ ፓይላ ኣሽክዬን። ¹⁴ ኣይባዬ ናንዳካ የኣኒንቴ ከኣን ከኦካ ጋሎ ናኑጝ የሻማያ ሹቃ። ¹⁵ ከኦካ ይንዻ ሳጊ እየው ውርካ ፊልጵስዩስ ከእያይ የእባጅቴ እየው ኤታጋኑጝ፣ ከሌሜን ከሹ እን የናሺቴ ክያጃ ሹቃጝ ሃናሹጝኬ መቄዶንያያጝ፣ ከኦጉዩ እንቃ ከኣዬኔ ከቦወኔ ከኦካ ቶኦካ ይሁኔን ናዻ ካኒ ኣኔኬን። ¹⁶ ኣይኒን ከሹ ጊታይ ሃኣኒኔ ተሰሎንቄውጝ፣ ከዋዳካ ችግር ናኒ የይዕሲቴያ ኣን ኬልሾ ሌይ። ¹⁷ ይንዻ ካሺዽያ ጁዋንትሻ ካምሼ እየውጝ ዬ ሃካና ፎሽካዽኬን ኣይኔን ጉዩ። ¹⁸ ኦይንካ ዎሺሽ ኣኑጝ ፓይላ፣ ከኦይን ዎሺሼ ኣን ሳጊ ሃጌይያ፤ ኦግታይ የይዕሲቴዻ ሃቦኬ ኦካ ቡዋካ ኣፍሮዱጡዬ ሃቋቁያ፤ ይንዻ ካይ ባሺ ካይዬ፣ ከታካ ባሪዮ ሃእን ኣኔ ቦወኔ ሃጋላ እንካ ዋዝንሲ። ¹⁹ ኣምላክ ናኒዳ ከሆድማሞ ታቺ እን ኔኑጝ እንካ ዎሺሽ እየው ፓይላ ቋቁሼ እየውባ ከኢየሱስ ክርስቶስ። ²⁰ ናንዳካ ኣምላክ ጉዋዩዬ ናንዳካ ሹኔ ጉዋዩዬ ከቦንካ ቦን ጎቢንታ ካኣይ ኔኒ፤ ኣሜን። {ሆፎካ ላልምኔን} ²¹ ናንዳካ ውርካ ይሁኔን ፓይላ ከኢየሱስ ክርስቶስ ቦቴ ኣንባ ሆፎ። ጪኒጌን ጊታጝ ኣኔን ከኣንዳ ቦዋ እንግን ሆፎ። ²² ውርካ ይሁኔን ፓይላ፣ ሳጊዻ ውር ጊታይ ኣይኬ ኦካ ውርካ ቄሳር ቦዋ እየው ሆፎ። ²³ ኣይኔንካ ኢየሱስ ክርስቶስ ካኣይባ ከመንፈስ ጉዩ፤ ኣሜን።