C1 ሜርሜርካ ሐዋርያ ዮሐንስ እንካ ማክንሳጝ 3ዮሐንስ
1
ጌቾ እን፤ ናንዳካ እን ሃናሺዬ ከኣኩሉኩጝ ናንዳካ ውርካ ናሺዺ ናኒ ጋይዮስ፤
2
ውርካ ናሺዺ ናኒ ዮ፤ ከእያይ ናፒሲ ኑኑ ኣኔኔ ከኦኬ ሹቃጝ ፓይላ ከሩዋ ሹቃዬ ከኦኬ ፓይላ ካሙኒሺኔ እኑጝ ሃይሁሼን እንባ።
3
የኣዬ ሹቃካ ኣኩሉኬ የዋኬ ጆሌዻ ናንዳካጝ ኣዬካ ኣኩሉኩጝ ጪኒጊን ክየም ክየም ፓዬኔ ማኚሺዬን ናንዳካ እንያጝ ዋዝንሲያና ካሎን።
4
ሃንታ ናኒ ጋዬኬ እን ዋኬ ጃሌጆሌኬ ኣኩሉኩጝ ከኦካ ዋዬን ሳጊ ሃዋዝንዽኬን።
5
ውርካ ናሺዺ ናኒ ዮ፤ ናንዳካ እን ጋይኒን ኮማናጝ ናንዳካ ኦግታይ የሻምሼ ጪኒጌን ኑኑጝ ፓይላ የኣይ ሹቃ።
6
እንግን ናንዳካ ናሺማ እን ኑኑጝ ማኚሺያ ኦካ ቶኦካ ላሜንካ ቶኦካ ይሁኔን፤ ከኦካ ጉዋር ጊዬይ ከዴንታ ኬናካ ዋዝንሲ ባሪዮ የኬልሺያ እንግንያጝ የሻሚባ ሹቃ፤
7
ጊታይ ቱል ናንዳካ ሮጝ ኔኑጝ ከኦካ ኣሕዛብ ካኒ ቦኬን ኦኬ ክየምጵንዻዬ ጊያ።
8
ኣኪ ከእያይ ሃኣሽኪቴ ከጋጝ ናንዳካ ኣኩሉኩጝ ካቾቺንሺቴ ውር ጊታኬና ኣኔን እያይኑጝ ሁሉኩሼ ኡዋባ።
9
ሃቶኩሼያ ናንዳካ ቶኦካ ይሁኔን እጝ ሜርሜር፤ ኣይባዬ ዲያጥራጡስ እን ዎሺ ውር እያኒሼ ጆሌኑጝ ካኒ ናሺሼኬን ኡዋው።
10
ዬ ኣን ሃኩንያጝ እሺ ናንዳካ ሮጝ ጉዋዩ ካይሲዬን ክያጃ ጋራ ጊታይ ሻሞጝ ፓይላ ሃቡልባ ጃ፤ ይንዻ ሺጝ ካኒ ጃኬንኬኔ ናሺኬን ጪኒጌን ኔኒ፤ ውር ጊታይ ዎሺ ሃሚን ጊዬይ ቦሼንዻ ሃርጌባ፤ ቡልባ እንግን ከኦካ ቶኦካ ይሁኔንዻ።
11
ውርካ ናሺዺ ናኒ ዮ፤ ሙኒንቴ ኦይን ኣይ ሹቃጝ ዬ ኦይ ኦይን ኣይ ጋራ ሙኒኔን፤ እን ኣሽክዬን ኦግታይ ኣይ ሹቃጝ ፓይላ ሃኬ ኦካ ባሪዮ። ዬ እን ኣሽክዬን ኦኬ ጋራጝ ካኒ ጌይኬን ባሪዮ።
12
ናንዳካ ድሜጥሮስ፣ ውር ፓይላ ማኚሺሼባ፤ ኣኩሉክ እሺዻ ማኚሼባ እሺ ኤምኑ፤ ፕር ኡዋዻ ሃማኚሺቴባ፤ እየውዻ ማኛሞ ጉዋዩ ኣዬ ኣኩሉኩጝ የእባጃያ።
13
ዋንቲ ሃኣኔ ኦኬ ጁዋኑ ጊታኬናካ ቶኩሼ እን፤ ካኣይባዬ ካኣዬኬ ቀላሜ ካኣዬኬ እስክርፕቶጝ ሃዎሺኬን፤
14
ካካማ ቶዬ እን ከዲያውጝ ሃቃቢያ፤ ሃቶያ ማሪካ ጋጝዻዬ ሃሃሳውናባ።
15
ሹቃ ካኣይሼ እንባ፣ ውራንካ ናሺዺ ናኒ ቦዋ እን ሆፎ። ውራን ጊታይካ ናሺዺ ናኑጝ ቦሼ እንባ ሆፎ ጊዬይ ከሮጝ ጊዬይ።