¹ ናንዳካ ክያጃካ ዻቆ እን ኣኔን ከታካ ሌሜኑጝ፣ እን ሃዋይቶጝ፣ እን ሃጌይቴኬ ካርቡ ጉዋዩዻጝ፣ እን ሃቶይቴዬ እን ቡዋ ጉዋዩዻ ዱሞጝ ሃሃሳዋባ። ² ዹዋልሼና ዻቆ፤ ኡዋዻ ሃጌያያ፤ ሃማኝሺያዻ። እን ኣኔን ኦካ ሹኔዻጝ፣ እን ዹዋልሼ ኡዋዻጝ ሃሜይቴባ እየው ዻቆ እን ኣይካ ቦን ጮሉጝ፤ ³ እየው ከእያይ የኣይቴኬ ኡዋውጝ፣ ሃሜይቴባ እየው እን ሃጌይቴዬ እን ሃዋይቴዬ፤ ከጋጝ ኣዬን ጉዋዩዻ ከሹኔ፣ ሃኬ ውዋ ኢየሱስ ክርስቶስዻ። ⁴ ዋዛ ጉዋዩዻ ካኣዬ ካሎኑጝ ሃቶኩሼባ እየው ይዕጝ። {ከኦሜሌል ጃሌጆሌን} ⁵ ከእን ሃዋይቴ ከኦኔኑጝ ሜርሜር እን ሃሜይቴ እየውዻጝ፣ ባሪዮ ሃሜሌል፤ ኦኬ ድሙጉዻ ኣኔኬን ኦኔኒ ክየምጵንዻ፤ ሃኬና ሺጝ እያይ። ⁶ ሃጃልናጃላባ ኦድሙጉ ክያኒዬ ሃሺጛ ሃኣያኬ እሺያጝ ሃሾሮሺናባ፤ ሃኣንቴኬን ኦኬ ኣኩሉክዻ። ⁷ ኣይባዬ ከእያይ እሺ ኣኔኒ ኦሜሌሉጝ፣ ኡዋዻ ሃጃላጆላያ ኦሜሌል ክያኒያጝ ሃኣያባ ከጋጝ፤ ኒያቡካ ውዋ ኢየሱስ ክርስቶስዻ ሻምባ ከኦካ ሴሶ ጫንቃሌ። ⁸ ሃሺጛያ ሃኣንቴኬን ሴሶያጝ፣ ሃጊያምሻባ ኡዋው ኤታጋን፤ ኦኬ ኣኩሉክዻ ኣኔኬን ኦጉዋዩ። ⁹ ሃሜሺናያ ሴሶ ጉዋዩያጝ ዋይሼ ኡዋው ሴሶ ጉዩ ካሺዺባጝ፣ ከኦካ ሴሶ ፓይላዻ ካሻሜ ኡዋው ጫንቃሉጝ እሺ ሃኬና ኣይ ሹቃዬ ጫንቃሌ። ኣሽክ ¹⁰ ሃሺጛያ ሃካና ኬን ሴሶያጝ፣ ሃሻማባ እሺ ውርካ ሾ፤ ክያጃ ኔኒዻ ኣኔኬን ኦጉዋዩ።