¹ هذي هي رؤيا عبوديا اللي بينها له المولى الإله على ادوم . ² (( شا اخليش يا ادوم صغيرة بين الامم ، وحقيره قوي . ³ قلبش تكبر واصابش الغرور ، يالي بتجلسي في كهوف الصخر . انت رفعت كرسيش لا فوق وقلتي في قلبك : من يقدر ينزلني للارض ؟) ⁴ ولكن حتى لو طرتي عالياً سعما النسر ، ولو بنيت عشك بين النجوم ، فمن هناك اهبطك . هذا كلام الله . ⁵ لو جاك لصوص او سرق في الليل ، صح انهم ماعيسرقو الا اللي يكفيهم ؟ ولو جاك اللي بيقطعو العنب ، صح انهم عيبقو بقايا ؟ ولكن والخراب اللي عيوقع بش ! ⁶ يسلب ادوم ، يفحص العدو كل خزاينه . ⁷ حلفائش يطردوش ، لا اخر البلاد ، اصحابش يخدعوش ويغلبوش ، اللي ياكلو من خبزش طرحو لش فخ ، وانت مابتفهمي اللي بيوقع !)) ⁸ ويقول الله :(( في هذاك اليوم ابيد الحكماء من ادوم ، والفهماء من جباله . ⁹ فيفتجع ابطالش يا مدينة تيمان ، وكل اللي في جبال ادوم يموتو قتلى ¹⁰ (( اني ظلمتي اخوكي يعقوب ، علميد هذا مغطي لك الخجل ، وتهلك للابد . ¹¹ انتي وقفتي تتفرجي لما بز الغرباء كنوزة ،ولما دخل الاجانب ابوابه ورجمو قرعة على القدس . انما كنتي سعما واحد منهو . ¹² وكان من الواجب ان لا تحتقر اخوكي يوم مصيبته ، ولا تتشمتي ببني يهوذا يوم هلاكهم ، ولا تضحكي عليهم في يوم ضيقهم ، ¹³ تدخل باب شعبي يوم مصيبتهم ، ولا تحتقريه انت والكل على كارثته يوم مصيبته ، ولا تنهبي ثروته يوم مصيبته ، ¹⁴ ولا توقفي عند مفرق الطريق علميد تقتلي الهاربين من بينهم ، وتسلم الاحياء منهم للعدو في يوم ضيقهم . ¹⁵ (( يوم ربنا قريب على كل الامم . سعما فعلت بالباقيين ، يفعل بك . عملك يرجع على راسك . ¹⁶ فكما شربتو على جبلي المقدس ، انتو والكل يا كل الامم تشربو العقاب ، تشربو لما تختفو وكأنكم ما وقعتوش ! ¹⁷ اما القدس فتنجو من العقاب وتوقعو بقعه مقدسة . ويملك بيت يعقوب نصيبهم . ¹⁸ ويوقع بيت يعقوب نار ، وبيت يوسف لهيب ، وبيت ادوم قش ، فلصوهن وياكلونهن ، ولا يبقى منهن احد ، لان الله حكم بهذا ¹⁹ اهل النقب يملكو جبال ادوم ، واهل السهل يملكو ارض الفلسطيين وبلاد افرايم وبلاد السامرة . ويملك بنيمين ارض جلعاد . ²⁰ (( وجماعة الاسرى من بني اسرائيل ، يملكو ارض كنعان حتى للصرفند . والاسرى من القدس اللي في صفارد يملكو مداين النقب ²¹ ويجي المنتضرين من جبل تصيون علميد يحكمو جبل ادوم . ويوقع الملك لله .))