7 أنا جاي بسرعة ! هنياً للي يعمل بكلام النبوة اللي باذا الكتاب."
8 أنا يوحنا شفتو وسمعتو هذي الأموركله. وبعدما ما سمعتو وشفتو كل اللي حصل،ركعتو من شان أسجدعند أرجُل الملاكاللي وري لي هذي الأشياء. 9 فقال لي :"لا تسجد! أنا عبد مثلك ومثل إخوتك الأنبياء،وكل اللي يعملوا بكلام هذا الكتاب. اسجد لله !"
10 وقال لي:" لا تكتم كلام النبوة اللي بهذا الكتاب،لإنو الوقت قرب. 11 فاللي هو ظالم يستمر بظلمه؛ واللي هو نجس يستمر بنجاسته؛ واللي هو صالح يداوم على الصلاح؛ واللي هو مقدس يبقي على قداسته!" 12 " أنا جاي بسرعة، ومعي الجزاء اللي أجازي فيبه كل واحد حسب عمله. 13 أنا الألف والياء، الأول والآخر، البداية والنهاية. 14 هنيئاً للي يغسلوا ثيابهم، لإنو لهم الحق بشجرة الحياة،والحق بخول المدينة من الأبواب! 15 أما اللي خارج المدينة ، فهذوم الكلاب والسحرة والفجار والقتلة وعبدة الأصنام والكذابين واللي يحبوا الكذب!
16 أنا يسوع رسلتُ لكم ملاكي من شان يشهد بهذي الأمور عشان مصلحة المؤمنين. أنا أصل وذرية داود. أنا نجم الصبح المضوي"
17 الروح القدس والعروسة يقولوا: "تعال!" واللي يسمع لازم يقول :" تعال!" اللي هو عطشان يجي، واللي يشتي يشرب، يشرب من ماء الحياة مجاناً!
18 أنا أُحذر كل من يسمع كلام النبوة اللي جاء بهذا الكتاب : إذا احد زيد عليها حرف، بيزيد الله عليه المصائب المكتوبة بهذا الكتاب، 19 واللي يحذف شيء من كلام النبوة اللي بهذا الكتاب، يحذف الله نصيبه من شجرة الحياة، ومن المدينة المقدسة ،اللي جاء ذكرهين بهذا الكتاب.
20 واللي يشهد لهذه الأمور يقول:"نعم. أنا باجي سريع"
آمين! تعال يارب يسوع !
21 نعمة ربنا يسوع معكم كلكم.