¹ من الشيخ يوحنا إلى الحبيب غايوس اللي انا احبه بالحق. ² يا الحبيب، اتمني تكون موفق بكُل حاجة، وتكون صحتك بخير وعافية مثلما نفسيتك الروحية. ³ كم فرحت لما مشوا من عندك اِخوة مسافرين وكلموني أنك تعيش بطريق الحق، وانك مخلص للحق. ⁴ ما فيش حاجة تفرحنا مثلما لما اسمع أنوه أولادي يعيشوا بطريق الحق.

⁵ يا الحبيب، معاملتك الحلوة للإخوة والناس اللي ما تعرفهمش يعني انك أمين لله. ⁶ وهاذوم قد شهدوا لك قدام اخوانك المؤمنين عن المحبة اللي عاملتهم فيبه، وشتعمل خير لو جبت لهم اللي يحتاجوا بالسفر واللي يرضي الله. ⁷ لأنوه الأخوه هاذوم خرجوا عشان اسم المسيح. وهم ما يشلوش أي حاجة من غير المؤمنين. ⁸ فواجب علينا نساعد نفس هاذوم الاخوة عشان نشاركهم بخدمة المسيح.

⁹ كتبت رسالة للاخوة المؤمنين، بس ديوتريفوس اللي يشتي يكون قائد عليهم، وما ستمعش كلامي. ¹⁰ ولما اجي لعندكم، شاكلمكم عن اللي فعله وانوه يقول علينا كلام كذب ويوسخ سمعتي، وما يكفوش هذا الكلام، عاده ما يرضيش يستقبل الاخوة المسافرين، وما يخليش الباقيين يستقبلوهم، ويخرجهم من داخل الكنيسة.

¹¹ يا الحبيب، ما تخليش الشر قدوة لك، اقتدي بالخير. فاللي يعمل الخير فهو يتبع الله، واللي يفعل الشر ما يعرفش الله. ¹² و اما ديمتريوس، فكُلهم يشهدوا له شهادة تمام، حتى الحق نفسه يشهد له. وانا كمان اشهد له. وانت عارف أنوه شهادتي صادقة.

¹³ في حاجات عندي كثيرة اشتي اقلكم فيبه، بس ما شتيش اكتب لكم بالقلم والحبر. ¹⁴ اتمني اشوفكم بالوقت القريب، ونتكلم معاكم من وجهي لوجهكم.

¹⁵ السلام معك، الأحباء يسلموا علوك. وسلم عل كُل واحد من الأحباء لحاله.