အမုဲင်ꩻ (၂)
1
2
1 'တိတု'၊ နာꩻနဝ်ꩻကမဲဉ်ႏကတင်ႏတယ်ႏဒါႏ ဒေါ့ꩻဟွိုန်ချက်ဖုံႏယိုလွုမ်ꩻဟောꩻနယ်ꩻသွဉ်သင်ဗာႏနဝ်ꩻသွူ။ 2 သက်တန် လိုꩻဖုံႏယို သမ္မာႏသတိဖေႏကအဝ်ႏ၊ နမ်း
တွမ်ႏနမ်းကထိန်ꩻနွောင်ꩻသိက္ခာႏ၊ တွမ်ႏပညာႏဖေႏကဆဲင်ႏချင်ႏဒါႏအတာႏ တွိုက်
တွန်ꩻနိုꩻဆောႏဟုဲင်း။ ဘုရာꩻသျင်ꩻအလောင်းတဉ်ႏတဉ်ႏခွေါင်ခွေါင်ဖေႏကယွုမ်းအံႏ
အတာႏ၊ လိုꩻလင်ꩻဖုံႏ အလောင်းဖေႏကအွဉ်ႏမေတ္တာႏတရာꩻ၊ သꩻဆွာꩻသယ်ႏခံႏအတာႏ ဒေါ့ꩻဟွိုန်ဟုဲင်း။
3
4
5
3 အသက်ရွယ်ႏတန်လွဉ်ꩻသားလိုꩻ မူႏဖုံႏယိုဖေႏကကေႏညိုႏဘုရာꩻတရာꩻအတာႏသွဉ်သင်ဟုဲင်း။ ဝွေꩻသီးဖုံႏယိုလိုꩻအလင်ꩻဖုံႏအလောင်း တွမ်ႏထွဉ်ႏဒေါ့ꩻ မွိုန်းငဝ်းဖဲင်။ ဖေႏကထွာမွိုန်းဒဝ်သွဉ်းသယ်ႏဖုံႏ။ 4 နုဲင်းနဝ်ꩻမꩻ လိုꩻမူႏနဝ်ꩻဖုံႏနဝ်ꩻအသက်အရွယ်ႏပေႏသားလိုꩻမူႏဖုံႏယို ဖေႏကထွာလမ်းသားမူႏယံ ဖေႏဆွိုက်လင်ꩻနွောင်ꩻလိုꩻဖုံႏနဝ်ꩻသွူ။ 5 အသက်အရွယ်ႏပေႏလမ်းသားမူႏတဖြာꩻစီႏဖုံႏယို ဝွေꩻသီးဖုံႏလမ်းသားမိသားစုꩻယိုကရက်ဒါႏလမ်းသားမူႏယံဖုံႏထွာလွဉ်နဝ်ꩻသွူ။ မဲ့ꩻအီႏရိုႏသေႏလွဉ်လမ်းသားဝါꩻခို၊ နုဲင်း နောဝ်ꩻမꩻ ဘုရာꩻသျင်ꩻနှုတ်ကပတ်တော်ဖုံႏယိုကဲ့ꩻရဲ့ꩻစောက်ကာꩻဒေါ့ꩻရိုꩻသားဖုံႏအီႏ
အဝ်ႏလွဉ်တမွေးတဝ်းသွူ။
6
7
8
6 ဗွိုန် နုဲင်းနဝ်ꩻ သက်ရွယ်ႏပေႏလိုꩻခိုဖုံႏယိုစꩻစꩻရာႏရာႏယိုနဝ်ꩻဖေႏကထိန်ꩻနမ်းတွမ်ႏနမ်းအတာႏသွဉ်သင်ဟုဲင်း။ 7 ဖေႏကထွာ လိုꩻအလင်စံႏနမူႏနာႏအတာႏအကျင်ꩻဟဝ်ယိုထွဉ်ႏထိန်ꩻသိမ်ꩻတသေႏသွော့ꩻဟုဲင်း။ နာꩻမဉ်ꩻသွဉ်သင်ဆွုံꩻမꩻ ဝွေꩻသီးဖုံႏ ယိုသိက္ခာႏသမာဓိအဝ်ႏအဝ်ႏဆွုံꩻမꩻသွဉ်သင်သွော့ꩻဟုဲင်း။ 8 မဉ်ꩻသွဉ်သင်ဆွုံꩻမꩻလိုꩻအမျာꩻဖုံႏအချိန်ႏ ပါꩻမုဲင်ႏမꩻဖေႏ ကဝေႏဖန်ႏလꩻမွိုန်းနဝ်ꩻ သွုံꩻသွော့ꩻငါကမဲဉ်ႏဒါႏတရာꩻတောႏဖုံႏငါ။ နုဲင်းယိုတဲင်နာꩻယိုပါꩻမုဲင်ꩻမꩻအကျိုꩻ ဖေႏကပေႏ သꩻဖေႏကဝင်ꩻသꩻဗာႏဝင်ꩻအီႏမာꩻလꩻတမွေးတဝ်းနဝ်ꩻသွူ။ ပွိုးနုဲင်းမုဲင်ꩻနဲတဲင်နီဖုံႏယိုဝွေꩻသီးဖုံႏနဝ်ꩻအပဲစ်ဒင်ႏခရာႏ ငဝ်းတ
အဝ်ႏတဝ်းနဝ်ꩻသွူ။
9
10
9 အသွဉ်းအသယ်ႏဖုံႏနဝ်ꩻ ဝွေꩻသီးဖုံႏအဗွေကအဝ်ႏလွိုႏဒါႏအတွိုင်ꩻ လွိုက်နာႏတသေႏဗာႏ နဝ်ꩻသွူ။ ဝွေꩻသီးဖုံႏအဗွေႏယို ဒေါ့ꩻခွုမ်ꩻချာငဝ်းလꩻတဝ်းသွူ။ 10 နီအဗွေႏတခြိုꩻယို တခွန်ꩻမလꩻ၊ ဝွေꩻသီးဖုံႏနဝ်ꩻ အရိုꩻ သာꩻသွတ်ꩻတွမ်ႏထွာဗာႏယွုမ်းအံႏထွိုက်ဒါႏလိုꩻဖုံႏယိုတဲ့သွဉ်သင်ဗာႏနဝ်ꩻသွူ။ နုဲင်းနဝ်ꩻမꩻနီသွဉ်းသီးဖုံႏ ကယ်ႏဒင်ႏဗွေႏ ဘုရာꩻအ
ကျောင်ꩻယို မိဉ်ႏဟောꩻကျာꩻအချိန်ႏတွင်ꩻလိုꩻဖုံႏရိုႏသေႏကေႏညိုႏမုꩻအတာႏ တဖူꩻနယ်ꩻနောဝ်ꩻအတွိုင်ႏ။ မာꩻ ဆောင်ရွက်သင်ꩻငါႏနဝ်ꩻသွူ။
11
12
13
11 ဘုရာꩻသျင်ꩻနဝ်ꩻလိုꩻဖုံႏနဝ်ꩻကယ်ႏဒင်ႏဗွေႏအီကျွꩻလွဉ်သွူတဲင် နီဖုံႏအလောင်းယိုအွဉ်ႏ ကရုဏာႏတောႏတခွုင်းမုဲင်ꩻကရိုꩻအကျောင်ꩻယိုအွဉ်ႏနယ်ပျခါꩻနဝ်ꩻသွူ။ 12 နီꩻဖုံႏနဝ်ꩻဘုရာꩻသျင်ꩻယို မရိုႏမသေႏတွမ်ႏ မာꩻမွိုန်း၊ တွမ်ႏလောကီႏကာမဂုဏ်ႏဖုံႏယို ဖေႏစွဉ်ꩻလွစ်၊ လောကတန်ကိုယိုတွမ်ႏရိုꩻသာꩻစွဉ်ႏစွော့ꩻသင်ꩻရာꩻသင်ꩻရာꩻ ဖေႏကအုံႏအဝ်ႏ တရာꩻတောႏဖုံႏယိုဟောꩻကျာꩻသွဉ်သင်ခါꩻဖေႏနဝ်ꩻသွူ။ 13 တွမ်ႏဘွုံႏကျက်သရေႏကဗွေစွုမ်ႏဒါႏ ဘုရာꩻသျင်ꩻတွမ်ႏနီဖုံႏကယ်ႏဒင်ႏဗွေႏခရစ်တောႏ 'ယေရှု' ဘုရာꩻယိုမဲ့ꩻအီႏကျွꩻပြန်ႏသဲင်ꩻတွိုႏလွဉ်ကရိုꩻယို တွမ်ႏထာꩻ ကော့ꩻမောင်ႏချက်အဗွေ
တဲင် အဝ်ႏအုံပွိုးဗာႏနဝ်ꩻသွူ။
14
14 ပညတ်တောႏဖုံႏယို နီဖုံႏကဖောက်ကုဲင်ခါꩻဒါႏမန်ႏမျှဖုံႏယိုဖေႏ ကကယ်ႏဒင်ႏနွောင်ꩻ၊ တွမ်ႏအပဲစ်ဖုံႏဖေႏကကြောင်းစင်အတွက်ကိုယ်ႏတောႏ 'ယေရှု' နောဝ်ꩻဝွေꩻအသက်ယိုလဲ့ꩻစွဉ်ꩻ လွစ်ခါꩻနောဝ်ꩻသွူ။ ကိုယ်ႏတောႏနဝ်ꩻ နီဖုံႏယိုဖေႏကထွာဝွေꩻမိသားစုꩻအတာႏသꩻအာႏမဲဉ်ထွာသန်ထွူတဲင် ထွဉ်ႏမာꩻ ကွို့ꩻထာꩻဟဝ်ဖုံႏလွုမ်ꩻနဝ်ꩻသွူ။
15
15 တရာꩻတောႏယိုဖုံႏမိဉ်ႏဆွုံꩻမꩻသွဉ်သင်အခိန်ႏနဝ်ꩻ နာꩻထျꩻကအဝ်ႏသမျှဒါႏစွန်ꩻထီ တွမ်ႏအခွင်ꩻအာႏဏာႏဖုံႏယိုသွုံꩻသွော့ꩻဟုဲင်း။ နာꩻယိုပါꩻမုဲင်ꩻမꩻယွုမ်းအံႏကေႏညိုႏမုꩻဖေႏကကုဲင်မွိုန်း။