¹ Nana, ya sosi su yawoeta uwaraba, nanu sina wemaro nauawe. Yaini, naini iya yesina sosi su, yawoeta uwara. Iba Yesu Kerso korosiro oferi woureibiro nanu naiteima ereba, iba danu arioini, araetaini fafiro, daini, naini gonuro ibifutu. Enoba ewe sina duburo batai sifisu. ² Godinu, sosi suro waiya uweta uwara siyawete, danu sina nautaita uwara yawoe gowo uwawe. I mamoe yawoeta uwarama, mamoe yawotada bosari matebaita enanari, Godinu, sina nautaita uwara baue, Godinu bosari mae gowo uwawe. Yanu unu oi mufoe ba waiya da uwawete, anika yanu unu Godinu, waiyaro ode gowo uwawete, danu waiya utebasu enanari uwawe----maru muneta waiya meroma, nono yaru bobo Godinu, waiya uwawe. ³ I, do, dubo dai uwarama daira utebaita, iyari, eno da uwawete, anika mamoe abuma irau aiye utebasu enanari uteibiyawe. ⁴ Iba, i kowaro dai mamoe yawoeta amara, nono owere fafisu, i da me ibene, ibene, ibeta ario were botai barueta mufoita. ⁵ Iba, i taigorai darei roma, ya awoina uwau ibinita uwara, ya adina ba bitara uwaranu sina nauwe gowo uwawete, kakaitu uwawe. Ya yesina, irau aiye uweta sinetama yure, barue uwawete, yanu adada unu uwe matawe. Eno unu uwe mata foita i, Godima, yaba mai bunama eme unu tofoita. Enoba Godi, da eme umanu torowa, ibi madai utebaita uwara ere todebasute, nono danu ure nuda adada ratu, ibaita uwara bairo matebasu. ⁶ Ibaue, ya yesina, Godi, danu buna wakiki wanama ya yawotasuba, adada ratu ure nuda uwawete, ibiya wero danu 0were fafisu kowaro ya yesina mawirofisu. ⁷ Godima, ya yesina erada yawotasuba, yanu totori yesina dabairo odiyawe. ⁸ I, daira uweta sineta da uwawete, ere gowo utada ibiyawe. Yanu wasai amara seitani, da dai eme aeta oruawa kua iboba, eme ai ifiye doberada inarasu. ⁹ Inare kekei uwawete, da maberae eta siyawe. Yanu Godi bairo ba imueta ma buna daiwere uwawe. Ya yesina iwata sinaisi, ewe do, duboro ibinita kakamutu, yesina uma taigorai oferi wouraita. ¹⁰ Ya me oferi miki ratu woufoita, ure nuda baba Godima ya we mune Yesu Kerisonu ibene ibene arioma mawirofis,ma irau ufisu, maba ufisu, mawirofisu, nono madaiwere ufisu. ¹¹ I buna daiwere da bairo ibifisuba, iba me ibene, ibene, ibeta dabairo ibinu. Nanu sina idua. ¹² Nana wene, Siriwenesi, da irau aiye Godinu waiya bunawere uweta kaka, enoba ewe owawa dabai roma yanae yabairo manete, nono we iwata utautane yabairo. Nana irau aiye sina abairo wautane, nono ewe sina wema boroe ya rautane yabairo, ane owawa yanae yabairo mane i da ba Godinu ure nuda sina. I sinanu duboro inare kekei uwawete irau aiye mane utada ibiyawe . ¹³ I Babironi su aweta mune yaini maine odi i awetama ya wema irau aiye utasu. Iyari enoba, nanu amara Makima yabaue wema irau aiye utasu. ¹⁴ Enoba Godinu sina nautaita uwara ba wana mame matanada ariye sina we matawe. Yesu Keriso bairo ibinita ibaue emema Godinu irau aiye uweta sineta yabairo ibifiro, me irau aiye mane ibifoeba iba wautane. Nanu sina idua mesininu.