¹ I ubi roma, i daira uweta sineta, meo sina weta, ararua toto imueta, mui uwaranu raorao ere unu uweta todiya we. ² Iyari eno awoina muneta kuita mutuma, imumunu yowa ifitae unu utaita, iba uma Yesunu ibi roma dai sifiyeita, ³ Iba i rao uwe efasu i da iyanu dai maowere muneta amara da irau. ⁴ Dabairo arawe, da ibene, ibene waka, emema da unutawa utate ure yatuta, roma Godima tatue mune dabairo odi. ⁵ Aini dari eno ibene, ibene waka. I wakama imumunu dai sosi su ufitaro, i Godinu dai waiya uweta uwarama, umanu imumunu we siboro uweta bosari, Yesunu ibi roma mateifitsro, Godima uma unu ufisu. ⁶ Godinu bukaro ewe sina ibinu: "Eya, Na Saiyon dai fisiya waka duboro yauribine, tatueta ini, nono urumu were ini. Aina, ainama dabairo ba imuteifiyeita uwara uma maru da ufiyeita." ⁷ Ya yesina irau, nono aina, ainama Yesu Keriso bairo ba imutaita uwara uma irau, nono Yesu Kerso ba imutawa uwara uma daira, uma Yesu Keriso mune teteu ro wosata, ewe da dai sunu tutubi tora tai iyari eno ya weita. ⁸ Nono, I waka da buridi ufate urei ufasu waka tai ya eno weita. ⁹ Ibaue ya yesina Godima maowere muni uwara, Ya yesina Godima we mune danu waita ufoe ba odi, Godima i iwara yesina mune, danu tamuaru orofaro odiro ibinita, iba ana danu irau aiye uweta sineta sina wema boroyae yafaro, i daira uweta sineta uwara uma dumu roma danu ario ro fafiyeita iba a we mune dabairo odi. ¹⁰ Adinaro ya yesina eme awetama ibi nono ibawa utebita, roma nono woina ya da Gogdinu eme aweta sinita. Ya yesina Godi bairoma danu totori munawa utebita, roma nono awoina ya yesina Godinu ure nuda totori munitate ibinita. ¹¹ Nanu unuma anikari neiyemutu, ya yesina ewe orofa uwaranu ibetari meroma nono mui ororfa uwarama me youme fatate ewe orofaro ibada yanu daira uweta sineta ma daiwere utada, nono yanu toto madaira utaita. ¹² Ya yesina Godinu waiya uwara ya, me irau aiye rau mane uma bairo utebiyawe. I daira uewta sineta uwara yabairo efitate, iba yabairo irau awawa mane ufita. I daira uweta sinetaroma todifitate, yabairo irau mane ufiyeitaro Yesu Kerisonu nono owere fafisu kowaro Godi bairo ario daiwere mafiyeita. ¹³ Iyanu maowere muneta dai amara Yesu Kerisonu ibi roma,yanu gaemani yawie gowo uwawe. Iyanu dai maowere muneta amarama odiro ata dai uwaranu sina nauwe gowo utada, umanu unu enanari utada ibiyawe. ¹⁴ I, Iyanu maowere muneta amarama odiro ata dai uwarama daira uweta sineta uwara mune dumu suro garau ufitate, nono irau aiye uweta sineta uwara bairo yaru ufiyeita. ¹⁵ I da Godinu unu waiya, yae da irau aiye mane utaita. Nono mui uwarama Godinu sina baue daira sina waita uwara. ¹⁶ Iya me irau aiye rau mane ibinisi ya wefote, ma nono daira dau uwawete, roma Godinu waiya uwara ari siyawe. ¹⁷ I eme aweta yesina yawoe gowo uwawe. Yanu kakamutu unuma anikari uwawe. Godini iyawe. Yanu dai uwara yawoe gowo uwawe. ¹⁸ Nanu mui sina eweda ya nauawe. Ya waiya uweta uwara yanu dai eme ereta uwaranu sina nauwe gowo utada, umanu weifiyeita enanari uwawe. Me irau aiye mane yawoeta eme ereta dai uwaranu sina mane nauweta meroma, nono yabairo daira uweta dai eme ereta uwaranu sina ini nauwe gowo utada umanu weifiyeita enanari uwawe. ¹⁹ Iba ainama Godi bairo yaru utasu amara, da danu toto ubarena roma Godi imutada, oferi bobo waiya utebasu, iba Godima ma irau aiye utebau. ²⁰ Anene anu fei muneta a waiya utawa ufaro anu dai eme ereta amarama burutuma a ufisu i ? Roma a irau aiye mane uteifaro iba anu dai eme ereta amrama a ufite, dumu suro mune odifisu, i da Godi aba yaru daiwere mafisu. ²¹ Iba a uwo we mune dabairo odi, iyari eno ba Yesu Kerisoma yaba oferi daiwere wouri. Dana iyanu aneta darei maoeta uwe odi, iba iya yesina danu burubi anifeisi. ²² Yesu Keriso da daira utawa amara, nono mui meo sina wetawa ui. ²³ Yesu Keriso danu wasai uwarama dabaue daira sina webitaro, nono maowere umaba daira sina wetawa ui. Da burutuma ure yanae utebita roma, nono uma maowere urawa uitema, nono uma munite danu baba Godinu wana duboro odi. ²⁴ Yesu Keriso, iya ba unu daiwere uite iyanu daira uweta sineta urumu mune danu ofe deiro odite, korosiro uwi. Iba iyaini uwifete daini me irau aiye ibene ibene ibeta orofaro gonuro ibifeisi. Danu ure yanae uta amai biobaoma, iyanu daira maitue wosani. ²⁵ Ya yesina waraka boro sirima nauwaro tumu sine inarei baita enanari, roma nono awoina ya yesina owere yanu baba bairo farita, iba dana yanu toto tai yawotasu.