¹ Da urugoi ga maemanu nagate Theophilus, boriti vane Iesu ganai me mane mati uhuvaka gava viege, ² ate aumu gadimi otinu, eduge aukamu so urugoi Horu Aena idigevene apostle va ya, hedo gava hero gahi gevenu. ³ Au huhu nagane itaharahe, auki maguri vare avahu au mi yau gagae kinu uhura gera auki mebe kiogevenu yauka au riaga gahisa. Vani utu ababu auka yau vagahe gagae goiare, Dirava basileia gava viege. ⁴ Au yau ruga bouanei, auki ki to gevenu yauka beta Jerusalem gare hisa, eduge yauka yau Mame ominuo gahi gevene uhuyauhuya va ragohisa, au rone, " ⁵ John ra riaga eiava ge auki bapatiso manu.", eduge yaka vani rore be uhurage yana Horu aenava bapatiso misa ⁶ Koita dadaga uhurage yauki beraganu, Rohi Bauge, on a basileia mi goiragi Israel mohi gevare vanivanu se? ⁷ Auki kiro gevenu," yaka beta au orogare vaniva renu batava dibana gahiga vara. era di mame hedokehe gera. ⁸ Eduge yaka hedo mimi vara Horu Aena yai ada orogarei, ge yana da riaga gahiga gahavaia gahisa Jerusalem mati Judea renu Samaria uhura inuhati, renu mata inuhati uhura." ⁹ Rohi Bauge ga e inuhati roeare, yau vava nigage uhurage auki gadimanu, the raki bakuanu yau niehe. ¹⁰ Yau vava nigahi une, lnono veite ata abuge ki yau gaika ogona aka ruga rahanu. ¹¹ Yauki ronu Galilee atavaya, esena ya vava nigahi unu? Iesu o ya gare gei vava otine ra, guma kobuga oige auna goiragi orogisa." ¹² Yauki goiragohi Jerusalem otinu Olive nimuva seni, Jerusalem gaika, sabadi vani iovara. ¹³ Yau kau raganei, yauki yaga auhe gadihanu, yau uyare adira. Peter, John, James, Andrew, Philip, Thomas, Bartholomew, Mathew, James, Alphaeus Moe, Simon Zealot koitava, renu Judas, James Moe, ¹⁴ Yauki uhu kobugava imimi rage-ga, magi rua renu Mary, Iesu nagina mati au soukuhea. ¹⁵ Vani e yau uhurage Peter raki ogonana inuhati tinahu be utu abu yau ihehe ronu," ¹⁶ di gogo nanuhea ona magenu ga aenavara ra riaga goisa, Horu aenvara gurigoi gavanu ihiege ga raki David ava gehe hakivanu Judas dainehe, auki Iesu gami hoekanu gahavaia nisi gei otege yauki Iesu manu. ¹⁷ Autagera no bera auka mu Aena me kine damunava manu" ¹⁸ ( Ata ora mata bera auki haevanu au bi kine nata vahe,eige auki au omote he ariragi ge au ahata make ki hosa ragi Bao raganu ge au bouke inuhati raki bohuraganu. ¹⁹ Badi era Jerusalem uhura uiare gahavaia inuhati ge ihinu, yauki mata e ihivami "Akeldama," ronu. yau garehege, "tago adiravara.") ²⁰ " Auka mu Psalms uhura ronu,' mata e ramu ahake usa, renu yanegu koita be ki roege au ei ume,' koita be miege auma me kine meva kisa.' ²¹ E dainehe ge noka riagahu atabe no ruga vani inuhati yoavege, Rohi bauge Iesu ni vagahe hakivi oti, oroge, ²² ganai John bapatiso gahanei ate auna gare gevare vava otinei,koita ena no ruta au maguri vi goiragane riaga gahisa." ²³ yauki ata abu gagae kiogevenu, Joseph yau ihiva roege Barsabbas, au ihe bera Justus mati Matthias. ²⁴ Yauki imimi raga re ronu. Rohi Bauge aka koita inuhati yau soruke dibanara, koita o abu yau vagahu a gaharahe vare koitava noi gagae ki. ²⁵ Auma Judas apotolo me aena garemane kisa. ²⁶ e itaharahe yauki muni kusina kira gevenu, minu raki gagae kinu Matthias raki yau ate utu be kobabe e utu be abu gahanu.