¹ . E Thorithori era Iesu Keriso thorina, Palau Velegaua nauna. ² . Maina eve alo kune prophet Isaiah thaonai, "Ono ia, thauna ana unagi thawa ia geku veunagi auna goi vilamu ai, eauna goi gemu tharapara pene alamavua, ³ . E karo egogo thainia olopu unu unu thaoana na, "Igo ala mavua Velegaua gen- tharapara; igo ala thakwathakwa." ⁴ John eroa, baptizing wakapu learai pe evariparawai e baptism raonai venuavi na wara galama pene ilagiwairia. ⁵ Wanai e country Judea maparana e aunilimalima maparana Jerusalem na gerao John elenai. E uma maparana e baptize ria John na wa Jordan wainai, ge confess wai gegalamao raorana. ⁶ John gena rapua (coat) eligoa wara camel vuina e leather belt kapagau na eligo vanagia, pe ia wa koloma (locust) e kwarapunupunu (wild honey) eganiwai. ⁷ John na ilagavukune era, "Au apuna pene veamai rau mulikuna ia iavuiwavagi nori rau veaiku; ia gena sandle rau e nori gelegele walori pana luvari e pana alavagi ria. ⁸ Rau a baptize muini e nalu nara, namu ia nara pene baptize mui wara Vea Palauna na." ⁹ Eia eveaina ewala wagaro raorai wara Iesu Nazareth na erao Galilee ai, pe ia wa John na e baptize iao Jordan Wainai. ¹⁰ Pe Iesu roe baptize wai naluraonara eala aoio, ia na eiao wara kupa veana eve alapao pe wa Spirit eve rivo Iesu ranai no punemanu veaina. ¹¹ Karo apuna emi gogo rivo kupa veana unanara, "Goi rau geku ulamagi iwavagina Nauku." ¹² Pe e spirit na evailearao ia eroaraio wa kapu leanai. ¹³ Ia wa kapu leanai wa garo e pogi kapanana vaivai ealuo, epe ia ealaovoao Satan na. Ia wara wild animals raorai, pe aneru na geala veniawai ia. ¹⁴ Waorai mamulinai John mage arrest uma ranamo, Iesu erao Galilee ai eilagavu evailarawai gospel e Palau Velegaua gena. ¹⁵ Ia neiwao, "E time era pegugulu, pe Palau Velegaua gena kingdom e peve avi. Galama raonana igo vealavagi pe igo veva auna auna e gospel raonai." ¹⁶ Waora ia eroa raowai epiepiai wanai Galilee rawapana epinai raonai, ia na eau ma walawala na eirao Simon e Andrew ila le geolea rawaparai, epe ila wa maganiavu auri. ¹⁷ Iesu nara evailarao ila, "Veamai, mulikuai, pe rau na ana varipamui fishers of men." ¹⁸ Pe velevagi ila na magani le ria gekaliwaniria pe ia mulinai ge roao. ¹⁹ Epe Iesu mae roarao wai ma iana kiri kiri, ia na eiarao James ma walaavana John ila Zebedee nauna lualua; ila wara boat ai le mariri ria gevaiwai. ²⁰ Iesu na egogo rao pe ila na gekaliwania amari Zebedee geria boat ai magena servants, namu ila geroao ia mulinai. ²¹ Pe ila gerao Capernaum raonai, pe e Sabbath, Iesu eve roaoa rupu (synagogue) raonai pe ewapawai. ²² Ila wa gekalilea gena vevaripa (teaching) raorai, pe ia na evariparawai gauri wa no au apuna mage- na iavu (authority) pe nori wa rova geve varipa agiani auri veairi. ²³ Wanai wara au apuna ila geria rupu raonai riau megana avuavu ravarava rao- nai eagigogo, ²⁴ neiwai, "Ragau raina iga ala agimu, Iesu auni Nazareth? Pe goi poveamai ono araravamai rai? Rau ripaku wara riai goi. Goi wara Vea auna Apuna (the Holy One) Palau Velegaua raonana!" ²⁵ Iesu na ewaneri wa avuavu ravarava ria pe neiwao, "Galavu igo rakwauaria pe igo miroarai naia raonana!" ²⁶ Wa avuavu ravarava rana gerakwa aliao ia pe geroaraio ia raonana rowae agigogowai pe galavuna iakamu. ²⁷ Uma maparana wara ge kalileao, epe ila ge verenagi wai mauri raorai, "Ragau e ia? E vevaripa valivuna ma iavuna! Ia na maina pe command ri avuavu ravarava rana ia karo na mapege amonagia!" ²⁸ Iesu na wagau ealari rori ria eroa lovolovo kapu mapararai erao Galilee ma- paranai. ²⁹ Mulinai ila geroarai wa rupu nara, ila geveroaoa Simon e Andrew rana numai, pe James e John mage rao. ³⁰ Wanai wa Simon gena agama vavine emao manaku- lana e fever ole, pe ila na gevailarao Iesu e vavine mavina. ³¹ Epe Iesu erao, erogo- ao imana, pe eva laiao; fever egavuvagio, pe eia enamao maeveva avawai ila elerai. ³² Wa lavilavinai garo eve eo rivo muli- nai, uma na gevairao Iesu elenai wa riairi e nakulari o demons raorai makairi gerao. ³³ Wa city umana gerao gaukerunai wa kapu ai geve koukou. ³⁴ Ia na evanama- rao uma kamuvagi riairi geria nakula viri irauri e avuavu (demons) egiurairai, namu ia na neririwari e demons pige rori repana ila na geripara ia. ³⁵ Ia elai pogipara, roe muna raonai, ia eroarai pe erao wa kapuai uma noai gerao ni pe wanai ia eaoali. ³⁶ Simon e wanai riairia Iesu ria gerao uma rana pogipogi nai geavuawai Iesu. ³⁷ Ila nara geve rawalia ia pe ila na gevailarao Iesu, "Uma maparana goi geavumu nia." ³⁸ Ia neiwao, "Ia eroa ma kapu vairai, wa towns gemiao avarai, pe wa rau mapa- na preach wanai mai. Eve aina gaurai rau pami roarai enai." ³⁹ Ia eroao ari kapu veairi Galilee maparanai, e preaching wai geria rupu raorai pe wa demons egiurai rawai. ⁴⁰ Lepera auna apuna erao Iesu elenai. Ia na enogiao Iesu; euialio e neiwao, "Pere goi poro ririwa, goi na poro vanamaku." ⁴¹ Ealarao mavenuavina, Iesu imana eu raoa pe enaparao eau, evailarao ia, "Rau aririwani. Ono veraleva." ⁴² Velevagi wa lepera vivina elewalewao, pe eau aunipar- anai wavivi enamao. ⁴³ Iesu na erovarao eau pe rori igaua evailarao. ⁴⁴ Ia na evailarao eau, "Ripa- mu rori apuavagi po-ono vaila uma apua, namu ono roa, ono vevaripara goi maumu priest elenai, pe pono veoleali wara Moses na e command wa goi pove raleva, pe eia wara testimony apuna ila elerai. ⁴⁵ Namu ia eroao pe eveilagi lovolovoa kapu maparai Iesu na ia evanama rorina, eve kamu wanana Iesu ne roao ma town vairai namu ia eraowai wa vanua gemiao kapuraimo. Namu aunilimalima wara kapu maparana na roge raowai Iesu elenai.