Ulwamalumbo yakwa Dabidi ulwa kubwasha icibukisho. ¹ Yahweh winjebawila mubukali bobe; wimpanika nebo mucipya cobe. ² Pantu amata yobe yandasa nebo nokuboko kobe kwantikisha panshi nebo. ³ umubili wandi onse naulwala pamulandu wabukali bobe; tamuli bumi mumafupa yandi pamulandu we sambi lyandi. ⁴ Pantu amampulu yandi yalisula paline; yaliba cisendo icakulema kuli ne. ⁵ Ifilonda fyandi fyali bundalila nokununka pamulandu we sambi lyandi ilya bupuba. ⁶ Balanta tanga nokutukwa cilanshiku; nyendauka nokulila akasuba konse. ⁷ Pantu muline, naisushiwamo ukulungula; tamuli ubumi munofu wandi. ⁸ Nalilopoka no kufwantwa; imima yandi pamulandu wakulanguluka kwamutima wandi. ⁹ Wemfumu, we walishiba ukulilishika kwapanshi yamutima wandi ne mima taifiswa kuli we. ¹⁰ Umutima wandi uletunta, amaka yandi yapomponteka, nokulolesha kwelinso lyandi kwashibantukila. ¹¹ Abanandi nabo twenda nabo bambutukane pamulandu wafyondi; abena mupalamano bandi baiminina apatali. ¹² Abo abasupika umweo bwandi balanteye fiteyo nebo Abo bonse abasupika ukucenwa kwandi basosa amashiwi yabonaushi nokulanda amashiwi yakuntuka akasuba konse ¹³ Nomba nebo ndikubati ni nkomyamafwi nokumfwa ii; Ndikubati ni cibulu nokulandaii . ¹⁴ Ndikubati muntu utamfwa kabili utabwesha kwasuka. ¹⁵ Cacine ndolela webo, Yahweh ; ukangasuka, wemfumu Lesa wandi. ¹⁶ Nalande fi pakula abalwani bandi bela angila pali ne. ulo amakasa yangi yatelemuka, bakole kucita ifintu ifyabubi kuli nebo ¹⁷ Ulo nkafwaya ukuti ngwe kabili ndi muku somenwa ukukulu ukwakutwalilila. ¹⁸ Nalumbula ukushinwa kwangi, ninjishiba ulubembu lwangi. ¹⁹ Lelo abalwani bangi balifula Abo abampatila mucilubo bengi. ²⁰ Balambwesesha nebo ububi pabune; bambepeshati kapondo pali ne nkonka ifya bune. ²¹ Winshya nebo, Yahweh , Lesa wandi, wikata ukytali ukutali ukufuma kuli ne. ²² Isa bwangu kunkumpususha ne we mfumu wepusukile lyandi.