kuli kemba mukulu ulwimbo lwakwa Davidi. ¹ Imwilu shilanda ubukata bwakwa Lesa kabili no lwele lulenga imilimo yaminwe yakwe ukwishibikwa!. ² Akasuba nakasuba ukulandwa kulabapo; ubushiku no bushiku busokolola amano. ³ Takwaba ukulanda nangula amashiwi ayasoswa; amashiwi yabo yakanwa ukumfwika. ⁴ Lelo amashiwi yabo yaya pesonde ponse, kabili ukulanda kwabo kumpela ya calo ye waliposa itenti lyakasuba pakati kobe. ⁵ Akasuba kaba nga shibwinga akofuma mumuputule wakwe kabili ngo mwaume wakukosa uusekelela ulo wabutuka ulubilo lwakwe. ⁶ Akasuba katula ukufuma mu mushilwa umo uwa mutwalele kabili nokupitila mulwelele kuubiye,tapali nangu cimo icifuma kukukaba kwaciko. ⁷ Amalango yakwa Yahweh yakupwililika yabweseshamo umweo; ubunte bwakwa Yahweh bwacine bupanga abakwangukililwa abamano. ⁸ Ifya kukonka fyakwa Yahweh fyakulungama, filenga umutima ukwanga, amafunde yakwa Yahweh yakulungama, yaleta ulubito ku menso. ⁹ Akatina kwakwa Yahweh ebulungami, bwikalilila umuyayaya; amafunde yashila yakwa Yahweh ya cine kabili yonse pamo yakulungama!. ¹⁰ Yaba aya cindama sana ukucila golide ukucila kabili sana na golide walopololwa yakulowa ukucila ubuci kabili umuchi ubukosunguluka ukufuma mu cipepe ¹¹ Eco umubomfi wenu akosokwa kuli bo; muku babela waliba icilambu icikulu. ¹² Nani wingebukisha ifilubo fyakwe fyonse Ngwamyeni ukufuma kufibi ifyafisama. ¹³ Sungeni umubomfi wenu ukufuma kumasambi ya katulumushi. Eco nalaba uwa kupwililika kabili nalaba uwa kaele ukufuma ku fyalubana fyonse. ¹⁴ Amashiwi yakanwa kandi kabili na matontonkanyo ya mutima wandi yengaba aya pokelelwa mu cinso cobe Yahweh icilibwe chandi kabili kalubula wandi