¹ Yahweh wasosele kuli Mose: ² Sosa ku bantu ba bakwe Israeli no kulanda kuli bo, 'Ishi enshikunkulu shakwa Yahweh ishasontwa, isho ufwile ukubilisha ugo kulongana kwa mushilo; Ninshikunkulu shandi isha iyonse. ³ Mukalekubomba inshiku mutanda, lelo ubushiku bwalenga cinelubali bwe sabbata lyakutushamo umupwilapo, kulongana kwa mushilo. Tamufwile kubombamo mulimo nangu umo pantu li sabata lya kwa Yahweh muncende shonse isho mukalekwikalamo. ⁴ Ishi enshikunkulu shakwa Yahweh ishasontwa, ukulongana kwa mushilo uko ulingile ukubilisha pashita yashiko iyasonywa: ⁵ Mu mweshi wakubalipo, pa bushiku bwalenga ukumi limo na shine mu mweshi pa cungulo bashiku, li pasaka lya kwa Yahweh. ⁶ Pa bushiku bwalenga ikumi na shisano mu mweshi umo wine ninshikunkulu ya mikate iishatutumuka ya kwa Yahweh. Panshiku cinelubali mufwile mukalekulya umukate uushatutumuka. ⁷ Ubushiku bwantanshi mufwile ukupakako no kulongana capamo, mwikalabomba umulimo wenu uuli onse. ⁸ Mukalepela umutulo wa cakulya kuli Yahweh pashiku cinelubali. ubushiku bwalenga cine lubali bushiku bwa patulwa kuli Yahweh ubwakulongona, kabili pali ubo bushiku tamufwile kubombamo mulimo wacilabushiku.'' ⁹ Yahweh wasosele kuli Mose, no kulanda, ¹⁰ ''Sosa ku bantu ba bakwa Israeli no landa kuli bo, 'Ilyo mukoisa mu calo ico nkomipela, kabili ilyo mukasombola ubusomboshi, elyo mukalete umupo wanseke sha fisabbo fyakubalilapo ukupya kuli shimapepo. ¹¹ Akemye umupo wa nseke ku cinso ca kwa Yahweh no ku upela kuli wo, pakuti cikakelelwe pa lubali lwenu.Ubu bushiku bukaba panuma no ku upela kuli ne. ¹² Pa bushiku ilya ukenya umupo wa nseke no ku upela kuli ne, mufwile ukutula umwana wa mpanga iilume iili no mwaka umo uwakufyalwa iishakwata bulema nge ca mutulo wa koca kuli Yahweh. ¹³ Umutulo wa nseke ufwile ukuba uwa pekumi tubili utwa lupe wa bunga bwapeleka ubo basankenyemo namafuta, umutulo uyo bacilile pa mulimo kuli Yahweh , pa kufunga iceena icakunukila,kabili no kubikapo pali co umutulo wa mwangashi uwakunwa, pakati wa citika wa hin. ¹⁴ Tamufwile kulya mukate, atemwa awa koca nangu inseke ishibishi,mpaka fye ubushiku bulya bwine mwaletelemo uyu mutulo kuli Lesa wenu. Ili likaba lifunde lya kubelelela munkulo shonse isha bantu benu, mu ncende shonse umo mukalekwikala. ¹⁵ Ukutampila fye ukufuma pa bushiku bwakonka pa sabbata-ubo bwali bushiku ubo waletelepo umupo wa nseke nge ca mutulo wa kulangisha-ukupenda imilungu iituntulu cine lubali. ¹⁶ Ufwile ukupenda inshiku amakumi yasano, ubo ubukaba bushiku bwa panuma ye sabata lyalenga cine lubali. Elyo mufwile mukapele umutulo wa nseke shipya kuli Yahweh. ¹⁷ Mufwile mwaleta ukufuma mu nayanda yenu imitake ibili iyacitwa ukufuma ku twa pe kumi tibili kuli efa. Ifwile ya citwa uku fuma kubunga bwangano ubwakupeleka kabili bauca pamo ne citutumushi; ikaba mutulo wakulangisha uwa fisabo fyatanshi kuli Yahweh. ¹⁸ Mwifwile mwaupela no mute abana ba mpanga cinelubali abamwaka umo kabili babulamo akalem, umwana wa ngombe iilume, kabili na basukusuku babili.Bafwile ukuba umutulo wa koca kuli Yahweh, no mutulo wanseke wabo no mutulo wa cakunwa wabo, umutulo wakucita ku mulilo kabili uulefunya icena icanukila kuli Yahweh . ¹⁹ Mufwile mwatula imbushi imo iilume pa mutulo wa pesambi , na bana ba mpanga babili aba mwaka umo kukuba ibambo, ngo mutulo wesenge. ²⁰ Shimapepo afwile ukufilangisha pamo no mukate wa fisabo fyantanshi pacinso cakwa Yahweh, ne mpanga shibili. Fikaba mutulo wa mushilo kuli Yahweh uwakwa shimapepo. ²¹ Ufwile ukubilisha pa bushiku bumobwine .Kukaba kukumana kwamunshilo, kabili mwikabombamo mulimo wacilabushiku.Ili likaba lifunde munkulo sha bantu benu mu ncende umo mukalekwikala. ²² Ilyo mukasombola ubusomboshi bwa calo cenu, mwikalekupwishisha kusombola mu fifitu fyonse fyamabala yenu, kabili tamulingile kulonganya ifiponene fya busomboshi bwenu. Mufwile mwafishila abalanda na benafyalo. Nine Yahweh Lesa wenu.'' ²³ Yahweh wasosele kuli Mose, no kulanda, ²⁴ ''Sosa kubantu bakwa Israeli no kulanda,'Mu mweshi wa cine lubali, ubushiku bwantanshi mumweshi bukabe kutusha kwa kulalikwa kuli mwe a, icibukisho no kulisha kwa ntandala, kabili kulongana kwa mushilo. ²⁵ Tamufwile kubombamo umulimo wacila bushiku, kabili mufwile ukutula ilambo ilyacitwa ku mulilo kuli Yahweh.'' ²⁶ Elyo Yahweh wasosele kuli Mose, no kulanda, ²⁷ ''Nomba ubushiku bwakukulenga ikumi ubwa uno mweshi walenga cinelubali bushiku bwa cakufutilapo. Bukabe bushiku bwakulongana kwa mushilo, mukaicefye no kupela kuli Yahweh ilambo lya mulilo. ²⁸ Mwikacitamo mulimo mulyabo bushiku pantu bushiku bwa kufutilapo, pakucita ukuifutila mwebene pa cinso cakwa Yahweh Lesa wenu. ²⁹ Uyo onse uutakaicefye palyabo bushiku afwile ukuputulwako ukufuma ku bantu bakwe. ³⁰ Uyo onse uukabomba umulimo muli bulya bushiku, Ine Yahweh, nkamonaula ukufuma mu nantu bakwe. ³¹ Tamumufwile kubomba umulimo uuli onse pali bulya bushiku.Ili likaba lifunde lyakubelelela munkulo sha bantu benu muncende umo mukalekwila. ³² Ubu bushiku bufwile ukuba lisabata lyakulalikwa kwa kwakutusha, kabili mukaicefye ubushiku bwalenga pabula mu mweshi ufika icungulo bushiku mukalekusungilila isabata lyenu.'' ³³ Yahweh wasosele kuli Mose, no kulanda, ³⁴ ''Sosa ku bantu bakwa Israeli, no kulanda, mubushiku bwalenga ikumi na shisano uwa mweshi walenga cine lubali bukaba ninshikunkulu ya nsakwe kuli Yahweh.Ikalekupwa inshiku cinelubali. ³⁵ Pa bushiku bwantanshi pafwile pakabe ukulongana kwa mushilo. Tamufwile kucitamo mulimowacilabushiku. ³⁶ Pa nshiku cine lubali mufwile ukutula ilambo ilyacilwa kumulilo kuli Yahweh. Pabushiku bwalenga cine konse konse bukabe kulongana kwa mulilo, kabili mukacite ilambo lya mulilo kuli Yahweh . Uku kulongana kwa kulalikwa kabili tamufwile kubombapo umulimo wacilabushiku. ³⁷ Ishi ninshikunkulu ishasontwa isha kwa Yahweh, isho mufwile ukubilisha ngo kulongana kwa mushilo ku kutula ilambo lya mulilo kuli Yahweh, umutulo wakoca no mutulo waseke amalambo ne mitulo yafyakunwa, umo pa bushiku bwa uko. ³⁸ Ishi nshikunkulu shikalundwa pama sabata yakwa Yhaweh ne fyabupe fyenu yonse imilapo yenu, kabili ne mitulo yenu yonse iya kuitemenwa iyo mupela kuli Yahweh. ³⁹ Ukumona panshikunkulu shasakwe, pa bushiku bwe kumi na shisano mu mweshi wa ccineelubali, ulo mukalonganika mu fisabo fya mu calo mufwile ukulama iyi nshinkunkulu yakwa Yahweh panshiku cinelubali . Ubushiku bwa ntanshi kutusha kutusha kwa kubilisha, kabili ubushiku bwalenga cine konse konse nabo bwine bukaba kutusha kwalalikwa ⁴⁰ Pa bushiku bwa ntanshi mufwile ukubulapo ifisabo ifya bune ukufuma ku fimuti, imisambo ya tuncindu, ne misambo ya mabula iya fimuti fya mwiteshi ne fimuti fya ku nyika kabili mukalekusansamuka nshikubali pacinso cakwa Yahweh Lesa wenu. ⁴¹ Pa nshiku cine lubali mu mwaka umo mufwile mukalekusefya iyi nshikunkulu kuli ukufumina munkulo sha bantu benu muncende umo mukalekwikala. mufwile ukulasefya iyi nshikunkulu mu mweshi walenga cine lubali. ⁴² Mufwile ukwikala munsakwe ishinono panshiku cine lubali.Bonse abafyalilwa mu Israeli bafwile ukwikala munsakwe ishinono inshiku cine lubali. ⁴³ Pakuti abanakufyalwa benu inkulo nekulo, bakasambilila ati Nine nalengele ukuti abantu bakwa Israeli shakuba filya ilyo nabatulwile ukufuma mucalo ca Egypito. Ninebo Yahweh Lesa wenu.'' ⁴⁴ Muli yiy nshi , Mose abilishe ku bantu bakwe Israeli inshikunkulu shasontwa isha kwa Yahweh.