¹ Yahweh atile kuli Mose, nokuti, ² ''sosa kubantu Israeli nokulanda kuli bo, 'Nine Yahweh Lesa wenu. ³ Tamufwile ukucita ifintu filya abantu bacita mu Egypito uko mwaikele kale .Tamwinakucita ifintu filya abantu bacita mu Kenani, icolo uko nkomitwala. Mwikonka imisango yabo. ⁴ Amafunde yandi mufwile ukukonka, kabili amafunde yandi eyo mufwile ukusunga, pakweba ati emo mulekwendela, pantu Ninebo Yahweh Lesa wenu. ⁵ Eico mufwile ukusunga ifipope fyandi na mafunde yandi . Umuntu nga ayabaka, akekala pamulandu wayako. Ninebo Yahweh. ⁶ Mwipalamina onse lupwa lobe uwamupepi kukumusha ubwamba, Ninebo Yahweh. ⁷ Wifimbula pabwamba bwakwa noko, ninoko, taufwile ukufimbula pabwamba bwakwa. ⁸ wifimbula pabwamba bwabakashi bakwa wiso; bwamba bwakwa wiso. ⁹ Wifimbula pabwamba bwakwa nkashi yobe, abe mwana uwanakashi wakwa wiso nangu mwana umwanakshi wakwa noko, libe akulile pangánda yobe nangu ukutali ukufuma kuli webo. ¹⁰ Wifimbula pabwamba bwamwanakshi wamwana obe umwaume nangu pa mwanakashi wamwana obe umwana kashi, pantu ubwamba bbwabo bwamba bobe we mwine. ¹¹ Wifimbula pa bwamba bwa mwanakashi uwa mukashi wiso, uwakulile mulupwa lwakwa wiso, pantu ninkashi yobe. ¹² Wfimbula pabwamba bwakwa nkasi wakwa wiso, nilupwa lwakwa wa wiso. ¹³ Wifimbula pa bwamba lyakwa wabo lyaba noko, nilipwa lwaba noko. ¹⁴ Wifimbula pa bwamba bwakwa wabo waba wiso, emukutila, taufwile ukukonka umukashi wakwe nonoko. ¹⁵ Wifimbula pa bwamba bwamulokashi, mukashi wamwana obe, taufwile ukufimbula pabwamba bwakwe. ¹⁶ Wifimbula pabwamba bwa mukasi bwakwa wenu, bulya bwamba bwakwa wenu. ¹⁷ Wifimbula pabwamba bwamwanakashi nomwana wakwe umanakashi, kabili taufwile ukubula umwana umwanakashi waamwana wakwe umwaume nangu umwana umwana umwanakashi uwamwana wakwe umwanakashi ukumufimbula pa bwamba bwakwe; niba lupwa; cenalishiku. ¹⁸ Taufwile ukupa wabo wamukashi obe mu kashi wabubili nokufimbula pabwamba bwakwe ilyo umukashi obe uwapa kwamba acili umumi. ¹⁹ Wipalama umwanakashi kukufimbula ubwamba bwakwe panshita ali uwakowela. ²⁰ Wisendama nomukashi wamwina mupalamano obe kuikowesha wemwine nao muli uyu musango. ²¹ Tamufwile ukupela abna abali bonse ukubabika mumulilo, pakweba ati wabatula kuli moleki, pantu taufwile ukusebanya ishina lyakwa Lesa obe Nine Yahweh. ²² wilala no mwaume umbi ukuba kwati mwanakashi; fyamuselu. ²³ Wilala ne nama yonse nokuyonaula wemwine kuli co. Nangula onse umwanakashi ukuipela kunama kukulala nayo, cilya camusebanya ²⁴ Wiisebanya wemwine muli ii yonse inshila pantu muli yonse ii misango imituntu ilikowelele, imitundu iyo nkatamfya ukufuma ku we. ²⁵ Icalo caishilekuba icakukowela, eco nakandile imembu shabo, kabili ne calo calukile abekashi baciko. ²⁶ Imwe, eico mufwile ukusunga amafunde yandi ne fipope, kabili tamufwile ukucita ififyonse ifintu ifyamuselu, cibe umukaya uwafyalilwa mubena Israeli nangu umwina fyalo uwakala mukati kabo . ²⁷ Pantu ici ebubi ubo abantu mucalo bacitile, abo abaikele kuno panuma yanu, kabili lelo icalo nacikoweshiwa. ²⁸ Eico mube abakucenjela pakweba ati icalo tacimilukile na panuma namucikowesha, agefyo calukile abantu abaliko kale pali mwe. ²⁹ Uyo onse uwacita conse pali ifi fintu fyamuselu, umuntu uwacta ifintu fyamusango uyu akaputulwako ukufuma pakati kabntu babo. ³⁰ Eico mufwile ukusunga ifyebo fyandi ukukana cita conse pali ishi mbela ishaliko kucitwa kuno tamulabako, pakweba ati tamuisebenye mwebene kuli bo.Nine Yahweh Lesa wenu.