¹ Caishile kuba ilyo abantunse batendeke ukufula pe sonde kabili nabanakashi balifyelwe kuli bo, ² ukuti abana baume bakwa Lesa bamwene ukuti abana banakashi babantuse bali abakuyemba. baibulile abene benka abakashi, onse uo bo basala. ³ Yaweh alandile ati, ''Umupashi wandi tekuti wikalilile mubantunse umuyayaya, pantu bena bantufye. Bakulaikalafye myaka 120.'' ⁴ Amapaka yalipesonde muli shilya nshiku, kabili ukuyafye napantashi. Ici cacitikile ilyo abana abaume bakwa Lesa baupile abana abanakashi babantu, nokukwata nabo abana. Aba bali abaume bamaka abapakale, abaume balulumbi. ⁵ Yaweh amwene ukuti ububifi bwa bantunse bwakulisha mwi sonde, kabili nemifwaile yamatontokanyo yabo mumitima yabo yalifye yabubi lyonsefye. ⁶ Yaweh alilangulukile ico abumbile abantunse pa calo, kabili calimulangulwishe mumutima wakwe. ⁷ Elyo Yaweh asosele ati, ''Ndinokulofya abantunse abo napangile ukubafumya pamulu lyesonde lya calo-abantunse ne nama, nefintu ifikulika nefyoni fyamumulu, pantu nala nguluka pakuti nalibabumbile.'' ⁸ Lelo Noah asangile ububile mumeso yakwa Yaweh. ⁹ Ifi efyacitikiile Noah. Noah ali muntu wakulungama, kabili ali uwakubula akalema mubantu bamunshita yakwe. Noah aendele na Lesa. ¹⁰ Noah aishilekuba wishi wabana baume batatu: Shemu, Hamu, na Yafeti. ¹¹ Isonde talyali na cishinka kucinso cakwa Lesa, kabili lya iswilemo nobunkalwe. ¹² Lesa amwene isonde; moneni, lyalyonaikile, pantu abantu bonse balyonawile inshila shabo pe sonde. ¹³ Lesa alisosele kuli Noah ati, ''Nebo namona ukuti ninshita yakubika impela kubantu bonse, pantu isonde nalisulamo ubukalwe ukupitila muli bo. Cacine, ndi nokubonaula pamo nesonde. ¹⁴ Uipangile icibwange icamiti ya saipulasi. Upangemo imipule mucibwange, ucifimbilikishe kumanenekela mukati nakunse. ¹⁵ Ifi efyo ulinokucipanga: Mubutali bwa cibwange cikabe imyanda itatu; mubwipi bwaciko cikabe mikono amakumi yasano, kabili ukuya pamulu imikono amakumi yatatu. ¹⁶ Ukapange umutenge wa cibwange, noku cipwisha pamukono umo ufuma pamulu lubali. Ukabikemo icibi mumbali yacibwange kabili ukapnge icpanshi, icabubili, kabili nentunti yabutatu. ¹⁷ Umfwa, Nebo ndipakuleta ilyeshi lyameshi pe sonde, pakonaula ifyamweo fyonse ifyabamo ubumi bwakupema pesamba lya mulu. Fyonse ifyaba pesonde fili nokufwa. ¹⁸ Ndinokupampimika icipangano candi nobe. Ukesa mu cibwato, webo, kabili nabana bobe abaume, nomukashi obe, nabakashi babana bobe pamo nobe. ¹⁹ Namufipema fyonse fyamweo, fibili ifyamisango iyakuibela ufwile ukufileta mucibwange, pakufisunga ifya mweo pamo nobe, fyonse icilume necanakashi. ²⁰ Kufyoni mumutundu wafiko, kabili kunama mumutundu wa shiko, kufisenya pamushi fyonse cila mutundu wafiko, fibili cila mutundu fikese kuli we pakufisunga nomweo. ²¹ Uilonganishishe ifyakulya fyamisango misango ifilimwa no kufisunga, epakuti fikabe fyakulya fyobe pamo nakuli fyo.'' ²² Eco Noah alicitile ifyo fine. Ukulingana nafyonse ifyo Lesa amukonkomeshe, eco alificitile.