¹ Elyo Yosefu afililwe ukuipindulula umwine paba bomfi bakwe bonse. Aishile kulanda ukubilikisha, ''onsefye afwile ukunsha neka.'' Eco takwali mu bomfi uwataleme kuli ye ulo Yosefu aishile kuishisha kuli ba wabo. ² Alisanswile ishiwi pa kulila, Abena Egypto balyumfwile, elo naba mung'anda yakwa Farao bali cumfwile. ³ Yosefu alandile kuli ba wabo ati, ''Ninebo Yosefu. Bushe tata acili no bumi?'' Ba wabo tabamwasukile, pantu balisakamene ku cinso cakwe. ⁴ Elyo Yosefu aishle kulanda kuli ba wabo ati, ''Iseni palamineni kuli nebo, napapata.'' Balishile mupepi. Aishile kulanda ati, Ninebo Yosefu munyinane wenu, uyo mwashitishe mu Egypto. ⁵ Mwilunguluka nangula uku ikalipila mwebene ukuti mwebo mwanshitishe kuno nebo, pantu Lesa antumine kuno nebo mukumitangilila mu kusungilila umweo. ⁶ Pa myaka iyi ibili iya cipowe icaba mu calo, elo kabili nakushala imyaka shisano umo umushakabe ukulima nangufye kusombola. ⁷ Lesa alintumine nebo muku mitangilila mukumisungilila nga benga shalapo mu calo, elo no kumisunga aba mweo no kupusuka ukukulu. ⁸ Eco nomba temwebo mwantumine kuno lelo ni Lesa, kabili alimpanga wishi wakwa Farao, umukalamba waba ng'anda yakwe, elo katungulula wa calo conse ica Egypto. ⁹ Angufyanyeni kabili munine no kuya kuli tata elo no kuya mweba ati, 'Ifi efyo umwana obe Yosefu alandile, ''Lesa nebo alimpangile umukalamba wa Egypto yonse. Iseni tentemukeni kuli nebo, mwikokola. ¹⁰ Mwebo mukekala mu calo ca Gosheni, elo mwebo mukalapalamina kuli nebo, elo na bana benu elo na bana babana benu, elo ne mikuni yenu elo na maombe yenu, elo na fyonse ifyo mwakwata. ¹¹ Nebo nkamipekanisha kulya, pantu kucili imyaka isano iya cipowe, pakuti mwebo tamwishile ku nsala, mwebo aba mung'anda yenu, elo na fyonse ifyo mwakwata.''' ¹² Moneni, amenso yenu yali mwene, elo na menso yakwa wesu Benjamini, ukuti kanwa kandi akakolanda kuli mwebo. ¹³ Mwebo mukeba tata pa bucindami bwandi mu Egypto elo napali fyonse ifyo mwebo mwabona. Mwalaangufyanya elo no kuleta tata kuno.'' ¹⁴ Akumbatile umukoshi wakwa wabo elo no kulila, elo na Benjamini alilile mu mukoshi wakwe. ¹⁵ Aishile ku fyompa ba wabo bonse elo no kulila pali bo. Panuma yaico ba wabobasosele kuli ye. ¹⁶ Ilyashi lya citike lyalilandilwe mu ng'anda yakwa Farao: Ba wabo bakwa Yosefu balishile.'' Calisekeshe sana Farao elo naba bomfi bakwe. ¹⁷ Farao aishile kulanda kuli Yosefu ati, ''Landa kuli ba wenu, 'Citeni ici: Longeni inama shenu elo muye na ku calo ca Kenani. ¹⁸ Upite ba wiso elo na bang'anda yobe bonse elo wise kuli nebo. Nebo nkamipela ifyabune fyamu calo ca Egypto, elo mukalya amafuta ya calo.' ¹⁹ Nomba webo waebwa, 'Cita ici, pita amaceleta ukufuma mu calo ca Egypto ifya bana bobe kabili nefya bakashi bobe. Upite wiso elo wise. ²⁰ Mwisakamana pa fikwatwa fyenu, pantu ifya bune fyonse ifya calo ca Egypto fyenu.''' ²¹ Abana baume bamu Egypto ba citile ifyo. Yosefu aishile kubapela amaceleta, ukukonka nefyo Farao abebekeshe, kabili alibapele nefya kubomfya palwendo. ²² Kuli bonse umo babelele alibapele cila muntu ifyakufwala ifipya, nomba kuli Benjamini aishile kumupela indalama sha silfere imyanda itatu elo nefyakufwala ifipya fisano. ²³ Kuli wishi aishile kutuma ifi: impunda ikumi limo ishapitile ifyabune fyamu Egypto; elo ne mpunda ishikota ikumi limo ishapitile ing'ano, imikate, elo na fimbipo ifya kubomfya ifya kwa wishi. ²⁴ Eco alekele ba wabo baya elo nabo baile. Aishile kulanda kuli bo ati, ''amaubone ukuti tamukolaka pa lwendo.'' ²⁵ Baishile kuya no kufuma mu Egypto elo no kubwelela ku calo ca Kenani, kuli Yakobo wishi. ²⁶ Bena ba mwebele ukutila ''Yosefu acili no mweo, elo ena ekatungulula wa calo ca Egypto. ''Umutima wakwe walipapile, pantu tashininkishe ifyo ba mwebele. ²⁷ Bamwebele amashiwi yonse aya kwa Yosefu ayo alandile kuli bo. Ilyo Yakobo amwene amaceleta ayo Yosefu atumine muku mupita, umupashi wakwa Yokobo wishi walipuputwike. ²⁸ Israeli aishile kulanda ifi, 'Cawama. Yosefu umwana wandi acili no mweo. Nebo nalaya nkamumone epo ntalafwa.''