¹ Uyu muntu aishibe efa ngo ngo mukashi wakwe nao aimite no kufyala Kaini. Asosele, ''Ninkwata umwaume kuku kwafwa kwa kwa Yawe.'' ² Kabili afyele wabo Abeli. Nao Abeli alini kacema, lelo kaini ali mu limi wa mushili. ³ Mukuya kwa nshita Kaini atwele ifisabo fya mu mushili nga icabupe cakwa Yaweh. ⁴ Lelo Abeli, ena atwele yamo amabeli ya mukuni nafimo ifyamafuta. Yawe apokele Abeli ne cabupe cakwe, ⁵ lelo Kaini ne cabupe cakwe ta capokelelwe. Awe Kaini afulilwe cibi, no ku kwata ufima ubi. ⁶ Yaweh alandile kuli Kaini, ''Cinshi ico wafulilwa? Kabili cinshi ico umutima wa bipila? ⁷ Nga ucita icisuma, tekuti upokelelwe? Lelo nga cakutila taucitile icisuma, ulubembu lukoisa pali iwe nokufwaya ukutungulula, lelo ufwile ukulucimfya.'' ⁸ Kaini alandile kuli Abeli wabo. Caishile ilyo bali mwibala, Kaini aimine Abeli no ku mwipaya. ⁹ Elyo Yaweh alandile kuli Kaini, ''Alikwisa Abeli wenu?'' Alandile ''Nshishibe. Nine wa kusunga wesu?'' ¹⁰ Yaweh alandile, ''Cinshi wa cita? Umulopa wakwa wenu ukokuta kuli ine ukufuma ku mushili. ¹¹ Nomba watipwa ukutampa pa mushili, uyo uwiswile akanwa pa ku pokelela umulopa wakwa wenu ukofuma ku minwe yobe. ¹² Ilyo walima umushili, ukutampa nomba tawakatale aukupela ubusomboshi. Ukaba uwakuka natusha no ku lulumba mwi sonde. ¹³ Kaini alandile kuli Yaweh, ''Ukukandwa kwandi kwanga'sha ukushipikisha. ¹⁴ Ee, mwa ntamfya nomba ukufuma ku mushili, nkofisama ku cinso cenu. Nkaba uwakukanatusha kabili nokululumba mwi isonde, kabili uyo onse ukansanga akangipaya.'' ¹⁵ Yaweh alandile kuli o, ''Nga ca kutila umo aipaya Kaini, icilandushi cikaba pali o imiku cine lubala.'' Elyo Yaweh abika icishibilo pali Kaini, pakutila uyo onse uwamusanga, uyu muntu ta musanshile. ¹⁶ Awe Kaini afumine ku cinso cakwa Yaweh kabili aileikala ku ncende ya node, ku kabanga ka Edeni. ¹⁷ Kaini aishibe umukashi kabili alimite. Afyele Enoke. Akulile umusumba kabili awinike umwabela ishina lya mwana Enoke. ¹⁸ Na kuli Enoki kwa fyelwe Iradi. Iradi ali niwishi wakwa Mehuyaele. Mehuyaele ali ni wishi wakwa Metushale. Metushale ali ni wishi wakwa Lameki. ¹⁹ Lameki aupile abanakashi babili. Umwanakashi wakubalilapo ali ni Ada, kabili umbi ishina alini Zila. ²⁰ Ada afyele Jabu. Ali ni wishi wa abo abakoikala inkambi abakwete ifitekwa. ²¹ Wabo ali ni Jabo. ali niwishi waba lelisha lisha ifilimba ne fimpeta. ²² Kuli Zila, afyeleko Tubo-kaini, kafula wa fibombelo fya mukuba ne fyela. Inkashi yakwa Tubo-kaini ali ni Naama. ²³ Lameki alandile ku bakashi bakwe, ''Ada na Zila, umfweni kwishiwi lyandi; mweba kashi ba kwa Lameki, kutikeni kufyo ndelanda. Pantu ningipaya umwaume pa ku ncena, umulumendo pa nenga ukucifiwa nebo. ²⁴ Nga Kaini alandwilwe cine lubali, eico Lameki akalandulwa amakumi cine lubali na cine lubali.'' ²⁵ Adamu aishibe umukashi nakabili, nao afyele naumbi umwana umwaume. Amwinike ati Seti kabili alandile, ''Lesa nampela umwana mwaume pe punda lyakwa Abeli, uo baipeye kuli Kaini.'' ²⁶ Umwana mwaume ali fyelwe kuli Seti kabili amwinike Enoshi. Paliishita abantu batendeke ukukuta peshina lya kwa Yaweh.