¹ Ifi efikolwe fyakwa Esau (walikukutwa Edomu). ² Esau asendele abakashi ukufuma mju bena Kenani. Aba ebakashi bakwe: Ada umwana mwanakashi wakwa Eloni umwina Hiti, Olibama umwana mwanakashi waka Ana, umwishikulu wakwa Sibeoni umwina Hivi; ³ elo na Basemati, mwana Ishimaeli, inkashi yakwa Nebaioti. ⁴ Ada afyele Elifasi kuli Esau, na Basemati afyele Reuele. ⁵ Olibama afyele Yeushi, Yalamu, elo na Kora. Aba ebana baume bakwa Esau abafyele kuli o mu calo ca Kenani. ⁶ Esau aishile senda abakashi bakwe, abana baume, abana banakashi, elo nabonse abalesangwa mu ng'anda yakwe, ifitekwa fyakwe-shonse inama shimbi, elo ne fitekwaa fyakwe fyonse, akolongenye mu calo ca Kenani, elo no kuya ku calo ukufuma kuli munyina wakwe Yakobo. ⁷ Aishile kucita ifi pamulandu ifyo akwete fylifulishe kuli bo mukwikala capamo. Icalo balikwikalamo tacabasuminishe pamulandu wafitekwa fintu bakwete. ⁸ Eico Esau, ilyo aishibikilwe nga Edomu, aishile kwikala mu calo ca mpili isha Seir. ⁹ Ubu ebufyashi bwakwa Esau, icikolwe ca bena Edomu mu calo ca mpili ica Seir. ¹⁰ Aya emashina ya bana baume bakwa Esau: Elifasi umwana mwaume wakwa Ada, umukashi wakwa Esau; Reuele umwana mwaume wakwa Bsemati, umukashi wakwa Esau. ¹¹ Abana baume bakwa Elifasi bali ni Temani, Oma, Sefo, Gatamu, kabili na Kenasi. ¹² Timuna, umukashi wa pambali uwakwa Elifasi, umwana mwaume wakwa Esau, afyele Amaleki. Aba ebeshikulu baume bakwa Ada, umukashi wakwa Esau. ¹³ Aba ebana baume bakwa Reuele: Nahati, Sera, Shama, kabili na Misa. Aba ebeshikulu baume bakwa Basemati, umukashi wakwa Esau. ¹⁴ Aba ebana baume bakwa Olibama, umukashi wakwa Esau, uyo uwali mwana mwanakashi wakwe Anah elo no mwishikulu umwanakashi uwakwa Sibeoni. Afyele kul Esau Yaushi, yalamu, elo na Kora. ¹⁵ Iyi emikowa no bufyashi bwakwa Esau: Kabili mu mabufyashi yakwa Elifasi, ibeli lykwa Esau: Temani, Oma, Sifo, Kenesi, ¹⁶ Kora, Gtamu, elo na Amaleki. Iyi emikowa ya bufyashi bwakwa Elifasi mu calo ca Edomu. Bali beshikuli bsume bakwa Ada. ¹⁷ Iyi emikowa ukutula pali Reuele, umwana mwaume wakwa Esau: Nahati, Sera, Shama, Misa. Iyi emikowa mubufyashi ukutula pali Reuelu mu calo ca Edomu. Bali beshikulu basume bakwa Besamati, umukashi wakwa Esau. ¹⁸ Iyi emikowa yakwa Olibama, umukashi wakwa Esau: Yeushi, Yalama, Kora. Iyi emikowa iya fumumine mu lupwa lwa mukashi wakwa Esau Olibama, umwana mwanakshi wakwa Ada. ¹⁹ Aba ebana baume bakwa Esau (uyo uwaishibikilwe nga Edomu), kabili aba ebashamfumu babo. ²⁰ Aba ebana baume bakwa Seir umwina Hori, abekashi ba calo: Lotani, Shobali, Sibeone, Ana, ²¹ Dishoni, Esere, elo na Dishani. Iyi emikowa yakwa Hori, abekashi bamu Seir mu calo ca Edomu. ²² Abana baume bakwa Loteni ni Hori kabili na Hemani, babili na Timuna ali nkashi yakwa Lotani. ²³ Aba ebana baume bakwa Shobali: Albani, manahati Ebali, Shefo, elo na Onamu. ²⁴ Aba ebana baume bakwa Simeoni: Aiya elo na Ana. Uyu Anah ewasangile utumfukumfuku twa menshi yaku kaba mu matololo, ulo alikulisha impunda shakwa Simeoni wishi. ²⁵ Aba ebana bakwa Ana: Dishoni elo na Olibama, umwana mwanakashi wakwa Anah. ²⁶ Aba ebana bamnakashi bakwa Dishoni: Hemadani, Eshibani, Itrani, elo na Kerani. ²⁷ Aba ebana baume bakwa Esere: Bilhani, Sabani, elo na Akani. ²⁸ Aba ebana baume bakwa Dishani: Usi elo na Arani. ²⁹ Iyi emikowa ya bena Hori: Lotani, Shobali, Sibeoni, elo na Anah. ³⁰ Dishoni, Esere, Dishani: Aba emikowa yabena Hori, ukulingana no kukonka imikowa shabo ishamuli cilya calo ca Seir. ³¹ Ishi eshali imfumu ishali kuteka mu calo ca Edomu ilyo takulaba imfumu nangu imo iyalekuteka pa bana baume bakwa Israeli: ³² Bela umwana mwaume wakwa Beori, ewatekele mu Edomu, kabili ne shina lya musumba wakwe wali ni Dinhaba. ³³ Ilyoa Bela aishile kufwa, elo Yobabi umwana mwaume wakwa Sera uwamu Bosra, aishile kuteka mwipunda lyakwe. ³⁴ Ilyo Yobabi aishile kufwa, Hushamu uyo uwali mu calo ca bena Temani, aishile kuteka mwipunda lyakwe. ³⁵ Ilyo Hushamu aishle kufwa, Hadad umwana mwaume wakwa Bedadi uwa cimfishe abena Midiani mu calo ca Moabu, aishile kuteka mwipunda lyakwe. Ishina lya uyo musumba wali ni Abiti. ³⁶ Ilyo Hadadi aishile kufwa, elo Samla umwina Masreke aishile kuteka mwipunda lyakwe. ³⁷ Ilyo Samala aishile kufwa, elyo Shauli umwina Rehobote uwa kunika aishile kuteka mwipunda lyakwe. ³⁸ Ilyo Shauli aishle kufwa, elo Baali-hanani umwana mwaume wakwa Akibore aishile kuteka mwipunda lyakwe. ³⁹ Ilyo Baali-hanani umwana mwaume wakwa Akibore aishile kufwa, elyo Hadari aishile kuteka mwipunda lykwe. Neshina wa musumba wakwe wali ni Pau. Ishina lyamukashi wakwe lyali ni Mehetabeli, umwana mwanakashi wakwa Matredi, umwishikulu mwanakashi wakwa Mesahabu. ⁴⁰ Aya emashina ya mitwe ya mikowa ukufuma mubufyashi bwakwa Esau, ukulingana ne konka sha mikowa shabo elo ne fitungu fyabo, umwebela amashina yabo: Timuna, Alba, Yetele, ⁴¹ Olibama, Ela, Pinoni, ⁴² Kenasi, Temani, Mibsari, ⁴³ Magdiele, kabili na Iramu. Iyi emikowa ya mitwe yabena Edomu, ukulingana ne konka ya mekashi yabo mu calo baikele. Uyu walu ni Esau, wishi wabena Edomu.