¹ Eco Abulamu afumine mu Egipito nokuya ku Negevi, ena, umukshi wakwe, na fyonse ifyo akwete. Loti na o aile nabo. ² Nomba Abulamu ali umukankala nganshi ku fitekwa, na muli silifa na golide. ³ Alitwalilile nobulendo bwakwe ukufuma ku Negevi ukuya ku Betele, pa cende uko ukwali inkambi yakwe kale, pakati ka Betele na Ai. ⁴ Aile kucende ukwali ubulambo ubo akulile kale. Apa apetile neshina ati Yaweh. ⁵ Nomba Loti uwaleyenda na Abulamu, naena alikwata umukuni nempanga, ne ng`ombe, namahema. ⁶ Incende tayabasumishe bena bonse ukwikala pamo mupepi, pantu ifikwatwa fyabo fyali ifingi, eco teti bekale pamo. ⁷ Kabili, pali ukumana pakati kabakacema bakwa Abulamu, nabakacema bakwa Loti. Abena Kenani nabena Peris bali kwikala muncende panshita ilya. ⁸ Eico Abulamu alandile kuli Loti, ''Peba ukumana pakati kaiwe nandi, elo na pakati kaba kacema bobe naba kacema bandi; nakuba, tulibalupwa. ⁹ Bushe ino mpanga yonse tailikuliwe? Alekonkanyapo ukuipatula ukufuma kuli ne. Ngo uleya kukwa kukuso, ine ndeya kukwa kukulyo, elo Nga waya kukwa kulyo, ine nkaya kukuso. ¹⁰ Elyo Loti aloleshe ukushinguluka, nokumona ukuti incende yonse iya Yolodani yali tapilishiwe ubusaka konse ukufikafye ku Zoar. Nge bala lyakwa yawe, nge mpanga ya Egupito. Ii yali libe Yawe talaonaula Sodoma na Gomora. ¹¹ Eco Loti aisalile umwine incende yonse iya Yolodani, nokuya kukabanga, no lupwa lwalekene ukufuma kumunankwe. ¹² Abulamu aikele mucalo ca Kenani, na Loti aikele pakati ka misumba umwapabuka. Elyo abikile amahema yakwe ukutalukako ku sodomu. ¹³ Nomba abaume bamusodomu balecita amasambi ayabipisha mukusangukila Yawe. ¹⁴ Yaweh alandile kuli Abulamu panuma Loti afumine kuli o,'' lolesha ukufuma pa ncende apo wiminine ukufuma kukapinda kakuso, kukulyo, kukabanga, nakumasambo. ¹⁵ Iyi yose impanga wamona, ine nkopela kuliwe nakubana bobe umuyaya. ¹⁶ Ine nkalenga abana bobe ukufula ngo mucanga wape sonde, icakuti ngo muntu apenda umucanga wapesonde, ninshi nabana bobe kuti apenda. ¹⁷ Ima, enda ukulola mubutali namubwipi bwa iyi mpanga, pantu ine nkapela iyi kuli we.'' ¹⁸ Elyo Abulamu aimishe ihema yakwe, elyo aishile ikala lubali lwa oaks iyakwa Mamule, iyali mu Hebuloni, nakulya akulile icipailo cakwa Yaweh.