¹ Nomba lyonse lyalikubomfya ululimi lumo kabili na mashiwi yamo yene. ² Ilyo balikuya mukabanga, basangile apakubatama mucalo caku shinari, kabili eko baikele kulya. ³ Balandile kuli umo nomunankwe, ''Iseni, lekeni tutame amatafwali nokuyoca bwino-bwino.'' Bali namatafwali palubali lwa mabwe natala nge ndaka. ⁴ Balandile, ''Iseni, tuikulile fwebene umusumba. Kabili no Nolupanga ulo impela ikafika mulwelele, kabili tiyeni tupange ilyesu fwebene. ⁵ Eco Yaweh alishile ukutetemuka mukumona umusumba kabili Nolupanga ulo abana ba kwa Adam bakulile. ⁶ Yaweh atile, ''Moneni, bantu bamo bene nolulimi lumo lwine, kabili balyambile ukukula cita ci! Nomba line tapali ico bakopinga icikafika kuli bo, ⁷ Iseni natuye panshi nokufulunganya ululimi kulya, pakweba ati tabakoumfwana.'' ⁸ Eco Yaweh abasalangenye ukufuma kulya ukupita isonde lyonse kabili balilekele ukukula umusumba. ⁹ Eico, ishina lyauko lyalikwitwa Babele, pantu kulya Yahweh afulungenye ululimi lwe sonde lyonse ukufuma kulya Yaweh abasalangenye ukuya konse pano isonde lyonse. ¹⁰ Aba ebali abana bakwa shemu. Shemu akwete imyaka imyanda isano aishile kuba wishi wakwa Arpakishadi imyaka iibili panuma yalyenshi. ¹¹ Shemu aikele imyaka imyanda isano aisa kuba wishi wakwa Arpakishadi. Aishile kuba wishi wabana abaume nabamba nabana abanakashi. ¹² Ilyo Arpakishadi aikele imyaka amakumi yatatu naisano, aishile kuba wishi wakwa shela. ¹³ Arpakishadi aikele imyaka 403 panuma yakwisa kuba wishi wabana abaume bambi nabana abanakashi. ¹⁴ Ilyo shela aikele imyaka amakumi yatatu, aishile kuba wishi wakwa Eberi. ¹⁵ Shela aikele imyaka 403 panuma aisa kuba wishi wakwa Eberi. Kabili aishile kuba wabambi abana abaume nabana abanakashi. ¹⁶ Ilyo Eberi aikele imyaka amakumi yatatu naine, aishile kuba wishi wakwa pelegi. ¹⁷ Eberi aikele imyaka 403 panuma yakwisa kuba wishi wakwa pelegi. Aishile kuba wishi wabana abaume nabambi nabana abanakashi. ¹⁸ Ilyo pelegi aikele imyaka amakumi yatatu, aishile kuba wishi wakwa Reu. ¹⁹ Pelegi aikele imyaka 209 panuma yakwisa kuba wishi wakwa Reu. Kabili aishile kuba wishi wabana abaume nabana abanakashi. ²⁰ Ilyo Reu aikele imyaka amakumi yatatu na ibili, aishile kuba wishi wakwa Serugi. ²¹ Reu aikele imyaka 207 panuma aisakuba wishi wakwa Serugi. Kabili aishile kuba wishi wabana abaume nabambi nabana abanakashi. ²² Ilyo Serugi aikele imyaka amakumi yatatu, aishile kuba wishi wakwa Nahori. ²³ Serugi aikele imyaka imyanda ibili panuma yakwisa kuba wishi wakwa Nahori. Kabili aishile kuba wishi wabana abaume nabambi nabana abanakashi. ²⁴ Ilyo Nahori aikele imyaka amakumi yabili na pabula aishile kuba wishi wakwa Tera. ²⁵ Nahori aikele imyaka 119 panuma aisa kuba wishi wakwa Tera. Kabili aishile kuba wishi wabana abaume nabambi nabana abanakashi. ²⁶ Panuma Tera aikala imyaka amakumi Cine-lubali, aishile kuba wishi wakwa Abram, Nahori, na Harani. ²⁷ Nomba aba abana bakwa Tera. Tera aishile kuba wishi wakwa Abram, Nahori, na Harani, kabili aishile kuba wishi wakwa Loti. ²⁸ Harani afwilile mumenso yakwa wishi Tera mu calo umo afyalilwe, Muuri wabena Kadi. ²⁹ Abraham na Nahori bakwata abakashi. Ishina lyamukashi wakwa Abrama lyali ni Sarai kabili ishina lyamukashi wakwa Nahori lyali ni Milka, umwana umwanakashi wakwa Harani, uwali wishi wakwa Milka na Iska. ³⁰ Nomba Sarai ali Ing'umba. Takwete mwana. ³¹ Tera asendele umwana wakwe umwaume Abramu, Loti umwano umwaume wamwana wakwe umwaume Harani, na Sarai umuko wakwe, umukashi. Wamwana wakwe Abramu, kabili bonse pamo bafumine mu Uri wabana Kadi, ukuya mu calo Kenani. Lelo baishile ku Harani nokwikala kulya. ³² Tera aikele imyaka 205 kabili elyo afwa mu Harani.