¹ Yahweh alandile kuli Mose, ''Mona, Ndikuba nga Lesa kuli Farao. Aroni wenu akaba kasesema obe. ² Ukalanda fyonse ifyo nakukonkomesha ukulanda. Aroni wenu akasosa kuli Farao pakweba ati akaleke abantu baku Israeli ukuya ukufuma mucalo cakwe. ³ Lelo nkakosha umutima wakwa Farao, kabili nkalanga ifishibilo fya maka yandi, ifipesha mano ifingi, mu calo ca Egypto. ⁴ Lelo Farao takomfwe kuli mwe, eco nkabika ukuboko kwandi pali Egypto ntu bandi, uluko lwakwa Israeli, ukufuma mu calo ca Egypto kubukula bwamicitile iyakukandilwamo. ⁵ Abena Egypto bakeshiba ukuti Nine Yahweh ilyo nkatambulula ukubo kwandi pali Egypto nokufumya abena Israeli ukufuma pakati kabo.'' ⁶ Mose na Aroni bacitile co; bacitile ukulingana ngefyo Yaweh abakonkomesha. ⁷ Mose ali ne myaka amakumi cine-konse- konse, na Aroni ali myaka amakumi cine konse-konse na itatu ilyo ba sosele kuli Farao. ⁸ Yaweh alandile kuli Mose na Aroni, ⁹ ''Ilyo Farao alanda kuli mwe, 'cita icisungusho,' elyo ukalande kuli Aroni,' Bula inkonto yobe kabili ipose panshi pacinso cakwa Farao, pakweba ati ingasanguka Insoka.'' ¹⁰ Elyo Mose na Aroni baile kuli Farao, kabili bacitile ngefyo Yahweh abakonkomeshe. Aroni aposele inkonto yakwe pacinso cakwe Farao nababomfi bakwe, kabili yasanguka Insoka. ¹¹ Elyo Farao nao akutile abaume bamano nabamalele. Bacitile fimo fine ku mano yabo. ¹² Cila muntu aposa inkoto yakwe panshi, kabili inkoto shasangukile Insoka. Lelo inkoto yakwa Aroni yaminine Insoka shabo. ¹³ Umutima wakwa Farao walikoshiwe, kabili taumfwile, ngefyo Yaweh asosele. ¹⁴ Yaweh alandile kuli Mose, ''umutima wakwa Farao ulikosele, kabili alikene ukuleka abantu ukuya. ¹⁵ Ukaye kuli Farao mulucelo ilyo akoya ku Menshi. Ukeminine mumbali ya mumana pakumukumanya, kabili ukasende muminwe yobe inkonto ilya yasangukile Insoka. ¹⁶ Landa kuli o, 'Yaweh, Lesa waba Hebele, alintumine kuli we kukulanda ati, ''Leka abantu bandi baye, pakweba ati benga nshinshimuna mumatololo. Ukushinta na nomba taumfwile. ¹⁷ Yaweh alandile ici, ''pali ci ukeshiba ukuti nine Yaweh. Nalaumapo inkonto pamenshi ya mumana wa Nailo nenkonto iili muminwe yandi, kabili no mumana ukaluka umulopa. ¹⁸ Isabi ilyo ilili mumumana likafwa, kabili no mumana ukanunka. Abena Egypto bakafilwa ukulanwa amenshi mumumana.'''' ¹⁹ Elyo Yaweh alandile kuli Mose, landa kuli Aroni, 'Bulaa inkonto yobe nokutambilika ukuboko kobe pa menshi ya mu Egypto, kabili napa mimana yabo, imilonga, mufilamba, kabili na mufishiba fyabo, fyonse, pakweba ati amenshi yabo yengesakuba umulopa. Citeni ici pakwebe ati mukaba umulopa mu calo conse ica Egypto, namumbukuli mwine isha fimuti nesha mabwe.'' ²⁰ Mose na Aroni bacitile ngafilya Yaweh abakonkomeshe. Aroni aimishe inkonto nokuma Farao nababomfi bakwe. Amenshi yonsee mumumana yaalukile umulopa. ²¹ Isabi mumumana ilyalifwile, kabili no mumumana walilampile ukununka. Abena Egypto tekuti banwe amenshi ukufuma mumumana, kabili no mulopa wali fye konse mu calo ca Egypto. ²² Lelo aba malele aba ku Egypto bacitile cimo cine namalele yabo. Eco Farao umutima wakwe walikoshiwa, kabili alikene ukumfwa kuli Mose na Aroni, nga mulya mwine Yahweh alandile emo fikacitikila. ²³ Elyo Farao apilibwike no kuya mung'anda yakwe. Taposeleko na mano kuli ci. ²⁴ Bonse abena Egypto balimbile ukushinguluka umumana pa menshi yakunwa, lelo tekuti banwe amenshi yamumumana uwine. ²⁵ Papitile inshiku cine-lubali panuma Yahweh asanshile umumana.