¹ Yahweh alandile kuli Mose ati, ''Uputule ifipampa fibili ifya mabwe ngafilya wacitile ifya ntanshi. Nebo nkalembapo palifi fipampa amashiwi yamo yene ngayalya ayali pafipampa fya ntanshi, ifi pampa watobawile. ² Ukaipekanye mu bushiku bwa mailo ulucelo kabili ukanine kulipili lwa Sinai, kabili ukese kuli nebo palya pene pa mulu wa lupili. ³ Tecakwesha umuntu nangu umo ukwisakunina nobe. Wikaleka uuli onse ukumoneka pa lupili. Nefitekwa fine ifinono ne fikalamba fikalalilila mupepi no lupili.'' ⁴ Eco Mose aputwile ifipampa fibili ifya mabwe nga filya acitile ifyantanshi, elo aimine ku maca ulucelo elo no kuyanina ku lupili lwa Sinai, nga fintu Yahweh amwebele. Mose alakete ifioampa fya mabwe mu minwe yakwe. ⁵ Yahweh aishilekwikila mwikumbi kabili no kwisakwiminina na Mose kulya, kabili aisakubilikisha ne shina ati nine ''Yahweh.'' ⁶ Yahweh aishilekupita pa ntanshi yakwe elo mo kubilikisha ati, ''Yahweh, Yahweh, Lesa waluse kabili no kusenamina, uushikalipa bwangu, kabili uwakwata icitemwiko icishakapwe kabili ndi wacishinka, ⁷ nasunga icitemwiko cakutwalilila pa makana na makana, ukubabelela uluse pa mampulu yabo, bucisanguka, elo ne membu. Lelo nshilekafye bampula mafunde ukwabula ukukanda aba ma mpulu. Akaleta ukukandwa pa membu shaba shibo na pa bana babo elo na pa besgikulu babo, ukufika ku nkulo sha lenga butatu kabili na yine. ⁸ Mose bwangu bwangu afukama panshi pa mushili kabili ashinshimuna. ⁹ Elyo alandile ati, ''Ngacakwebati nomba nebo ninsanga ububile mu menso yenu, mwe shikuli, napapata tuleyeni na fwebo, pantu aba bantu ni bankosa mitwe. Utubeleleko uluse pa mampulu yesu elo ne menbu shesu, elo utubuule nge fikwatwa fyobe.'' ¹⁰ Yahweh alandile ati, ''Mona, nebo ndipakupanga icipangano. Pa menso ya bantu bobe bonse, nebo ndinokucita ifisungusho ifishatala aficitikapo mwi sonde lyonse nangu mu nko iili yonse. Abantu bonse pa kati kenu bali no kumona ificitwa fyandi, pantu fikaba fya kutinya ifyo nkacita na mwebo. ¹¹ Mulebela ifipope ifyo nebo na mipela lelo. Nebo nkamifunishamo abena Amoli, abena Canani, abena Hiti, abena Perisiti, abena Hifi elo na bena Yebushi. ¹² Mukabe abailuka mwebo mwikalacita icipangano na bakaya mu ncende muleyamo, epali limbi baba fiteyo fyenu. ¹³ Lelo imwe mukabongolole amalambo yabo no kutobaula ifibumbili fyabo, kabili no konaula umulungu wabo uwa Ashere. ¹⁴ Pantu tamufwile ukulashinshimuna tu lesa tumbi, pantu Yahweh ishina lyakwe lya bufuba, ni Lesa wa bufuba. ¹⁵ Eco mukabe abailuka mwikalacita cipangano na bakaya ba mu calo cilya, pantu bacita bucilende ku tumilungu twabo, elo no kwipaila tu lesa twabo amalambo, Elyo umo uwa pali bo akamita elo no kuyalyako fimo pafya malambo yabo, ¹⁶ kabili elyo mukabulapo abana banakashi babo ku bana baume benu, elo abana banakashi babo bakalekucita ubupulumushi bwakupepa utumilungu twabo. ¹⁷ Tekwesha ukulaipangila mwe bene utumilungu twa kwengelela ne fyela. ¹⁸ 1Mufwile ukusunga ukusefya kwa inshikunkulu sha mikate ishi tutumuka. Ngafintu namikonkomesha, mwebo mufwile mulellya umukate uwabulamo icitutumushi pa nshiku cine lubali pa nshita yalingwa mu mweshi wakwa Abibu, pantu ni mu mweshi wakwa Abibu mwebo mwafumine mu Egypto. ¹⁹ Fyonse ifyaku tampilapo ukufyalwa fyandi, ne cilume conse icakutampilapo ukufyalwa ica mufitekwa, nangu cifumine ku ngombe nangu ku mpanga. ²⁰ Mukalebula umwana wakwa punda uwakubalilapo ukufyalwa nge lambo, lelo ngacakwebati mwebo tamushitile cena ukubwela, elo mu kalikontola umukoshi. Mukabule amabeli yonse ayabana baume benu. Kwikaba nangufye umo uwakupalama ku cinso candi ne minwe nkutwa. ²¹ Mukalebomba mu nshiku mutanda, lelo mu bushiku bwalenga cine lubali mu kaletusha. Nangu ni munshita yakulima elo ne yakusombola mu kaletusha. ²² Mukalemona ubushiku bwa nshikunkulu ya mulungu wa kutampilapo ukutuula ifisabo mwasombola ifya kubalilapo, kabili mu kalebona ubushiku bwa nshikunkulu ya kulonganika ifisabo fyenu pa kupwa kwa mwaka. ²³ Imiku itatu mu mwaka bonse abaume benu bafwile ukwisa kumonekela pa cinso cakwa shikulu Yahweh, Lesa wakwa Israeli. ²⁴ Pantu nebo nkamifunisha imishobo pa cinso cenu no kukusha imipaka yenu. Nangufye umo takakabile ukukwata icalo cenu ukuba icakwe ulo mwebo mu kalaya mu kubonekele pa cinso cakwa Yahweh Lesa wenu imiku itatu mu mwaka. ²⁵ Wikalapela icilimo umulopa pe lambo nangula conse icilimo icitutumushi, Kabili wikalaleka icili conse icanama ukufuma pa bulambo bwa nshikunkulu ye pasaka cileshalafye palyapene ukwisa kufika ulucelo. ²⁶ Ukalete ifisabo fyantanshi ifya bune ukufuma mu mabala yobe no kuleta ku nganda yandi. Wikalaipika akana ka mbushi ku mukaka wakwa nyina.'' ²⁷ Yahweh aishilekulanda kuli Mose ati, '''Lemba aya mashiwi, pantu pali aya mashiwi nebo nimpanga icipangano nobe elo na Israeli.'' ²⁸ Mose ikele kulya pamo na Yahweh inshiku amakumi yane akasuba elo no bushiku; ena talilepo icakulya icili conse nangu ukunwa amenshi ayali yonse. Aishile kulemba amashiwi pa fipampa fya cipangano, amafunde ikumi limo. ²⁹ Ilyo Mose aishile kutentemuka ukufuma pa lupili lwa Sinai ninshi alikwete ifipampa fibili ifya cipangano ca mafunde mu minwe yakwe, taishibile ukuti inkanda ya mpimi yakwe ili iya bengeshima pa mulandu wakuti walikulanda na Lesa. ³⁰ Ilyo Aaron elo na bena Isareli ba bwene Mose, inkanda ya mpimi yakwa ili iya bengeshima elo baishile kukwata umwenso wakwisa kupalama kuli yee. ³¹ Lelo Mose walibetile, elo Aaron ne ntungulushi shonse isha mu mushi shaishile kupalama kuliye. Elyo Mose alandile kulibo. ³² Panuma yaifi, abantu bonse aba bena Israeli baishile kwisa kuli Mose, elo ena abebele amafunde yonse amafunde Yahweh amupele pa lupili lwa Sinai. ³³ Ilyo Mose apwishishe ukulanda kulibo, aishile kubula insalu no kufimba pa mpumi yakwe. ³⁴ Ulo lonse Mose aingila pa cinso cakwa Yahweh mu kulanda nae ena alefumyapo insalu, mpakafye afumamo.Ilyo elekufuma, ena alekweba abena Israeli ifyo ba mukonkomeshe. ³⁵ Ilyo abena Israeli ba bona impumi yakwa Mose ikobeka, ena alekufimbapo insalu pa mpumi nakabili mpakafye na panshita yakuya mukulanda na Yahweh.