¹ Nomba Mose acili akocema umukuni wakwa Yetro shi fyala, shimapepo waku midian. Mose atungulwile umukuni ukuya ku ncende ukutali ku matololo ukufika ku horebu, ku lupili lwakwa Lesa. ² Kulya malaika wakwa Yahweh alimonekele kuli o mulubingu lwa mulilo mucimpusa. Mosealiloleshe, kabili, icimpusa calabilima, lelo tacalepya. ³ Mose alisosele ati, ''Ndepatukilako nokumona icimuti ca kupapusha, cinshi icimpunsa cishikopila ⁴ Ilyo Yahweh amwene ukuti apatukila kukucilolesha, Lesa alibilikishe mu cimpusa ati, ''Mose, Mose.'' Mose alisosele ati, ''Epondi.'' ⁵ Lesa alisosele ati, ''Wiisa nokupalama! Fula insapato kumakasa yobe, pantu incende wimininepo nipamushili uwapatwilwa nebo.'' ⁶ Alundilepo ati, ''Nine Lesa wakwa wiso, Lesa wakwa Abrahamu, Lesa wakwa Isaki, kabili Lesa wakwa Yakobo.'' Elyo Mose afimbile cinso cakwe, pantu alitinine ukulosha kuli Lesa. ⁷ Yahweh asosele ati, ''Nimona ukucula kwa bantu bandi abali mu Egypito. Ningumfwa nenkuta shabo pa mulandu wa bakapatikisha bacibinda wabo, pantu nshishibile pa mulandu wa kucula kwabo. ⁸ Ndikiile kuku bapususha kumaka yabena Egypito nokubatwala ku cabune, icalo icikulu, ku calo icifumfumuna umukaka no buci; ku ncende yabena Kenani, abena Hiti, abena Amore, abane Perish, abena Hibi baneba Yebusi. ⁹ Nomba inkuta sha bantu abena Isreali shilishile kuli nebo. Kabili, nimona ukucululuka wabo kucitwa nabena Egypito. ¹⁰ Nomba elyo, Ndi nokukutuma kuli Farao pakuti akalete ukalete abana bandi, abena Isreali, ukufuma mu Egypito.'' ¹¹ Lelo Mose asosele kuli Lesa, ''Ninebo nani uwakuti ndekuya kuli Farao nokuleta abena Isreali ukubafumya mu Egypito?'' ¹² Lesa alimwasukile ati, ''NAkulaba nobe, Ici cikaba ecishibilo kuli we ukuti ninebo nkutumine. Ilyo ukaleta abantu ukubafumya mu Egyptio, mukesa mpepela pali ulu lupili.'' ¹³ Mose alisosele kuli Lesa, ''Nga cakuti naya kubena Isreali no kubena Isreali no kulanda ukuti, 'Lesa wafikolwe fyenu nantuma kuli mwe,'kabili nabo balanda kuli ne abti, Íshina lyakwe ni nani?'bushe nkolanda shani kuli bo?'' ¹⁴ Lesa asosele kuli Mose ati, ''NABA UNTU NABA.'' Lesa asosele ati, ''efyo ukalanda kubena Isreali,'Naba nantuma kuli mwe.''' ¹⁵ Kabili Lesa alisosele kuli Mose ati, ''Ukalande kubena Isreali , 'Yahweh, Lesa wafikolwe fyenu, Lesa wakwa Abrahamu, Lesa wakwa Isaki, kabili Lesa wakwa Yakobo, nantuma kuli mwe. Ili eshina lyandi umuyayaya, kabiliici ecibukisho candi ku nkulo shonse.' ¹⁶ Kabiye kalonganye abakalamba bakwa Isreali pamo. Ulande kuli bo auti, 'Yahweh, Lesa wafikolwe fyenu, Lesa wakwa Abrahamu, Lesawakwa Isaki, kabili Lesawakwa Yakobo, alimoneke kuli ne nokusosa ati, ''Nimipempula nkumona ifikocita kuli mwe mu Egypto. ¹⁷ Nalaya ukumifumya mubucushi mu Egypito no kuya ku calo ca Kenani, necabena Hiti, necabena Amore, necabena Perisi, necabena hibi, kabili necabena Yebusi, icalo icifumfumuna umukaka no buci.'' ¹⁸ Bakakumfwa. Iwe nabakalamba bakwa Isreali mukaye ku mfumu ya Egypito, kabili mukamwebe amuti, 'Yahweh, Lesa wa ba Hebere alitukumenye. Kanshi nomba tulekeni tuleya ubulendo bwa nshiku shitatu mu matololo, pakuti ilambo kuli Yahweh, Lesa wesu.' ¹⁹ Lelo ine ninjishiba ukuti imfumu ya Egypito tayakamisuminishe ukuya, kano kukupatikishiwa kwa matonotnkanyo yakwe. ²⁰ Nkatambalika ukuboko kwandi abena Egypito kufipeshamano fyonse ifyo nkacita muli bo. Panuma yaifi ikamileka kukaye. ²¹ Nkalenga aba bantu ukuba no bukali ukufuma kube a Egypito, pakuti ilyo mukafumamo, tamwakaye ababulwa. ²² Umwanakashi onse akalombe Silfere nefishibilo fya golide ne fyakufwa ukufuma kumwina Egypito umwina mupalamoano wa kwe nakumwanakashi onse uwikala mung'anda yamwina mu palamano wakwe. Mukafifwike abana baume nabakashi benu. Muli iyi nshila emo mukatapila abena Egypito.