¹ Mukaitile mwebene Aaron ndume yenu nabana baume bakwe, Nadab, Abihu, Eleazar, elo na Itama-mukati kabena Israeli pakwebati bakalekumombela umulimo wa bushimapapo. ² Webo ukayekupangila Aaron, wenu, imingila ishaya ukupatulwa kuli nebo. Iyi imingila ikabe iya kumucindamika elo no lulumbi. ³ Webo ukayekulanda ku bantu bonse abaya ukucenjela mu mitima yabo, abo njilekubikamo umupashi wa mano, pakwebati bengayakupangila Aaron imingila ukuyakumupatulako ukubomba nga shimapepo wandi. ⁴ Ifi efyo umwingila uwakufwala ukabe uwatumba pacifuba, efodi, ilaya, ilitali ilyapikulwa bune -bune insalu yakupomba kumutwe na lamba ya nsalu. Balingile bapanga umwingila uwakunsansamusha. Pantu ukaba wakwa wenu Aaron elo nabana baume bakwe pakuti bakalembombele umulimo wa bushimapepo. ⁵ Abacenjela muli uyo mulimo bakabomfye ubushishi ubwa golide, no bwacifufya, no bwakukashika elo no bwakashika ce. ⁶ Bakabile icakufwala ca efodi, no bushishi wa golide, uwa cifufya, kabili no bwakashika ce ne nsalu yakubuta iyakupikulwa ubune, ku muntu uwacenjela nganshi ukupikula. ⁷ Cifwile caba nemikobelo ibili ku mpela iyakupisha pa mabeya pa kucikaka. ⁸ Umushipi ufwile waba kwati ni efodi uwalukwa ku mushishi wa golide, no bwacifufya, ubwakashika , no bwakashika ce ne nsalu iyakubuta iyalukwa ubusaka kabili ikasuminkane kuli efodi. ⁹ Webo ukayekubula amabwe yabili aya Onikisi elo ukembululepo amashina yabana baume bakwa Israeli. ¹⁰ Amashina mutanda yalingile ukuba pelibwe limo, elo ilinankwe nalyo lifwile lyakwata amashina mutanda, umwakonkanina ukufyalwa kwa bana abaume. ¹¹ Ngafilyafine uwakwimbulula pelibwe embulula ifyalembwa pacifwatiko, efyo webo ukafukulule amabwe yabili ukalembepo na mashina yabana bakwa Israeli. Webo ukabikepo amabwe ayapikulwa na golide. ¹² Webo ukabule amabwe yabili ukabike pa mishipe ya pamapeya yacakufwala capa mulu wa mwingila, yakabe mabwe yakwibukishishapo Yahweh wabana bakwa Israeli. Aaron akapita amashina yabo pa cinso cakwa Yahweh pa mabeya yakwe yabili ngecakumwibukishishako. ¹³ Webo ukapange utwapikulwa na waya ya golide ¹⁴ kabili iminyololo ibili iya golide iyakukosa kwatifye mwando, elo wabe ukaikake ku twapikulwa na waya wa golide. ¹⁵ Webo ukapange itumba pa cifuba pantu epakukwishibilako pa kupingula imilandu, umuntu uwakucenjela ukupikula euntu akapikule, itumba lifwile likabe nga efodi, uwabilwa ku bushishi bwa golide, elo no bwacifufya icakashika, na icakashika ce na insalu iyakubuta iyapikulwa ubusaka. ¹⁶ Tumba afwile aba uwa kuingana monse kmnse. Webo tumba akalingane icisansa cimo monse monse. ¹⁷ Webo ukabulepo amabwe mu misango ine iya mutengo. Amabwe yakubalilapo yalingile yakwata ruby, topaselo bereti. ¹⁸ Amabwe yakukonkapo yalingile yakwata emeradi, safile na dayamonde. ¹⁹ Amabwe yakulenga butatu yalingile yakwata yasinti, agete elo na amefisiti. ²⁰ Amabwe yakulenga bune yalingile yakwata kirisalite, elo onikisi, na yasipeli. Ayo mabwe yakabikweko na utwalukwa na waya wa golide. ²¹ Amabwe yalingile ukutantikwa umwakonkanina amashina yaba mwana Israeli. Pakabikwe ukubati cifwatiko, pali cila libwe pakabe ishina pa kwimininako umushobo umo mu mishobo ikumi limo na babili ²² Webo ukapange itumba lya pacifuba ukapyate umwando ukubati ni golide wine wine, ²³ Webo ukapange imikobelo ibili iya golide ukekatisheko ku mpela shonse shibili isha pe tumba lya pacifuba. ²⁴ Webo ukakakile utumyando twa golide ku fifutu fibili ifyapali tumba wa pacifuba. ²⁵ Ufwile wasuntinkanya impela iyimbi ku tuminyololo tubili kukubika kubili. Elyo ufwile ukusuntinkanya ku mabeya ya efodi ku ntanshi ya ciko. ²⁶ Ufwile wapanga imikobele shiibili isha golide, kabili ufwile wafibika ku fifutu fimbi fibili ifya cela, kulutwe ulukonkepo mukati. ²⁷ Ufwile ukapange naimbi imikobele iyibili iya golide, kabili ufwile waisuntinkanya panshi ya tupimya tubili utwa mabeya ku ntanshi ya efodi, ukesale mupepi na pamulu-apalundinkanina umushipi wa efodi. ²⁸ Bafwile bakaka imikobelo ye tumba ku tumikobelo kutumikobelo twa efodi no mwando wa makumbi makumbi, pakweba ati cingekata pamulufye wa mushipi wa efodi. Ici nipakuti batumba tabekete kuli efodi. ²⁹ Ilyo Aaroni aya mu ncende ya mushilo, afwile asenda amashina ya bana baume bakwa Israeli mu mutima wakwe muli batumba pabusalo ubo akopanga, ngecibukisho cakukonkanyapo ku cinso cakwa Yahweh. ³⁰ Ufwile ukabike Urimu elo Tumimu muli tumba pabusalo akopanga, eico bafwile baba mu mutima wakwa Aaroni ngaingila ku cinso cakwa Yahweh. Eco Aaroni akulasenda lyonse icili conse pakupanga ubusalo pa banu bakwa Israeli mu mutima wakwe ku cinso cakwa Yahweh. ³¹ Ukapange umwingila wa efodi uwa makumbi makumbi konsefye. ³² Cifwile cakwata ukwakwiswila kwa mutwe pakati. Apakwiswila pafwile pakakwate ulutwe lwakosa ulwashinguluka pakweba ati tacilepwike. Uyu mulimo ufwile waba mulimo wawa ishibisha. ³³ Panshi ya mwingila, ufwile ukapange pomegalete wa makumbi makumbi, ubwakashikila, elo no bwakashika ce ukushinguluka. Tubelu twa golide tufwile twaba pakati kafiko fyonse ukushinguluka. ³⁴ Pafwile paba ka belu ka golide elo na pomagalete, ka belu ka kubeka elo na pomagalete-elo na fimbipo-fyonse ukushinguluka umwingila. ³⁵ Umwingila ufwile waba wakwa Aaroni ulo akobomba, pakweba ati iciunda caciko cingofwika ulo akoya mu ncende ya mushilo ku cinso cakwa Yahweh elo ulo afuma. Ici nipakweba ati tafwile. ³⁶ Ufwile ukupanga imbale ya golide wapwililika ukafukilepo, ngo kufukila ifilembo pa cifwatiko ati, ''Umushilo kuli Yahweh.'' ³⁷ Ufwile ukusuntinkanya iyi mbale ku nsalu ya makumbi makumbi ku ntanshi ya tabani. ³⁸ Cifwile ukuba pa mpumi yakwa Aaroni; afwile lyonse asenda umulandu uyo uwingasuntinkana ku mutulo uwafyabupe fya mushilo uo abena Israeli bafumishapo kuli Yahweh. Tabani afwile lyonse ukuba pa mpumi yakwe pakweba ati Yahweh engasumina ifyabupe fyabo. ³⁹ Ufwile ukupange icoti lya kubuta ubusaka, elo ufwile ukapange Tabani uwakubuta ubusaka. Kabili ufwile ukupange sashi, umulimo wa wacenjela nganshi. ⁴⁰ Pa bana baume bakwa Aaroni ufwile ukubapangila amakoti, ba sashi, elo ne mishipi yakumitwe pakubacindi elo no kuyemba. ⁴¹ Ufwile ukufwika Aroni ndume yobe, elo na bana baume bakwe na ye. Ufwile ukabasube amafuta, elo nokubapela bushimapepo, elo nokubatwilako kuli nebo, pakweba ati bengambombela nga bashimapepo. ⁴² Ufwile ukabapangile utuputula twabo utwamukati ku kufimba ubwamba bwabo, ico icikalabafimba ukufuma ku misana ukufika ku matanta yabo. ⁴³ Aaroni elo na bana baume bakwe bafwile bafwala utu tuputula ulo baingila mwi tenti lyakukumaninamo nangu ulo bapalamina ku bulambo ku kubomba mu ncende ya mushilo. Bafwile ukucita icipakweba ati tabakwate umulandu nangu ngateifyo kuti bafwa. Ili lifunde lyakubelela pali Aaroni elo na bana bakesa kwisa panuma yakwe.