¹ Ufwile ukupanga icakwikalamo ica fisalu ikumi ishakupangilwa na tonge wa kolokondwe kabili no wamakumbi makumbi, kabili no wakukashikila, elo na tonge yamasako ya mpaanga mukabe naba kerubim. Uyu ukabe mulimo wa muntu uwa kwishibisha ukupanga. ² Ubutali bwa cila cisalu bukaleba bamita amakumi yabili na cine konse konse, muli nabwipi ba mita bane. Fyonse ifisalu fikalekulingana. ³ Ifisalu fisano fikale kusuntishiwa ku finankwe, kabili na fimbi fisano nafyo fifwile ukusuntishiwa ku finankwe. ⁴ Ufwile ukapange no tumikobelo twa makumbi makumbi palutwe lwa fisalu fya kutampilapo. Mumusango umo wine, ukacite palutwe lwapambali ya fisalu fya cibili. ⁵ Ufwile ukapange utumikobelo amakumi ya sano ku fisalu fya kutampilapo, elo ukapange utumikobelo amakumi yasano palutwe lwa fisalu fya cibili. Ukacite ici pakwebati utumikobelo tukalekuba utwalolenkana notunankwe. ⁶ Ufwile ukapange utwakukofyamo utuli amakumi yasano utwa golide kabili ukasuntinkanye ifisalu capamo pakwebati icakwikalamo cikabe icakwikatana. ⁷ Ufwile ukapange ne fisalu fya masako yambushi pakwebati cikese kuba icakufimba pamulu wacakwikalamo. Ukapange ifisalu ikumi na cimo. ⁸ Ubutali bwa cila cisalu bufwile ukuba ama mita amakumi yatatu, muli nabwipi bwa cila cisalu bufwile ukuba ama mita yane. Fyonse ifisalu ifili ikumi na cimo fifwile ukuba ifya kulingana. ⁹ Ukasuntinkanye ifisalu ifili mutanda kufinankwe kabili nafimbi fisano kufinankwe. Ukapetemo ifisalu ifili mutanda pantanshi ya cakwikalamo. ¹⁰ Ufwile ukapange utumikobelo amakumi yasano pambali yalutwe lwa fisalu fyakutampilapo, elo utumikobelo amakumi mutanda pambali ya lutwe lwa fisalu fya cibili ifisuntikene. ¹¹ Ufwile ukapange utwakukofyamo utwa mukuba amakumi yasano elo ukutubika mutumikobelo. Elyo ukuminkanye icilitenti pamo pakwebati cibe cimo na cimo. ¹² Icisalu citika icisheleko, ekwebati, icilepelela icisheleko pa cili tenti ca fisalu, cikafimbwe kunuma ya cakwikalamo. ¹³ Cifwile ukuba mita imo icisalu lubali lumo, kabili na mita imo lubali lumbi pakwebati icisheleko icisalu muli na butali cifwile ukulekupulamo kumbali ya cakwikalamo uku lubali elo noku lubali, pakulekucifimba. ¹⁴ Ufwile ukacipangile icakwikalamo ica kucifimbako ica mpapa ya mpaanga icakukashika ukutishiwa, kabili na cimbi ica kufimbako pamulu ica mpapa yakupepuka. ¹⁵ Ufwile ukapange imfulemu ishakwimakana isha cimuti ca mushita ku cakwikalamo. ¹⁶ Cila mfulemu ikalekulepa ama mita ikumi, elo muli nabwipi ikalekuba mita imo kabili na citika. ¹⁷ Kukabe utwa kushimpilako tubili tubili kuli cila mfulemu utwa mapulanga pakulekukuminkanya ama fulemu. Ufwile ukupanga ama fulemu ya cakwikalamo yonse ifi fine. ¹⁸ Ilyo wapanga amafulemu ya cakwikalamo, ukapange ama fulemu amakumi yabili aya kukapinda kakukuso. ¹⁹ Ufwile ukapange ifishinte fya silfele ifya kubika panshi ya mfulemu amakumi yabili. Pafwile ukuba ifishinte fibili panshi ya mfulemu yakutampilapo pakwebati kube utwa kushimpilako tubili, kabili ifishinte fibili kuli cila mfulemu kufya kushimpilako fibili. ²⁰ kulubali lwa cibili ulwa ca kwikalamo, kuka pinda kakukuso, ukapange imfulemu amakumi yabili ²¹ kabili ne fishinte fya silfere amakumi yane. Kufwile ukuba ifishinte fibili panshi ya mfulemu yakutampilapo, ifishinte fibili panshi ya mfulemu yakukonkapo, ukulekukonkanya fye ifyo fine. ²² Kumfwa kunuma ya cakwikalamo kumbonshi, ukupange imfulemu mutanda. ²³ Ufwile ukapange imfulemu dhilbili kunuma ya cakwikalamo. ²⁴ Ishi mfulemu shikale kuba isha kutalukana pesamba, lelo isha kwikatana pamulu kwiwilo limo line. Cifwile ukuba kuli fyonse ku fitutu fyakunuma. ²⁵ Kufwile kukabe imfulemu cine konse konse, kumo kwine ne fishinte fya silfere. Kukabe ifishinte ikumi na mutanda fyonse pamo, ifishinte fibili panshi ya mfulemu ya kutampilapo, ifishinte fibili panshi ya mfulemu ya kukonkapo, ukule kukonyafye ifyo fine. ²⁶ Ufwile ukapange imilando iya kucimuti ca mushita isano iya mfulemu kulubali lumo ulwa cakwikalamo, ²⁷ imilando isano iya mfulemu iya kulubali lumbi ulwa cakwikalamo, elo imilando isano iya mfulemu iya kunuma ya cakwikalamo ku mbonshi. ²⁸ Umulando pakati ka mfulemu, ekwebat, citika pamulu, ukutula kulutwe ukufika nakulutwe. ²⁹ Ufwile ukashingeko golide ku mfulemu. Ukashipangile amawilo ya golide, pakuti yakalekuba ifya kwikata imilando, kabili ukashingeko golide ku milando. ³⁰ Ukacimike icakwikalamo ukukonka ne mipangilwe palupili. ³¹ Ufwile ukapange ne cisalu ca makumbi makumbi, icamasako yampanga, icabekesha (kolokondwe) naba kerubim ukabikemo, umulimo wa kumuntu uwaishibisha. ³² Ukacikobeke pa ncenshi shine isha cimuti ca mushika icaku subwako na golide. Ishi ncenshi shikakwate ne filobo ifya golide ifya kubika pafishinte fine ifya Silfere. ³³ Ukacikobeke icisalu mutw ku kofyamo, kabili ukalete ne mbokoshi ya cipangano. Icisalu ca kulekanya kucipinda ca mushilo ukufuma kucipinda ca mushilo sana. ³⁴ Ufwile ukabikepo inkupiko pa mbokoshi ya cipangano, iili ku cipinda ca mushilo sana. ³⁵ Ufwile ukabike itebulo kunse ya cisalu. Ukabike ica kubikapo ilampi ukulelolenkana ne tebulo kukapinda kakukuso aka cakwikalamo. Ne tebulo likabele kukapinda kaku kulyo. ³⁶ Ufwile ukapange ica kukobeka pamwinshi we tenti. Uka cipange ica makumbi makumbi, icakashika, ica masako ya mpaanga elo icabekesha, ku waishiba ukupikula. ³⁷ Ku cakukobekapo, ukapange inceshi shisano isha cimuti ca mushita elo uka shingeko golide. Ifilobo fya fiko fikalekuba ifya golide, kabili ukafisubilko ne fishinte fya mukuba fisano.