¹ Abantu baendele ukufuma ku Elimu, na lonse ulupwa lwa Isreali lwaishile muciswebebe ca Sini, iyaba pakati ka Elimu naSinai, pa bushiku bwalenga ikumi limo na shisano ubwa mwenshi uwalenga bubili panuma ulo batampile ukufuma mu panga ya Egypito. ² Lonse ulupwa lwa Isreali lwaliilishenye kuli Mose na Aloni mu mpanga. ³ Abena Isreali balandile kuli bo, ''Nga cakutifye fwe twafwileile mu maboko yakwa Yaweh mu mpanga ya Egypito ulo fwe twale ikala pa nongo sha nama elo twalelya umukate uwa kumanina. Nomba imwe mwatuleta fwe ukufuma muno mu mpanga ku kwipaya ulupwa lwesu lose ku nsala.'' ⁴ Elyo Yaweh alandile kuli Mose, ''Nebo nkaponya panshi umukate ukufuma mumulu uwenu. Nabantu bakaya bakufuma no kutola ubushiku bumo umwina cila bushiku pakuti Nebo nkabeshe bo mu kumona nga cakuti nangu iyoo bo tabakende bo mwifunde lyandi. ⁵ Cikesaba nalimo pa bushiku bwalenga mutanda, ukuti bo bakalongane imiku ibili nga filya lyonse lilya bo balongana cila bushiku ilyo tabulafika, elo bo ba kepike ifyo bo bakaleta mo. ⁶ Elyo Mose na Aroni balandile ndile kuli bonse abantu bamu Isreali, ''Mucungulo mwalaisa ishiba ukuti Yaweh wo ewamileta mwebo mwise ukufuma mumpanga ya Egypito. ⁷ Mulucelo mwebo muka mona ubukata bwa kwa Yaweh, Pantu wo naumfwa ukuilishanya kwenu pali wo. Nga fwe nifwe banani kuli mwe ukuilishanya kuli fwe?'' ⁸ Mose kabili alandile, ''Mwebo mukeshiba afi, ulo Yaweh alepela mwe inama mu cungulo no mukate mu lucelo uwafula pantu naumfwa ukuilishanya konse tekuli fwe; yakuli Yaweh.'' ⁹ Mose alandile kuli Aroni, ''Landa kuli bonse aba lupwa ulwa bantu ba Isreali, 'Iseni mupepi kuli Yaweh, pantu wo naufwa ukuilishanya kwenu.'' ¹⁰ Ici caishile pamulandu, walyo Aroni alandile kuli lonse ulupwa lwa bantu ba Isreali, ukuti bo baloleshe ukulosha kumpango, kabili moneni , ubukata bwakwa Yaweh bwamoneke mwikumbi. ¹¹ Elyo Yaweh alandile kuli Mose, akulanda, ¹² ''Nebo ni ng'umfwa uuilishanya kwa bantu abena Isreali. Sosa kuli bo no kulanda, 'mucungulo mwebo mukalya inama, na mulucelo mwekesushiwa no mukate.ELyo mwe mukeshiba ukuti Nine Yaweh Lesa wenu.'' ¹³ Ici caishile pakuti mu cungulo ulo inkwale saishile mumulu no kukupa inkambi. Mu lucelo umume wakupile ukushinguluka inkambi. ¹⁴ Ilyo umume wa pwile, palya pene pamulu wa mpanga pali utuntu utwapapatala kwali bunga mfula pa mushili. ¹⁵ Ilyo abantu bamu Isreali bamwene ici, balandile umo no munankwe, ''CInshi ici?'' Tabaishibe cinshi cilya. Mose alandile kuli bo, ''Ala mukate uwo yaweh apele mwe kukulya. ¹⁶ Ici ecipope ico Yaweh apele: 'Mwe mukalonganike cila umo uwali mwe, umulingo mwe mulefwaya ukulya, ca Omeri ica cila muntu uwa mu mpendwa ya bantu bobe. Ifi fine efyo mwe mukalekutola. Kutola iya kulinga ukulya kuli onse umuntu uyo wikala mwitenti lyobe.'' ¹⁷ Abantu abena Isreali bacitile fyo. Bambi batolele ifingi, bambi batolele utunono. ¹⁸ Ilyo bo bapimine yene mucipimo ca Omeri, abo abatolele ifingi bakwete nangu kamo akashelepo, nabo abatolele utunono tababulilwe, cila muntu atolele ifyalinga ku kumona bo ifyo bakabile. ¹⁹ Elyo Mose alandile kuli bo, ''Takuli nangu umo uwakushapo nangu kamo pali iyi mpaka ulucelo.'' ²⁰ Lelo, bo taba umfwile kuli Mose. Bambi pali bo bashilepo fimo pali yo mpaka ulucelo, kwena ya bolele imititi no kununka. Eco Mose aishile fulwa pali bo. ²¹ Ba longenye yene ulucelo no lucelo. Cila muntu atolele ifyalinga mu kulya kwa bulya bushiku. Ilyo akasuba kaishile kaba, yali sungulukile. ²² Ici caishile pakuti cilya pa bushiku bwa mutanda bo batolele pabili ku bwingi bwa mukate, ba Omari babili kuli umo muntu. Shonse intungulushi sha ndupwa baishile no kulanda ifi kuli Mose. ²³ Wo alandile kuli bo, ''Ifi efyo ifyo Yaweh alandile: 'Mailo bwa licindima kutusha, bwa mushilo Isabata mu kucindika Yaweh. Ocene ifyo mwe mukofwaya ukoca, no kwipika ico mwe mukofwaya. Fyonse ifya shelepo, fibikeni pambali fya mwebene mpaka ulucelo.'' ²⁴ KAnshi bo babikile yene pambali mpaka ulucelo, ngefyo Mose akonkomeshe, tayanunkile, nangu muye aka mutiti muli yo. ²⁵ Mose alandile, ''Lyeni ico cakulya lelo, ico lelo ebushiku ubusungilwe iasabata ku cindika Yaweh. Buno bushiku mwe tamwasange yo mu mabala. ²⁶ Mwebo mukatola yo munshiku mutanda nomba pa bwa cine lubali li sabata. Pesabata tapakabe manna.'' ²⁷ Ici cali pakuti pabwa cine lubali ukuti bambi abantu baile ukufuma ku kutola Mana, nomba bo basangile nakamo. ²⁸ Elyo Yawehalandile kuli Mose, ''Nililali mwe muli nokuleka ukusunga ifipope fyandi na mafunde yandi? ²⁹ Moneni, Yaweh na pela mwebo isabata. Eco pabwa mutanda ubushiku wo ale pela mwe umukate wa shibili inshiku. Onse muli mwebo afwile ukwikala mu yakwe umwine incende, takuli nangu umo uwakuya kunse ukufuma mu yakwe incende pabwa cine lubali ubushiku. ³⁰ Kanshi abantu batushishe pabwa cine lubali. ³¹ Abantu abena Iseali baitile cilya cakulya, ''Manna.'' Cali icabuta kwati ni kolianda imbuto, elo ukumfwika kwati tumikate utwapangilwa no buci. ³² Mose alandile, ifi efyo yaweh akonkomeshe: 'Lekeni Omeri wa mana asungwe kunkulo yonse iya bantu bobe pakuti abana kufyalwa kuti bamona umukate uuli ngoyo ne namikusha mwebo mu mpanga, panuma ne naleta mwe ukufuma mu mpanga ya Egypito.'' ³³ Mose alandile kuli Aroni, ''Bula impoto np kubika Omeri umuli mana mukati. Ucibike kuli Yaweh cisungwe yonsefye inkulo sha bantu bobe.'' ³⁴ Nga Yaweh akonkomeshe Mose, Aroni abikile yene lubali ne cipangano pantanshi mukati ka mbokoshi. ³⁵ Abantu abena Isreali balile Mana imyaka amakumi yane mpaka bo baishile ku mpanga yaikelemo abantu. Balile yene mpaka bo baishile ku mipaka ya mpanga ya Kenani. ³⁶ Nomba Omeri e cekumi petepe