¹ Yahweh walandile kuli Mose elo na Aaron mumpanga ya Egypto. ² Pantu we, uno mweshi ukukesakuba ukutampa kwa myeshi yamwaka kuli webo. ³ Eba ibumba lyabena Israeli, pabushiku bwalenga ikumi ubwauno mwenshi bafwile cilamuntu bakabule umwana wampanga nangu akabushi akanono kulibo, cila lupwa ukucita ifi umwana awmpanga cila ng'anda. ⁴ Ngacakweba ati mung'anda balicepele ukukumanisha umwana wampanga, cilamuntu nabena mupalamano bafwile ukusenda inama yamwana wa mpanga nangu akabushi akanono iyingabakumana mumpendwa yabantu. Ifwile ukuba ikulu pakweba ati bonse balye, eico bafwile ukusenda inama iifulile ukubalisha bonse. ⁵ Umwana wampanga wenu nangu imbushi iinono ifwile yaba iyabula ubwafya, iyaume iyamwaka umo. Kuti mwasendapo pampanga nangu imbushi. ⁶ Mufwile ukuisunga mpaka pabushiku bwakulenga ikumi nashine ubwaulya mwenshi. Elo ibumba lyonse ilyakwa Israeli likepaya ishi inama mucungulo. ⁷ Mwifwile mukabule umulopa umo elo nokwisa kubika pafibi elo pamulu wafibi fyamayanda umo umukesa kulila inama. ⁸ Mufwile ukulya inama bulya bushiku panuma yakoca umuku wakwambilapo pamulilo. Lyeni nomukate uushitutumuka, elo nemiti yakulula. ⁹ Mwikalya iibishi nangu iyakwipika mumenshi. Lelo, mukoce pamulilo nemutwe waiko, amolu elo nefyamunda. ¹⁰ Mwikashako mpaka uluceelo. Mufwile ukoca fyonse ifikesa kushalapo uluceelo. ¹¹ Ifi efyo mukesa kulya: nemishipi yenu namukaka, insapato kumakasa yenu, elo nenkoto mumaboko yenu. Mufwile ukulya mukwangufyanya. Ecakucilila cakwa Yahweh. ¹² Yahweh aishile kulanda ifi: nkesa kuyamumpanga ya Egypto muli bulya bushiku nokwisa kuma bonse amabeli yabantu elo nenama mumpanga ya Egypto. Nkesa kuleta ukulimunwa kuli tulesa tonse utwamu Egypto, Ninebo Yaweh. ¹³ Umulopa eukesa kuba icishibilo pamayanda yenu pakwisa kuli mwebo. Ulo nkesa kubona umulopa, Nkesa kumicilila ulo nkoma impanga yakwa Egypto: Ici cinkukuma tacakese kuba pali mwebo elo nokumyonaula. ¹⁴ Ubu bushiku mukalakubwibukisha, ubo mukalasunga ngecibukisho cakwa Yaweh; nakunkulo shenu-- icebo ico mwakulasunga nga icakwibukisha umuyayaya. ¹⁵ Mukalekulya umukate uwabula ukututumuka panshiku cinelubali. Pabushiku bwakutampilapo mukafumyamo ifitutumushi mumayanda yenu. Uyo onse uukesa kulya umukate wakututumuka ukufuma pabushiku bwakutampilapo ukwisa kufika pabushiku bwakulenga cinelubali, uyo muntu afwile ukwisa kuputulwako kuli Israeli. ¹⁶ Pabushiku bwakutampilapo kukesa kuba ukukolongana ukwapatululwako kuli nebo, elo ubushiku bwakulenga cine lubali kukesakuba nakambi ukukolongana ukwaifi fine. Takwakese kuba ukubomba incito pali ishi nshiku, kanofye ukwipikila bonse bakalye. Eikesakubafye incito iyikesakucitwafye kulimwebo. ¹⁷ Mufwile ukulasunga ici cibukisho camukate uushili wakututumuka pamulandu wakweba ati, nipali ubushiku ubo naishile kuleta ukulekana mumpanga ya Egypto.Eco mufwile ukububaka ububushiku kunkulo shabantu benu ngecebo camuyayaya. ¹⁸ Mufwile ukulya umukate uushili wakututumuka ukwamba icungulo cabushiku bwalenga ikumi nashine mumwenshi wakutampa umwaka ukwisakufika icungulo cabushiku bwakulenga amakumi yabili na bumo ubwamwenshi. ¹⁹ Munshita ya ishi inshiku cinelubali, takuli icitutumushi icili conse ukusangwa mumayanda yenu. Uuli onse uwalya umukate uupangilwe necitutumushi afwile ukuputulwapo kumushi wakwa Israeli, nangu uyo muntu mwina fyalo nangu uwaisa kufyalwa mumpanga yenu. ²⁰ Tamufwile ukwisakulya ifili fyonse ifyapangwa necitutumushi.Ukuli konse uko mukekala, mukalekulya umukate uwapangwa ukwabula icitutumushi.''' ²¹ Elyo Mose wakuta bonse abakulu babena Israeli elo nokwisa kulanda kulibo, ''Kabuyeni elo musale impanga nangu utwana utukolinga ukulisha indupwa shenu elo mwipaye impanga yacakucilila. ²² Elyo usende umupo elo utubike mumulopa uuleba mwibeseni. Mubike umulopa pafibi elo nakufimuti fibili ifyapaminshi. Takuli uuli onse muli mwebo ukufuma pamwinshi wa ng'anda mpaka ukwisakunshinta uluceelo. ²³ Pantu Yahweh alaisakupitamo ukuuma abena Egypto. Ilyo alaisakubona umulopa pamulu wafiibi elo nakufimuti fibili ifyapamwinshi, alaisakucilila ifiibi fyenu elo nokwisa kukanya uwakonaula ukwisa mumayanda yenu kukumwipaya mwebo. ²⁴ Mwebo mukalekwibukisha ici cacitika. Ico cikalaba ifunde kuli mwebo nakulupwa lwenu. ²⁵ Ilyo mukaya kwingila mucalo ico Yaweh akesa kupela kuli mwebo, ngefyo amilaya ukucita, mwebo mukalekusunga ici cacitika kukupepa. ²⁶ Ilyo abana benu bakamwipusha mwebo, ''Bushe ici cacitike icakupepa cikopilibula?' ²⁷ Elyo mwebo mukesa kulanda, 'Celambo mucakucilila cakwa Yaweh, pamulandu wakweba ati Yaweh alicilile amayanda yabena Israeli mu Egypto ulo aipeye abena Egypto, Ena alilekele amayanda yesu ayakaele.''' Elyo abantu baishile kufukama elo nokupepa Yaweh. ²⁸ 28Abena Israeli balile elo balicitile nefyo Yaweh akonkomeshe Mose na Aaron. ²⁹ Calishile kucitika pakati kabushiku ukuti Yaweh aishile kwipaya yonse amabeli mucalo ca Egypto ukutampa kwibeli lyakwa Farao, uwaikele pacipuna cabufumu , ukushinta nakwibeli lyawali mucifungo elo nabeli yafitekwa fyonse. ³⁰ Farao aishile kubuka ubushiku-- ena, ababomfi bakwe bonse, kabili nabena Egypto bonse. Kwaishile kuba ukulosha mu Egypto , pantu takwali ing'anda nangu imo umushafwile umuntu. ³¹ Farao aishile kukuta Mose na Aaron ubushiku nokwisa kulanda ati, Imeni, fumeni mubantu bandi, mwebo nabena Israeli. Kabuyeni pepeni Yahweh, ngafintu mwebo mulandile mulefwaya ukucita. ³² Sendeni iftekwa fyenu elo ne Ng'ombe, ngafintu mulandile, elo kabuyeni elo kabili mumpale nanebo.'' ³³ Abena Egypto balifulilwe sana ukubafumyamo mucalo, pantu baishile kulanda ati, ''Fwe bonse tukafwa.'' ³⁴ Eco abantu baishie kusenda umufuba umwkubula ukusankanyamo icitutumushi. Amabeseni yabo yalikakilwe kale mufyakufwala fyabo elo napamabeya yabo. ³⁵ Nomba abantu abena Israeli baishilekucita ifyo Mose aishie kubeba bena. Baishile kwipusha abena Egypto ifintu sifere, ifintu fya golide, kabili nefyakufwala. ³⁶ Yahweh aishile kulenga abena Egypto ukufulwa pakusekesha abena Israeli. Eco abena Egypto baishile kubapeela bena fyonse ifyo baipwishe. Muli iinshila, abena Israeli balyonawile abena Egypto. ³⁷ Abena Israeli baishile kwenda ukufuma mu Ramase ukufika ku Sakoti. Bali bonse pamo 600,000 abaume pamakasa, ukubikapo abanakashika elo nabaice. ³⁸ Icintu bwingu cakusankana naco caishile kuya nabo, pamopene nefitekwa elo neng'ombe, impendwa iikuklu iyafitekwa. ³⁹ Balipangile imikate iyakubula ukututumuka mumufuba uyo basendele ulya bafumishe mu Egypto. Uwali uwakubula icitutumushi pamulandu wakweba ati balibafumishe nu Egypto elo tabaposele nshita ukupekanya ifilyo. ⁴⁰ Abena Israeli balikele mu Egypto imyaka 430. ⁴¹ Pampela ya myaka 430, ubushiku bulya bwine, yonse amabumba yashilika bakwa Yaweh balifumine mucalo ca Egypto. ⁴² Ubu bwali bushiku bwakwikala abalolesha, kuli Yaweh ubafumyamo mu calo ca Egypto. Ubu bwali bushiku bwakwa Yaweh ukusungwa kubena Israeli ukupitafye namunkulo shabantu babo. ⁴³ Yahweh aishile kulanda kuli Mose na Aaron, ''Pano epali ifunde lyacakucilila: takuli umwina fyalo ukawkanako mukucilila. ⁴⁴ Nangu cibe ifi, umusha wamwina Israeli onse, uwashitile nempiya, kuti aisakulyako panuma mwebo mwamusembulula ena ⁴⁵ Abena fyalo elo nababomfi bakwashima tabafwile kulya ifilyo nangu fimo. ⁴⁶ Ifilyo fifwile ukwisa likilwa mung'anda imo. Tamufwile kusendapo inama iili yonse ukufuma mung'anda, kabili mwebo tamufwile ukutoba ifupa ilili lyonse ⁴⁷ Bonse abantu bamu Israeli bafwile ukusunga ici cibukisho. ⁴⁸ Ngacakweba ati umwina fyalo aikala namwebo elo akofwaya ukusunga icakucilila kuli Yaweh, bonse balupwa lwakwe abaume bafwile ukusembululwa. Elyo engesa nokusunga ici. Wo akesa kuba kwati bantu abafyalilwa mucalo. Nangu cibe ifi, takuli umuntu uushasembulwa ukulyako kucilyo. ⁴⁹ Ili ifunde limoline likesa kubomfiwa kubafyalwa muli mwebo elo nakumwina fyalo uwikala namwebo. ⁵⁰ Eco abena Israeli bonse baishilekucita ifyo Yahweh akonkomeshe Mose na Aaron. ⁵¹ Icacitikile cakuti bulya bwine bushiku ubo Yaweh aishile kufumya Israeli mucalo ca Egypto.