¹ Yaweh alandile kuli Mose, ''Kabiye kuli Farao, pantu nebo ndikoseshe umutima kabili no mutima bababomfi bakwe. Nebo ncitile ifi ku kulanga ifishibilo fyamaka yandi mukati kabo. ² Nicita kabili ifi pakuti mwingeba abana benu na beshikulu benu pafyo ncitile, ifyo ncitile mubukali kuli Egypito, kabili ifyo mpele ifishibilo ifingi ifyamaka yandi mukati kabo. Muli iyi nshila mukeshiba ukuti ni nebo Yaweh.'' ³ Eco Mose na Aron baile kuli Falao no kulanda kuli o, '''Yahweh, Lesa wa ba Hebele, alandi ici: Ninshita nshi mukakana uku icefya mwebene pacinso candi? Leka abantu bandi baye pakuti benga shinshimuna. ⁴ Lelo nga wakana ukuleka abantu bandi ukuya, umfwa mailo nkaleta bamakanta mu calo cobe. ⁵ Baka kupa pamulu wa mushili pakweba ati tapakabe nangu umo uukamona isonde. Bakale kulya ifi kashala kuli conse icipusuka ukufuma kumfula yacitalawe. Kabili bakalya conse icimuti icikamena kuli mwe mumabala. ⁶ Bakesula amayanda yenu, ayo yonse ayababomfi benu, kabili ayo yonse ayabena Egypto ifintu ifyo bawiso nangu bawisokulu bashatala abamonapo, tapali nangu cimonekelepo ukutula ubushiku ubo bali pesonde ukufika napali buno bushiku.''' Elyo Mose aile kabili nokufuma kuli Falao. ⁷ Ababomfi bakwa Falao balandile kuli oo ''Ninshitanshi uyu muntu akaba uwakutucusha? Leka abena Isael baye pakuti benga shishimuna Yaweh Lesa wabo. Bushe taulailuka nanomba ukuti Egyto alayonaulwa?'' ⁸ Mose na Aron bali baletele nakabili kuli Falao, ninani walandile kuli bo, kabiyeni munshinshimune Yahweh Lesa wenu. Nomba bantu nshi bakaya?'' ⁹ Mose alandile, ''Tukaya nabaice kabili naba kote besu, nabana besu abaume kabili nabana besu abanakashi. Tukaya nempanga ne Mbushi shesu ne Ng'ombe, pantu tufwile twakwala wakwa Yahweh. ¹⁰ Falao alandile kuli bo, ''Lekeni Yahweh mu cinecine engabane mwe, ngakaleka mwebo mukaya kabili nabana abanono ukuya. Lolesha, naukwata fimo ifibi mumano. ¹¹ Awe! kabiyeni, abaume fye pakati kenu, no kunshinshimuna Yahweh, pantu ifi efyo muko fwaya. ''Elyo Mose na Aaron bali bata mfishe ukufuma pa cinso cakwa Falao. ¹² Elyo Yahweh alandile kuli Mose. ''Tambalika ukuboko kobe pa calo ca Egpto kuli ba makantu, pakuti benga basansa calo ca Egypto kabili no kulya icilimwa conse muco, fyonse ifyo imfula yacitalawe yashilemo. ¹³ ''Mose atambalika nkoto yakwe pa calo ca Egypto, kabili Yaweh aletele umwela waku kabanga pa calo kalya konse akasuba no bushiku. Ilyo cali ulucelo, umwela wa kukabanga waletele bama kanta. ¹⁴ Bamakanta bapitile mucalo conse ica Egypto. Kabili no ku tebelela yonse incende yaciko. Tapatala apaba makanta uwafula ifi mucalo, kabili takwakabe na cimbi ica musango ifi icikesa panuma yaciko. ¹⁵ Ba kupile pamulu wa calo conse pakuti kwali imfifi. Balilile icilimwa conse mu calo kabili nefisabo fyonse ifya kufimuti ifyo imfula yacitalawe yashile. Ukupita mucalo ca Egypto takwali icilimwa ica menene ica shele, nangufye icimuti nangu icilimwa mu mabala. ¹⁶ Eco Falao bwangu bwangu akutile Mose na Aaron kabili asosele, ''Ndibembukile Yaweh Lesa obe kabili naiwe. ¹⁷ Nomba kabili, mbeleleni ama sambi nomba, kabili pepa kuli Lesa obe pakuti afunyepo iyi imfwa pali ine. ¹⁸ Eco Mose alile ukufuma kuli Falao nokupepa kuli Yahweh. ¹⁹ Yahweh aliletele umjwela uwa ku west uwakukosa sana uwakuti wa pitile nabamakanta no kuba twala mumu mana uu kalamba uwa Reeds; takwali nangu kamo kamakanta aka shele monse mu nchende ya Egypto. ²⁰ Lelo Yahweh alikoseshe Falao umutima, kabili Falao talekele abana ba Israel ukuya. ²¹ Elyo Yahweh alandile kuli Mose, ''fisha ukuboko kobe ukulola ku mulu, pakuti kube imfimfi munchende ya Egypto, imfimfi iyo iyakuti ikomfwike. ²² ''Mose afumishe noku boko ukulola ku mulu kabili kwali imfimfi iyafina mumushili onse uwa Egypto panshiku shitatu. Takwali nangu umo uwa mwene umbi; ²³ Takwali nangu umo ushile Ing'nda yakwe panshiku shitatu. Lelo, bonse abana ba Israel bali kwete ulubuto monse mu nchende umo bali kwikala. ²⁴ Falao akutile Mose kabili alandile, ''kabiye ushinshimune Yahweh. No lupwa lobe kuti lwaya nobe, lelo umukunyu na maombe yafwile ukushala kunuma. ²⁵ Lelo Mose alandile ''ufwile watupela kabili ne nama shelambo kabili nefyaku ninika pakutila twingafipela ilambo kuli Lesa wesu. ²⁶ Ng'ombe shesu nasho shikoya nafwe; takuli na hoof pali bena uukashala kunuma, pantu tufwile twafisenda fyonse kuku shinshimuna Yahweh Lesa wesu. Pantu tatwishibile ifyo twinga shinshimwina Yahweh mpaka twafika kulya. ²⁷ Lelo Yahweh, alikoseshe Falao umutima, kabili tekuti abaleke ukuya. ²⁸ Falao alandile kuli Mose, ''kabiye fuma kuli ne! Ba uwashilimuka pacintu cimo, ukuti tawakambone po nakabili, pantu ubushiku ukamona icinso chandi ukafwa.'' ²⁹ Mose alandile, ''webo wemwine ulilandile. Nshakamone icinso cobe nakabili.