¹ Panuma yafyonse ifi imfumu Alasuerusi wapele abakulu Hamani umwana wamume wakwa Hammedatha umwina Agagi, no kubika icipuna cakwe insambu ishikulu pali bonse ba cilolo abo wali nabo. ² Bonse ababomfi ba mfumu abal pa mpongolo ya mfumu balefukama no kukontama kuli Hamani, ngefyo imfumu ya bebele ukulacita. Nomba Modekai ta fukeme nangu ukukontama. ³ Elo ababomfi ba mfumu abali pa mpongolo ya mfumu balandile kuli Modekai, ''Nindo webo ushilecita ifyaland imfumu?'' Ba sosele nankwe ubunkupeme ukucita ifyo balefwaya. ⁴ Eco ba sosele na Hamani ukumona nga umulandu wapali Modekai kuti wabafye filya fine, ico wali bebele ukuti wo mu Yuda. ⁵ Ulo Hamani wamwene ukuti Modekai tafukeme nokumulanga umucinshi, Hamani waiswilemo icipyu. ⁶ Wo waishileba ayakukana ipaya Modekai eka, ico aba bomfi bamfumu balimwebele ifyo abantu bakwa Modekai bali. Hamani wa pangile ukwipaya bonse aba Yuda, abantu bakwa modekai, abali mubufumu bonse bwakwa Alasuerusi. ⁷ Mu mwenshi wantashi(umweshi uwa Nisani) mu mwaka we kumi na ibili mu bufumu bwakwa Alasueruri, Pur-ecipendwilo-caposelwe pa ntanshi yakwa Hamani, pa kusala ubushiku no mweshi. Ba pendwile imiku ne miku mpaka icipendwilo caponene pa mweshi we kumi na ibili (Umweshi wa Adar) ⁸ Elo Hamani walandile ku mfumu Alasuerusi, ''Ekobali bamo abantu basalangene no kulapela monse mufitungu fya bufumu bobe. Amafunde yabo yalipusana kuli ayo ayabantu bambi, kabili tabasunga na mafunde ya mfumu, kanshi ta ciweme ku mfumu ukubaleka bekale. ⁹ Nga cinga sansamusha imfumu, peleni ifunde ku kwipaya bo, na nebo nkapima ukufumya imyanda ikumi limo amatalanta ya siliva mu minwe ya abo bakasontwa mukubomba umulimo wa mfumu, ukuti bo bakabike mu cipao ca mfumu.'' ¹⁰ Elo imfumu yabulile icifwatiko cambala minwe ukufumya ku minwe no kucipela kuli Hamani umwana mwaume wakwa Hammedatha umwina Agagi, umulwani waba Yuda. ¹¹ Imfumu yalandile kuli Hamani, ''Ndi nokumona ukuti indalama sha pelwa ukubwesesha kuli we na bantu bobe. Ukacite nakuli co conse ico wafwaya.'' ¹² Elo bakalemba ba mfumu balikutilwe pa bushiku bwe kumi na shitatu mu mweshi wa kutampa, kabili ne cipope icakwete fyonsefilya Hamani wa konkomeshe fyalembelwe ku balashi ba mfumu aba fitungu, abo abali umwaba abantu. na ku balashi aba bantu bonse, kuli cila citungu ifyo abene balemba, nakuli bonse abantu mu nsoselo yabo. Calembelwe mwishina lya mfumu Ahasuerusi kabili cakomenenwe ne ninda minwe ¹³ yakwe. Amakalata ya twelwe mu maboko yaba kapaso ku fitungu fyonse fya mfumu, ku kulofya, ukwipaya o konaula bonse aba Yuda, ukufuma kubaice ukufika kubakulu, abana na bana mayo, mu bushiku bumo -Pa bushiku bwekumi na shitatu mu mweshi we kumi na ibili( noyu mweshi wa Adar)-kabili no kupoka ifyuma fyabo. ¹⁴ Icipope ca uyu kalata capangwilwe ifunde monse mucitungu. Monse mucitungu cali ica ishibikwe ku bantu ukuti bali no kupekanya ifya ubu bushiku. ¹⁵ Ba kapaso bafumine ukuya no kusakauka ku kusabankanya ifunde lya mfumu. Icipope na co ca sabankanishiwe mukati monse mu Susa. Ifumu na Hamani baikele panshi ku kunwa, nomba umusumba wa Susa wali mu fimfulunganya.