¹ Munshiku shakwa Ahasuerus (uyu e Ahasuerus uwakwete ukufuma ku india ukufika ku Cush, pafitungu 127), ² muli shilya nshiku imfumu Ahasuerus aikele pa cipuna cabufumu bwakwe mwisano lyali mu susa. ³ Mumwaka wabutatu mukuteka kwakwe, alicitile umutebeto kuli ba cilo naba bomfi bakwe bonse. Abashilika baku Persia na Media, bashimucindikwa, kabili na balashi ba fitungu bali pa cinso cakwe. ⁴ Alilangile ubukankala bwa bufumu bwakwe no bukata no mucinshi wabukulu bwakwe pa nshiku ishingi, inshiku 180. ⁵ Ilyo nshiku shapwile, imfumu yalicitile umutebeto ukupwisha inshiku cine lubali. wali wa bantu bonse mwisano lya Susa, ukufuma kumucindami mpaka na kumulanda. Wacitile mulubansa lwe bala lya cipango ca mfumu. ⁶ Ulubansa lwe bala lwapekanishiwe ne nsalu sha butonge bwakubuta ne sha makumbi makumbi, kabili ne myando iya nsalu isha bune neya kukashika, iyakobekelwe ku mipeto ya Silvere ukufuma ku nceshi sha mabwe. Kwali ifyakwikalapo ifya Golide na Silvere ifyali apalambatikilwe amabwe, Mable, naya parfuri naya Margarititi aya mabwe ya kulekana lekana. ⁷ Ifyakunwa fyalikupelwa mu nkombo sha golide. Cila nkomaki yali iyakuibela ukulingana no bwingi bwa mwangashi uwalikufuma ukulingana no kusansamusha kwa mfumu. ⁸ Ukunwa kwacitilwe ukulingana ne cipope, ''Takuli kupatikisha, '' pantu muli uyu musango emo imfumu yapele ifunde kuli ba cilolo bonse ku cipango ku kucita ukulingana no kufwaya kwa muntu onse. ⁹ Na, namfumu Vashiti alipele umutebeto wabanakashi mu cipango ca mfumu Ahasuerus. ¹⁰ Pa bushiku bwalenga cinelubali, ilyo umutima wa mfumu waumfwile ukusansamuka kumulandu wa mwangashi, alyebele Mehuman, biztha, Harbona, Bigtha, Abagtha, Zethar, kabili na Karkas(ba cilolo cinelubali abali mu kumubombela pa ntanshi yakwe), ¹¹ ukuleta na mfumu Vashiti pa ntanshi yakwe ne cakufwala cakwe ku mutwe ica buna mfumu. Alikufwaya ukulangisha abantu na bacilolo ubune bwakwe, pantu ukuboneka kwakwe kwali ukwa bune. ¹² Nomba na mfumu Vashiti alikene ukwitabwa ku mfumu kwishiwi lya letelwe kuli o naba cilolo. Kabili imfumu yalifulilwe sana, ubukali bwalibilimikile kuli wo. ¹³ Eco imfumu yalilanshenye na baume abaishibikilwe ati ba mano, abalikwishiba inshita(pantu uyu ewali umusango wa mfumu pali bonse abaishibile amafunde no bupingushi). ¹⁴ Lelo abamupaleme bali Karshena, Shethar, Admatha, Tarshish, Meses, Marsena, kabili na Memukan, abana ba mfumu cine lubali aba ku Persia na Media. Balikwete insambu shakwingila ku mfumu, kabili balikwete ififulo ifikalamba mu bufumu. ¹⁵ Mukukonka na mafunde, pa fifwile ukucitika kuli na Mfumu Vashiti pa mulandu wakuti tyaumfwile kwi funde lya mfumu Ahasuerus, ilyaletelwe kuli wo na ba cilolo?'' ¹⁶ Memukan walandile pa menso ya mfumu naba cilolo, "Te nkumfumu yeka na mfumu Vashiti alufyenye, lelo nakuli ba cilolo bonse na kubantu bonse abali mu fitungu fyonse ifya mfumu Ahasuerus. ¹⁷ Pantu umulandu wakwa na mfumu ukesa kwishibikwa ku banakashi bonse. Cikalenga ukuti bakalekusula abalume babo. Bakalekulanda, 'Imfumu Ahasuerus yalitumine abakuya ku leta na mfumu pa ntanshi yakwe, lelo walikene.' ¹⁸ Libe buno bwine bushiku tabulapwa abanakashi abakankala aba ku Persia na ku Media abomfwile uyu mulandu wakwa na mfumu balekulanda cimo cine kuli ba cilolo bonse. kukesa kuba imisula imisula sana no bukali. ¹⁹ Nga cikowamina imfumu , lekeni icipope cifume kuli yo kabili lekeni cilembwe mu mafunde ya Persia na mu Media, icishingapilibulwa, ukuti Vashiti tafwile ukwisa pantanshi yakwe. Lekeni Imfumu ipele icifulo cakwe nga na mfumu kuli umbi uli uwa bune ukumucila. ²⁰ Ilyo icipope ca mfumu cikomfwika icalo ca mfumu conse, bonse abekashi bakalekucindika abalume babo, ukufuma ku mukankala mpaka ku mulanda.'' ²¹ Imfumu na bana baiko balitemenwe pali uku kupandwa amano, kabili imfumu yalicitile ngefyo Menukan walandile. ²² Alitumine ba kalota konse ku fitungu fya bufumu bewakwe, imo kuciputulwa cimo mwilembo lwakwe, kabili ku muntu onse mululimi lwakwe. Alipingwile ukuti umwaume onse afwile ukuba cibinda pa ng'anda yakwe. Ili funde lyalipelwe mu lulimi lwacila bantu mu calo.