¹ Yoashi wali ne myaka cinelubali iyakufyalwa ilyo watampile ukuteka; watekele imyka amakumi yene mu Yerusalemu. Ishina lyakwa nyina ni Zibia, uwaku Beersherba. ² Yoashi acitile ifyalungama mu menso yakwa Yahwehinshiku shonse ishakwa Yehoiada shimapepo. ³ Yehoiada ali ibilile abakashi babi kabili walishile kuba wishi wa bana baume na banakashi. ⁴ Caishile panuma yaici, ukuti Yoashi walisalile ukubweseshapo ing'anda yakwa Yahweh. ⁵ Walilonganikile capamo bashimapepo na bena Levi, kabili walandile kuli bo, ''Kabuyeni kunse cila mwaka ku misumba yabena Yuda no kulonganya indalama ukufuma muli Isreali onse ishakulungishisha ing'anda yakwa Lesa wenu. Mushininkishe ukuti mwatampako nombalinefye.'' Abena Levi tabacitilepo kantu nangu kamo pakutampa. ⁶ Eico imfumu yakutile Yehoiada shimapepo mukalamba no kulanda kuli wo, ''Nindo utafwafwaile abena Levi ku kuleta ukufuma muli Yuda na Yerusalemu umusonko Mose alikusonkesha umubomfi wakwa Yahweh napa kulongana kwa bena Isreali ukwa kwihema lyapipope fya cipangano. ⁷ Ku bana baume bakwa Athalia, ulya mwanakshi mubifi, balitobawile ing'anda ya kwa Lesa no kupela ifya mushilo fyonse ifya mung'anda yakwa Yahweh kli ba Baali. ⁸ Eco imfumu yakonkomeshe, kabili bapangile no kuibika panse pa mwinshi wakwingililapo ku ng'anda ya kwa Yahweh. ⁹ Elyo bapangile icibilisho ukupita muli Yuda na Yerusalemu, pa bantu ukuleta umusonko kuli Yahweh uyo Moseumubomfi wakwa asonkesheko pali Isreali muciswebebe. ¹⁰ Intungulushi shonse na bantu bonse balisansamukile no kuletamo indalama no kushibika mu mbokoshi mpakafye ilyo bapwilishe ukuisusha. ¹¹ Calicitikile ukuti lyonse ilyo balikuleta icipao ku filolo fya mfumu ukufuma ku minwe ya bena Levi, kabili lyonse ilyo balikumona ukuti mwaba indalama ishingi muli co abasangushi bafumu nefilolo fyaba shimapepo balikwisa, bafumyamo shonse mu cipao, kabilibalicibulile no kucipita ukucibwekeshamo ku ncende calikwikaliko. Balikucita ififine cila bushiku, ukulonganika icipendo candalama icikulu. ¹² Imfumu na Yehoiad balikupela indalama ku balikubomba imilimo yakutumika mu ngánda yakwa Yahweh. Aba baume bali kwingisha ba kabasa ba mabwe na ba kabasa ba mbao ku wamya inganda ya kwa yahwe, kabili nabalya bonse abalikubomba ne fyela no mukuba. ¹³ Eico abaume bamulimo balikubomba, kabili imilimo yakulungisha yalikuya pantashi mu minwe yabo; balikupanga inganda yakwa yawe mu musango wa milengelwe waiko noku ikosha. ¹⁴ Ilyo bapwilishisha, balikuleta indalama ishashalapo ku mfumu na kuli yahoiada. Inshi ndalama balikushibomfya ku kupangilako ifya kuwamishako inganda yakwa Yawe, ifisolobelo fyakutumikilako no kupangilako imitulo - intapwilo ne fisolobelo fya golide na silufele. Balikonkenyepo ukutula imitulo yakoca mu nganda yakwa Yawe munshiku shonse isha kwa Yehoiada. ¹⁵ Yehoiada walikotele no kupilulula inshiku, kabili elyo wafwile; wali ne myaka 130 iyakufyalwa ilyo wafwile. ¹⁶ Bamushikile mu musumba wakwa David pakati ka shamfumu, pantu walicitile icabune mu Israeli, ukulosha kuli Lesa, na ku nganda ya kwa Lesa. ¹⁷ Nomba panuma ya mfwa ya kwa Yehoiada, bantungulushi ba ba Yuda balishile no kucindika imfumu. Elyo imfumu yakutikile kuli bo. ¹⁸ Balilekeleshe inganda ya kwa Yawe, Lesa wafikolwe fyabo, noku shinshimuna ba Ashera tu lesa no tulubi. ubukali bwkwa Lesa bwalishile pali Yuda na Yerusalemu pa micitile ya filubo fyabo. ¹⁹ Napopene watumine bakasesema kuli vbo ukubaleta nakabili ku mwine, Yawe; bakasesema bapele bukambone ukushinina abantu, nomba balikene ukumfwa. ²⁰ Umupashi wa kwa Lesa walishile pali Zacharia mwana Yehoiada, shimapepo; Zacharia waliminine pamulu wa bantu no kulanda kulo bo, " Lesa akolanda ifi: Nindo mwa fulunganishisha amafunde ya kwa Yawe, pakuti tekuti mutunguluke? Apo mwasula Yawe, nao wine ulimisulileko." ²¹ Nomba bali mupondokele; pe funde lya mfumu, balimulashile ku mabwe mu lubansa lwa nganda yakwa Yawe. ²² Muli uyu musango, Yoashi, imfumu yalisulileko icikuku ico Yehoiada, wishi wakwa Zacharia, wacitile kuli o. Mucifulo ca iko waipeye mwana Yehoiada. Ilyo Zaccharia walikufwa walandile, lekeni Yawe amone ici no ku kupela umulandu." ²³ Caishile nalimo pa mpela ya mwaka, ukuti abashilika ba kwa Aramu balimine Yoashi. Balishile ku Yuda na Yelusalemu; balipeye intungulushi shabantu shonse nokutuma ifyatapilwa fyonse ku mfumu ya ku Damasko. ²⁴ Nangu ifita fyabena Aramu fyaishile na bashilika abanonofye, Yawe walibapele ukucimfya pa fita ifyamaka, pantu Yuda alisulile Yawe, Lesa wafikolwe fyabo. Muli yi nshila abena Aramu baliletele ubupingushi pali Yoashi. ²⁵ Pa nshita iyo abena Aramu baile, Yoash walicenenwe bubibubi. Ababomfi bakwefye umwine balimwimine pa mulandu wakwipaiwa kwa bana bakwa Yehoiada shimapepo. Balimwipeye pa musengele wakwe, kabili walifwile; bamushikile mu musumba wakwa David, nomba temu nshishi sha mfumu. ²⁶ Aba bantu abaimine no kupinkana na o: Zabad umwana mwaume wakwa Shimeti, umwanakashi umwina Ammoni; na Yehosabad mwana Shimriti umwanakashi wa ku Moab. ²⁷ Nomba imilandu yabana bakwe, ubusesemo ubukankala ubwasoselwe pali wo, no kukula cipya cipya inganda yakwa Lesa, mona, fwalilembwa mu mishikakulo ya fitabo fya mfumu. Amaziah umwana wakwe waishilekuba imfumu mu cipango cakwe.