¹ Nomba ukulingana ne nshita ne myaka, ba wesu, tamulekabila ukuti ifili fyonse filembwe kuli mwe. ² Pantu imwe mwebene mwalishiba bwino ukuti ubushiku bwakwa Shikulu buleisa ngo mupupu mu bushiku. ³ Ilyo balanda, " Umutende no bucingo,'' elyo mukukana ubukila ubonaushi bukesa pali bo. Cikaba kwati bukali bwa pakupapa muli namayo uuli pabukulu. takwakabe pinshila nangu imo iyo bakapusumukilamo. ⁴ Lelo imwe, ba wesu, tamwaba mu mfifi ukuti akasuba kamipitilile kwati ⁵ mupupu.Pantu imwe bonse muli bana ba lubuto kabili abana bakasuba. Tatuli bana ba bushiku nangu imfifi. ⁶ Kanshi nomba, twilala ngefyo bamo bacita. Lelo, lekeni tube abalola kabili abatekanya. ⁷ Pantu abo abalala balala ubushiku, nabo abanwa bacitefyo ubushiku. ⁸ Lelo pamulandu tuli bakasuba, tulingile twikale abatekanya no kufwala icitetekelo ne citemwiko ngecakucinge cifuba, ne subilo lye pusukilo ngecakucingo mutwe. ⁹ Pantu Lesa tatusalile ku bukali, lelo mukwate pusukiloukupitila muli Shikulu wesu Yesu Kristu. ¹⁰ Uyu ewatufwilile pakutila, cibe tulelola nangula natulala, twingekala bonse nao. ¹¹ Eico talalikeni umo no munankwe kabili kuleni cila umo, ngefyofine mukocita. ¹² Tukomwipusha, ba wesu, ukwibukisha abo abakobomba pakati ka imwe na onse uumimwenenena muli Shikulu kabili uumikoselesha. ¹³ Kabili tukomilomba ukubasenda apakalamba mu citemwiko pamulandu wa mulimo wabo. Beni no mutende pakati kenu. ¹⁴ Twamukoselesha, ba wesu: Musopeshe abacimfulunganya, koselesheni abanaka, afweni abanaka, kabili beni aba mutekatima kuli bonse. ¹⁵ Moneni ukuti tapali uukopela ububi pa bubi kuuli onse. Lelo, pepekeni icili cabune ica umo nomunankwe na bonse. ¹⁶ Sansamukeni lyonse. ¹⁷ Pepeni ukwabula ukunaka. ¹⁸ Muli fyonse peleni ukutotela. Pantu ubu ebufwayo bwakwa Lesa muli Kristu Yesu kuli mwe. ¹⁹ Mwinasha Umupashi. ²⁰ Kabili mwisusho busesemo. ²¹ Esheni ifintu fyonse. Ikatilileni kucili icabune. ²² Fumeni kucili conse ica bubifi. ²³ Lesa uwa mutende engamupanga abashila mukufikapo. Umupashi wenu onse, umweo, no mubili fingasungwa ukwabula akalema ku kwisa kwakwa Shikulu wesu Yesu Kristu. ²⁴ Wacishinka uyo uumita, umo wine uukacicita. ²⁵ Ba wesu, muletupepela naifwe. ²⁶ Posheni bonse ba wesu no kutomona ukwa mushilo. ²⁷ Nkomukonkomesha mukulapa muli Shikulu ukuleka iyi nkalata ikabelengwe kuli bonse ba wesu. ²⁸ Ukusenamina kwakwa Shikulu wesu Yesu Kristu kube na mwe.