¹ Eico, ilyo twafililwe ukushipikishapo, twatontonkenye ukuti ciliweme ukushalila panuma pa Athenisi neka. ² Twatumine Timoti, wesu kabili umubomfi munensu kuli Lesa mu mbula -nsuma yakwa Kristu, mukumikoselesha no kumitalalika ukulingana ne citetekelo cenu, ³ pakuti peba nangu umo uwingatenkanishiwa muli aya macushi. Pantu mwe mwebene mulishibile ukuti nikuli ici cine twasontelwe. ⁴ Mu cine, ilyo twali namwe, twali mwebele libela ukuti tukacushiwa na mafya, kabili cacitike ifyofine, ngefyo mwaishiba. ⁵ Pamulandu waici, pakufilwa ukushipikisha, natumine pakuti ningeshiba icitetekelo cenu. Epali kasebanya amutunka, no kuleka ukubomba kwesu kwaba ukwafye. ⁶ Lelo Timoti alishile kuli fwe ukufuma kuli mwe no kutuletela ilyashi lisuma palwa citetekelo cenu ne citemwiko. Alikutweba ukuti lyonse imwe mwalikwata amebukisho yasuma pali fwe, kabili mukabila cilape ukutumona ngefyo nafwe tukabila ukumimona. ⁷ Pamulandu waici, ba wesu, twali talalikwa namwe pamulandu wacitetekelo, muli fyonse ifyakutitikisha fyesu ne fyakukalipa. ⁸ Nomba lelo tuli no mweo, imwe ngamuli minine ndi muli Shikulu. ⁹ Pantu kutotela nshi twingapela kuli Lesa palimwe, pansasa shonse isho twabakukwata pa cinso cakwa Lesa pali mwe? ¹⁰ Ubushiku na kasuba tulapepa sana ukuti twingamona ifinso fyenu no kupela ifilebulila mu citetekelo cenu. ¹¹ Lesa wesu na Tata umwine, kabili Shikulu Yesu wesu, engalungamikila ubulendo bwesu kuli mwe. ¹² Shikulu engamulenga ukufula no kusela mu kutemwa umo no munankwe na kuli bonse abantu, ngafintu nafwe tucitila mwe. ¹³ Engakoselesha imitima yenu pakuti shingaba ishabula akalema muli bumushilo pacinso cakwa Lesa na Tata pakwisa Kwa kwa Shikulu wesu Yesu na bashila bakwe bonse.