1 Paulo, Siluvanashi, na Timoti ku cilonganino ca bena Teselonika muli Lesa Tata wesu na Shikulu Yesu Kristu. Icibotee kuli mwe no mutende ukufuma kuli Lesa tata na Shikulu Yesu Kristu. 2 Tupelo kutotela lyonse kuli Lesa pali mwe ilyo tutwalilila mu mapepo yesu. 3 Tulebukisha pantashi yakwa Lesa Tata umulimo wenu uwacicetekelo, ukubomba kwacitemwiko, no kukana telentenshiwa kwe subilo muli Shikulu wesu Yesu Kristu. 4 Ba wesu abatemwikwa na Lesa, tulishibile ukuti alimisala , 5 pantu imbila-nsuma yesu tayashile kuli mwe mwishiwi fye capwa, lelo namu maka, mu Mupashi Wamushilo, kabili namukushininkisha ukwingi. Munshila imo ine, mwebo mulishibile umusango twabelelemo pamulandu wenu. 6 Imwe mwalishile kuba abakonkelesha fwe na Shikulu, Mwapokelele icebo muku cululuka ukwingi ne congwe ukufuma kuli Mupashi Wamushilo. 7 Ecalengele, mwaishile kuba icimweno kuli onse mu Macedonya na Achaya abasumina. 8 Pantu ukufuma kuli mwe icebo cakwa Shikulu calibilwa, elo temu Macedonya fye na Achaya, lelo icitetekelo cenu muli Lesa cilile mpanga yonse. Eico tatukofwaya kulanda icili conse pali ici. 9 Pantu abene babila ulwa musango wakupokelelwa twakwete pali mwe, nefyo mwalikufuma ku tulubi nokutampa ukubombela Lesa wacishinka kabili uwamweo, 10 nokutila ukuti mukololela umwana wakwe ukufuma ku mulu, uyo uo abushishe ukufuma kubafwa-Yesu, uutupokolola ku bukali ubuleisa.