¹ Nomba Samwele alifwile.Abena Israeli bonse balilongene pamo nokumulosha, kabili balimushikile mu nganda yakwe mu Rama. Elo Davidi, alimine nokutentemukile mumatololo ya parani. ² Mu Maone mwali umwaume, uo ifikwatwa fyakwe fyali mu Karmele. uyu muntu ali umukankala sana. alikwete impanga amakana yatatu ne mbushi ikana limo. alikubeya impanga shakwe mu Karmele. ³ Ishina lya uyu mntu lyali ni Nabali, ne shina lya mukashi wakwe lyali ni Abigaili. uyu mwanakashi ali uwakucenjela namukumoneka ali uwabune. Nomba umwaume ali umunkalwe kabili uwabubi mumicitile yakwe. Ali wamubufyashi bwa nganda yakwa Kalebe. ⁴ Davidi alyumfwile mumatololo ati, ''Nabali akobeya impanga shakwe. ⁵ Eco Davidi alitumine abalumendo ikumi. Davidi alyebele abalumendo ati, '' Ninikeni muyeku Karmele, muye kuli Nabali, nokumuposesha mwishina lyandi. ⁶ Mukoya kulanda kuli ena ati, '' mwikala mumutelelwe. umutende kuli mwebo no mutende kuba nganda yenu, kabili umutende ube kuli conse ico mwakwata. ⁷ Ndyumfwile ati, mwalikwata bakabeya. Bakacema bobe twaciba nabo, kabili tatwacibacita icabubi, kabili takupushilwe kantu kuli bena paliyi nshita yonse bali mu Karmele. ⁸ Ipusha abalumendo bobe, kabili bakokweba. Nomba leka abalumendo bandi basange ububile mu menso yonbe, ico twishile pa bushiku bwa malila. Napapata pela conse ico ukwete kuba bomfi bobe naku mwana obe Dabidi.'' ⁹ Ulo abalumendo bakwa Dabidi bafikile balilandile fyonsefi mucifulo cakwa Dabidi elo kabili balipembele. ¹⁰ Nabali alyasukile ababomfi bakwa Dabidi ati, ''Davidi ninani, kabili umwana wakwa Yesse ninani? Ababomfi shino nshikubengi abakofyuka kuli ba wishikulubo. ¹¹ Bushe mbule umukate wandi na menshi yandi elo ne nama yandi iyo njipaile bakabeya bandi, nokupa ku bantu abo nteshibile noko bafumine?'' ¹² Abalumendo bakwa Davidi balyalulukile nokubwela, kabili balimwebele fyonse ifyalandilwe. ¹³ Davidi alilandile ku bantu bakwe ati, '' umuntu onse aikakile alupanga lwakwe.'' Eco umuntu onse aliikakile ulupanga lwakwe, Nalimo abantu imyanda ine balikonkele Dabidi panuma, kabili imyanda ibili ebaikele lwapafipe. ¹⁴ Lelo umo uwamubalumendo alyebele Abigaili, umukashi wakwa Nabali, alilandile ati, ''Dabidi alitumine inkombe ukufuma mumatololo ukwisa kuposha shikulwifwe, nomba alibatukile. ¹⁵ Lelo aba bantu bali bwino kuli fwebo. Tabatucushishe kabili tatwapushilwepo icintu icili conse cikulu tulile nobo mu mpanga. ¹⁶ Bali cibumbili kuli fwebo akabuba no bushiku, lonse ulo twali nabo tukocema impanga. ¹⁷ Eco ishibenici nokutontonkanya ifyo mungacita ico ububi bulipangilwe pali shikulwifwe, kabili nakuli bonse abanganda yakwe. Aliba umuntu icungwa icakwebaati, takuli nangu umo uungalanda kuli ena.'' ¹⁸ Eco abigaili alyangufyenye no kusenda imikate imyanda ibili, imisukupala ibili iya myangashi, impanga shisano ishipekanishiwe limo, ifipimo fisano ifyansekeshakusalulwa, umwanda umo uwafipapatu fya myangashi iyakwanikwa, ne mokama ya makunyu imyanda ibili, nokufibika pa mpunda. ¹⁹ Alyebele abalumendo bakwe ati, '' kabiyeni muntangilile, kabili nkoisa panuma yenu, '' Nomba taebele umulume wakwe Nabali. ²⁰ Lulya anina pampunda yakwe elo atentemukile, ku cifimbo calupili, Davidi na bantu bakwe balitentemukile kuli ena, naena alibakumenye. ²¹ Nomba Dabidi alilandile ati, '' cine cine pafye pakulonda kwandi ukwafintu fynse ifyo uyu muntu akwata mumatololo, pakwebati tapali nangu cimo icilubile pali fyonse ifyo akwata, kabili ambwesesho bubi pabune. ²² Lesa engacita ico kuli nebo, Davidi, kabili nafimbipo, nga cekwebati mulucelo nashapo umwaume umo pali bonse abo akwata.'' ²³ Ulo Abigaili amona Dabidi, alyangufyenye nokwikila pa mpunda yakwe nukuwa ku cinso cakwa Davidi, ubunkupeme nokukontamina panshi. ²⁴ Alilele panshi yamakasa yakwe nokulanda ati, '' pali nebo neka, mweshikulu epo pabe umulandu. Napapata lekeni umubomfi wenu alande kuli mwebo, kabili kutikeni ku mashiwi ya mubomfi wenu. ²⁵ Mwileka shikulu wandi asakamane palyu muntu icungwa Nabali, ngefyo ishina lyakwe lyaba, efyo nomwine aba. Nabali eshina lyakwe kabili aliba no bungwa. Lelo nebo nemubomfi wenu ntabamwene abalumendo bakwa shikulu abo mwatumine. ²⁶ Nomba nalo, mwe shikulu, ifyo Yawe ali nomweo namwebo muli no mweo, apo Yawe alimicingilile kukukana sumya umulopa, nokukana icitila icilandushi mwebene namaboko yenu, nomba lekeni abalwani benu nabo bonse abafwaya ukucita ifyabubi kuli shikulu wandi, abe kubati ni Nabali. ²⁷ Nomba lekeni ubu ubupe ubo umubomfi wenu aleta kuli shikulu wandi bupelwe kuba lumendo abakonka shikulu wandi. ²⁸ Napapata eleleni ubupulumushi bwa mubomfi wenu, pantu Yawe ica cine akapangila shikulu wandi inganda ya cine, pantu shukulu wandi akolwa inkondo shakwa Yawe; kabili ububi tabwakasangwe muli mwebo ulo ;lonse muli no mweo. ²⁹ Nangu abantu bengema nokumikonka uku fwaya ukonaula umweo wenu, lelo umweo wakwa shikulu wandi; ukakakilwa mu cifunda ca bumi kuli Yawe lesa wenu; kabili akasukusa imyeo yaba lwani benu kubatini mwitumba lya cinsukushilo. ³⁰ Yawe akacitila shikulu wandi fyonse ifyo amilaile, kabili asontele mwebo ukuba intungulushi pali Israeli. ³¹ Ici tacakabe cisendo cakukwishikana naco kuli mwebo ukwebati mulisumishe umulopa uwakubula umulandu, nangu pamulandu wakwebati shikulu wandi aalyeseshe ukuipususha umwine. pantu ulo Yawe akacita icabune kuli shikulu wandi, mukebushe umubomfi wenu.'' ³² Dabidi alilandile kuli Abagaili ati, Leka Yawe Lesa wakwa Israeli, abe uwakupalwa ena uwakutumine ukwisa kunkumanya lelo. ³³ Amano yobe yalipalilwe elo nobe ulipalilwe, pantu ulinsungile lelo ukufuma kukusunmya kwa mulopa nokufuma kuku ilandwila nemwine nokuboko kwandi! ³⁴ Pantu mucine ngefyo Yawe, Lesa wakwa Israeli, ali no mweo, uyo uwandeseshe ukwebati nikucena, ngatawaedeshe ukwisa kunkumanya, cine ngatakwali uwashele kuli Nabali umwana umwaume nangu umo pakuti buce.'' ³⁵ Eco Dabidi alipokelele ukufuma mukuboko kwakwe ifyo amuletele, alilandile kuli ena ati, '' kabiye ninika mumutende ku nganda yobe, mona ndyumfwile kwi shiwi lyobe kabili ndikusuminishe.'' ³⁶ Abagaili alibwekelemo kuli Nabali, moneni, alimukucita umutebeto mu nganda yakwe, kubati mutebeto wa mfumu; elo umutima wakwa Nabali walisansamukile mukati kakwe ico alikolelwe sana, Eco ta mwebele icintu icili conse mpaka no lubuto lwa lucelo. ³⁷ Cali mulucelo, ulo umwangashi wakololokele muli Nabali, elo umukashi wakwe amwebele ifi fintu, umtima wakwe walifwile mukati kakwe, kabili alyalukile kubati libwe. ³⁸ Palipitile inshiku ikumi limo ulo Yawe aumine Nabili icakwebati alifwile. ³⁹ Ulo Davidi aumfwile ukwebati Nabali alifwile, alilandile ati, ''Abe uwakucindikwa Yawe, uusendele icalimukulenga ukusalulwa kwandi ukufuma mukuboko kwakwa Nabali kabili alikatile ukuboko kwa mobomfi wakwe ukufuma ku bubi.alibweseshe imicitile yakwa Nabali iyabube pamutwe wakwe umwine,'' Elo Davidi alitumine kabili kuli Abigaili, kukumusenda ku mwine ngo mukanshi. ⁴⁰ Ulo aba bomfi ba kwa Davidi baishile kuli Abigaili ku Karmele, balilandile kuli ena nokwebati, '' Dabidi alitutumine kuli webo ukwisa kukusenda ngo mukashi wakwe.'' ⁴¹ Alimine akontamikile icinso cakwe panshi, nokwebati, ''moneni umu bomfi wenu umwanakashi mubomfi uwakusamba amakasa yaba bomfi bakwa shikulu.'' ⁴² Abigaili alyangufyenye nokwima nokunina pa mpunda nababomfi bakwe abakashana basano abamukonkele; kabili alikonkele inkombe shakwe Dabidi nokuba umukanshi wakwe. ⁴³ Nomba Davidi nokabili alibulile ali Noamu uwaku Yeserele ngo mukashi bonse babili bali abakashi bakwe. ⁴⁴ Ninshi, Shauli alipele Mikali umwana wakwe umwanakanshi, umukashi wakwa Davidi, kuli palti umwana mwaume wakwa Laishi, uwali wamu Salimu.