¹ Icibanda calimine abena Israeli nokutunka Davidi kukupenda abena Israeli . ² Davidi walandile kuli Joab nakubakulu babashilika bankondo,''kabiyeni, mupende abantu abena Israeli ukufumaku Beersheba ukufika ku Dan kabili mubweshe amashiwi kuli nebo, Pakutilainjishibe impendwa yabo.'' ³ Joab walandile,'' Lekeni Yahweh alenge abashilika bakule imiku umyanda ukucila ifyo bali. Lelo cibinda mwe mfumu, bushe bonse tabatumika cibinda wandi?Nindo cibinda wandi akofwaila ifi?nindo mukoletela umulandu pali Israeli?'' ⁴ Nomba ishiwi lyamfumu lyalimukosele Joab. Eico Joab waimine kabili waile kupitana monse mubena Israeli. Elo waishile kubwelulukila ku Jerusalemu. ⁵ Elo Joab afishishe impendwa yonse pamo iya baume bakolwa kuli Davidi. Bali mu Israeli 1,1001000 abacenjela ukulwa nolupanga. Juda ekafye akwete 470,000 abashilika. ⁶ Nomba Levi na Benjamin tabapendelwepo palibo, pantu icipope camfumu tacasekeshe Joa. ⁷ Lesa walifulilwe pafyo acitile , Eico asanshile Israeli . ⁸ Davedi walandile kuli Lesa,'' Nincita isambi ilikulu pakucita ifi . Nomba funye nipo umulandu pamubomfi wenu, pantu ndicitile ifyabupuba.'' ⁹ Yahweh walyebele Gad, kasesema wakwa Davedi, ¹⁰ ''kabiye ulande kuli Davedi,'Ifi efyo Yahjweh alandile; Inkokupela ukusala kutatu. Usalepo cimo palifyo.'' ¹¹ Eico Gadi waile kuli Davedi kabili walandile kuli wo,'' Yahweh alandile ifi, Salapo cimo pali ifi; ¹² nangula imyaka itatu iya cipowe, imyenshi itatu iya kupepekwa kuba lwani bobe kabili nokwikatwa kuma panga yabo, nangu cimbi inshiku shitatu isha lupanga lwakwa Yahweh akoonaula yonse impanga ya Israeli .Elo nomba tantonkanya ubwasuko inkotwala kuli umo uuntumine.'' ¹³ Elo Davidi walandile kuli Gad,'' Indimumasakamika ayakulu! Lekeni ingwile mukuboko kwakwa Yahweh ukucila ukuwila mukuboko kwa muntu, uluse lwakwe lukulu nganshi.'' ¹⁴ Eico Yahweh walitumine icikuko pali Istraeli, na bantu amakana amakumi cinelubali balifwile. ¹⁵ Lesa walitumine malaika ku Jerusalemu kuku onalula. Ilyo ali paku onaula, Yahweh walikutamba kabili walipilibwile amano pakonaula. Walandile kuli malaika walikonaula, capwa! Nomba bwesha ukuboko kobe.'' pali ilya nshita malaika wakwa Yahweh aliminine pacakusokwelapo cakwa Ornan umwina Jebusi. ¹⁶ Davidi wainwine amenso kumulu kabili walimwene malaika wakwa Yahweh aliminine pakati kesonde no mulu, alikwete ulupanga ulwakuleshiwa, mukuboko kwakwe ukwaimishi wile pali Jerusalemu. Elo Davidi nabakulu , balifwele ifyakufwala fyama saka, balilele ubunkupeme panshi. ¹⁷ Davedi walandile kuli Lesa,'' Bushe tali ninebo uwa konkomeshe ukuti abashili bapendwe? nalicitile icintu icabubu. Lelo ishi impanga, Nindo shacita? Yahweh Lesa wandi Lekeni ukuboko kwenu kukonse nebo nabalupwa lwandi, nomba mwileka icikuko ukwikalila pabantu benu.'' ¹⁸ Eico malaika Yahweh akonkomeshe Gad ukulanda kuli Davedi ukutila Davedi anine no kukulila yahweh ubumbo pacakusokwelapo cakwa Ornan umwina Jebusi. ¹⁹ Eico Davedi walinine ngefyo Gad wamulangile ukucita mwishina yakwa Yahweh. ²⁰ Ilyo Ornan walekusokola ingáno , walipilibwike kabili walimwene malaika . Wo nabana bakwe abaume bane abali nankwe balifiseme. ²¹ Ulo Davedi waishile kuli Ornan waliloshe kabili walimwene Davedi washile icakusokwelapo walikonteme ku David necinso cakwe panshi. ²² Elo Davidi alandile kuli, ''Inshitisha icikuso kwelapo ,ukuti nkule ubulambo bwakwa yahweh. Nkalipila umutengo onse, pakutila icikuko cingafumishiwa pabantu. ²³ Ornan walandile kuli Davedi ,'' pita ukuba citi cobe, cibinda wandi mwemfumu. Mucite kulico icili cabune mumenso yobe. Lolesha, Inkokupela ingómbe iilume iyamutulo wakoca, nemilando yakupuminako ngenkuni nengáno shamutulo wambuto; nkapela fyonse kuli mwebo. ²⁴ Imfumu Davedi yalandile kuli Ornan,''Iya, inkofwayafye ukucishita pamutengo uwakukumanina. Nshikopita ifyobe nokufitula ngomutulu wakoca kuli Yahweh umfwa nshikoposapo icintu.'' ²⁵ Eico Davedi walipile imyanda mutanda iya golide iya ncende. ²⁶ Davedi walikulile Yahweh ubulambo kabili walitulile umutulo wakoca no wesenge palibo. Walikutile kuli Yahweh , uwamwasukile namulilo ukufuma mumulu pabulambo bwa mutulo wakoca. ²⁷ Elo Yahweh apele ifyakukonka kuli malaika, namalaika alibwekeshemo ulupanga lwakwe mucakusungilamo. ²⁸ Ulo Davedi amwene ukutila Yahweh walimwasukile pacakuso kwelapo cakwa Ornanumwina Jebusi, alipangile ilambo kulya panshita ilyaine. ²⁹ Nomba panshita ilya, iyema lyakwa Yahweh, ilya mose apangile mumatololo, nobulambo bwakocelapo umitulo, fyali pancende yapamulu pa Gibeon. ³⁰ Eco nomba , Davidi tekuti aye kulya kukwipusha Lesa ifyakucita pantu waikutina ulupanga lwakwa malaika wakwa Yahweh.