¹ Lelo panuma yaifi, mu buteko bwakwa Atakisesi imfumu ya Pesia, Esra aishile kwika ukufuma ku Babiloni. Ifikolwe fyakwa Esra fyali ni Seraya, Asariya, Hirikiya, ² Shalumu, Shadoki, Aitubu, ³ Amariya, Asariya, Meraiyoti, ⁴ Serahiya, Usi, Buki, ⁵ Abishua, Fineasi, Eleasa, uyo uwali umwana mwaume wakwa Aaroni umukulu wakubashimapepo. ⁶ Esra aishile kwisa ukufuma ku Babiloni elo ena ali kalemba uwakucenjela mu mafunde yakwa Mose ayo Yaweh, Lesa wakwa Israeli, apele. Imfumu yali mupele fyonse ifyo ena aipwishe pantu ukuboko kwakwa Yaweh kwali naye. ⁷ Abana bamo abamu Israeli elo naba bashimapepo, abena Levi, bakemba ba mucilonganino, bakasunga ba minshi elo na babomfi ba mwitempele nabo baishile kuya mu Yerusalemu mu mwaka wa kulenga cine lubali wabuteko bwa mfumu Atakisesi. ⁸ Aishile kufika mu Yerusalemu mu mwenshi wakulenga busano, uwali mwaka wakulenga cine luabali uwa mfumu. ⁹ Aishile kusha babiloni pabushiku bwa kubalilapo mu mwenshi wakutampilapo. Cali nipa bushiku bwakumpa mu mwenshi wakulenga busano elo ena afikile mu Yerusalemu, ico ukuboko kwakwa Lesa ukwa bune kwali na ye. ¹⁰ Esra alibikile umutima wakwe pa kusambilila amafunde yakwa Yaweh elo nokuya konka elo nokufunda ifipope elo nefya kukonkomesha mu Israeli. ¹¹ Iyi enkalata iyo imfumu Atakisesi ya pele Esra shimapepo kabili kalemba wa mafunde yakwa Yaweh ne fipope fya bena na Israeli. ¹² Imfumu ya sha mfumu Atakisesi, kuli shimapepo Esra, kalemba wa mafunde yakwa Lesa wa mumulu. ¹³ Nkopelela icakupampamika cakuti umuntu onse umwina Israeli mu calo candi- pamopene naba shimapepo babo elo na bena Levi- abo abakokabila ukuya ku Yerusalemu kuti baya na mwebo. ¹⁴ Nebo, ne mfumu, elo naba kafwa bandi cine lubali, ndimutumine palwa ba Yuda na Yerusalemu ukulingana na mafunde yakwa Lesa, iyo iili muboko yenu. ¹⁵ Mwebo mukaleta silfere na golide iyo imfumu elo naba kafwa baiko batulile mukuitemenwa kuli Lesa wa bena Israeli, uyo icifulo cakwe caba mu Yerusalemu. ¹⁶ Mukuitemenwa mupeele yonse silfere na golide iyo mukesa kusanga ku citungu ca Babiloni, pamo ne fya bupe ifyo abantu na bashimapepo ifyo pakuitemenwa fikesa kupelwa mu ng'anda yakwa Lesa mu yerusaremu. ¹⁷ Eico mubomfye ishi ndalama ukushitamo mukupwililika ing'ombe ishilume, basukusuku elo na bana bampanga, no mutulo wa ng'ano elo no mutulo wa fya kunwa. Fituleni ku bulambo ifyo fifli mu ng'anda yakwa Lesa wenu mu Yerusalemu. ¹⁸ Mukabomfye ifikashalapo silfere na golide fyonse ifilekuboneka ifya bune kuli webo na kuli ba munonko, pa kusekesha Lesa wenu. ¹⁹ Bika ifipe ifyo ifyapelwa mukutemwa kuli webo pantanshi yakwe pa kubomba mu ng'anda yakwa Lesa wenu mu Yerusalemu. ²⁰ Conse icikofwaikwa mu ng'anda yakwa Lesa wenu ico mwebo mukafwaya, paiteni ifikafwaikwa mu cipao cakwi sano ²¹ Nebo ne mfumu Atakisesi, napela pano icipopekuli bakasunga bacipao bonse mucitungu kwishilya lya mumana, ukwebati conse ico Esra shimapepo, kalemba wa mafunde yakwa Lesa wa mu mulu, akomilomba ukufuma kuli mwebo mufwile ukufipela fyonse, ²² ukufika naku mwanda umo uwa matalanti ya silfere, na madalamu ya ng'ano umwanda umo, ne mbeketi sha mwanga shi umwanda umo, imbeketi sha mafuta umwanda umo, elo no mucele uwingi ukwabula ukupima. ²³ Conse ico ickofuma mukupampamika kwakwa Lesa wa mumulu, citeni nokucincila mu fikumine ing'anda yakwe. Pantu mulandunshi ubukali bwakwe bwingeshila pa buteko bwa mfumu elo na bana baume bakwe? ²⁴ Fwebo tukobeshibisha bena ukuti tapali insambu sha kutula umutulo uuli onse nangula umusangulo pali bashimapepo abali bonse, abena Levi, bakemba, abalinshi ba minshi, nangula abantu abasontwa ukulinda ing'anda yakwa Lesa elo naba bomfi ba ng'anda iya kwa Lesa uyu. ²⁵ Esra, na mano Lesa akupela webo, webo ufwile ukusonta bakapingula elo nabaka kululula ba milandu abaka paingula abantu bonse mu fitungu ifyaba kwishilya lya mumana, elo nokupokolola bonse abo abishiba amafunde yakwa Lesa wenu. Mufwike ukusambililasha abo amafunde. ²⁶ Pinguleni uuli onse uutalekonka amafunde yakwa Lesa umupwilapo nangula amafunde ya mfumu, nangu kwipaiwa, ukupingilwa, ukumupokolola ifipe fyakwe nangula ukuposa mu cifungo. ²⁷ Abe uwakupalwa Yaweh, Lesa wafikolwe fyesu, uwaishile kubika fyonse ifi mumutima wa mfumu mu kulumbanya ing'anda yakwa Yaweh mu Yerusalemu, ²⁸ eico nokutambikila uluse pa ntanshi ya mfumu, bakafwa baiko, elo na bapanda mano baiko. nebo ndi uwakukoshiwa ku kunoko kwakwa Yaweh Lesa wandi, elo nalikolonganikile intungulushi ukufuma muIsraeli ku kuya na nebo.