¹ Mu mwaka wa kubalilapo uwakwa Cyrus, imfumu yaku Persia, Yahweh alifikilishe ishiwi lyake ilyafumine ku kanwa ka kwa Yeremia, elo alicincishe umupashi wakwa Cyrus. Ishiwi lyakwa Cyrus lyali salanganine monse mu bufumu bwakwe. Ifi efyalembelwe elo no kulabdwa: ² ''Cyrus, imfumu yaku Persia, alanda ati: Yahweh, Lesa wa mu mulu, alimpele yonse amabufumu aya pa calo, elo alinsontele ukumukulila ing'anda mu Yerusalemu na mu Yudea. ³ Onse uwafuma ku bantu bakwe (Lesa wakwe abe na nkwe) kuti aya ku Yerusalemu, uuli mu Yudea, elo akakule ing'anda yakwa Yahweh, Lesa wakwa Israeli, Lesa uuli mu Yerusalemu. ⁴ Abantu aba muncende iili yonse iya bufumu, umo abapusukilemo mu calo bekalamo nga beni kuti ba bapelako silfere elo na golide, ifya ku myafwako elo ne fitekwa, pamo pene fye no bupe bwakuitemenwa mu ng'anda yakwa Lesa mu Yerusalemu.'' ⁵ Eluntu imitwe ya fikolw fya mikowa yakwa Yuda elo na Benjamini, bashimapepo elo na bena Levi, elo na onse uyo umupashi wacincisha ukuya ku kulila Yahweh ing'anda, iili mu Yerusalemu, baimine. ⁶ Bonse aba bashingulukile balibafwilishe umulimo kuli silfere elo ne fipe fya golide, ifya kulekubomfya, inama, ne fintu fimbi ifya bune, elo no muto wakuitemenwa. ⁷ Cyrus imfumu yaku Persia nao alilekeleko kufipe ifyali fya mung'anda yakwa Yahweh ifyo Nebukatinesari abulle ukufumya mu Yerusalemu elo alibikile mu ng'anda sha tu lesa twakwe. ⁸ Cyrus alifibikile muminwe yakwa Mitredati kasunga, uwafipendele kuli Sheshibasari, imfumu ya Yuda. ⁹ Iyi empendwa yafiko: ifyakusambilamo ifya golide amakumi yatatu, ifya kusambilamo ifya silfere fyali ikana limo, ifya kusambilamo na fimbipo amakumi yabili na pabula, ¹⁰ inkombo sha golide amakumi yatatu, 410 inkombo sha silfere ishinono, elo na fimbipo ifipe ikana limo. ¹¹ Fyali fyonse pamo 5,400 ifipe fya golide elo ne fya silfere. Sheshibasari aliletele fyonse uluntu ubusha bwapwile mu Babiloni ukuya ku Yrusalemu.