¹ Ifi wfyaishile kucitika panuma imfumu naikala mu nganda yaiko, yalandile kuli Nathan kasesema ati, '' Boona, Nibe ndekele mu nganda ya Cedar, nomba imbokoshi yacipangano cakwa Yahweh ilikele munshi ye tenti.'' ² Eluntu Nathan alandile ku David ati, ''Kabuye, kacite ifili mumuti obe, pantu Lesa ali nobe.'' ³ Nomba mubushiku bwine ishiwi lyakwa Lesa lyalishile kuli Nathan, no kulanda ati, ⁴ ''Kubuye elo webe David umubomfi wadi, 'Ifi efintu Yahweh alandile: Webo tawakanulile inganda intu nkalaikalamo. ⁵ Pantu nebo nshikala mu nganda ukufumafye pabushiku nebo nafumishe abena Israeli ukufikafye napali buno bushiku. Mucifulo cakuti, Nebo ndekwikala mwitenti, umwamushilo, muncende ishapusana pusana. ⁶ Monsefye muncende umu Nebo mpitana nabena Israeli bonse, bushe Nebo nalitala ndandapo ifili fyonse ku ntungulushi iili yonse, iyabena Israeli abo Nebo nasonta ukuba bakacema pa bantu bantu, no kulanda ati, ''Cindo mwebo mushankulila inganda ya Cedar?'''''' ⁷ ''Nomba eluntu, eba umubomfi wandi David , 'Ifi efintu Yahweh wafita alandile ati: Nebo nakusendele webo ukufuma ku mpanga yamulemfwe, ukufuma mukukonka umukuni wa mpanga, ukuti webo wisekuba katungulula pa bantu bandi abena Israeli. ⁸ Nebo ndabafye pamofye nobe konsefye uko uya elo naliputula abalwani bobe ukufuma pa cinso cobe, elo nebo ndecita ishina lyobe, ngashina lyaba lumbukwa abo ababa pano calo. ⁹ Nebo ndnokusala incende pabantu bandi abena Israeli elo nkababika palya pene, eico bal nokwikala muncende shabo abene nowakubacusha takwakabe iyo. Tepamulandu nabantu imbifi tashakabacushe, ngefyo balikubacusha kunuma, ¹⁰ nefyo balukucita ukufumafye pali shilya nshiku nebo nakonkomeshe bakapingula ukuba pa bantu bandi abena Israeli. Eluntu nebo nkacimfya bonse abalwani bobe. Nakucilisha webo nalikweba webo ukuti nebo, Yahweh, ndinokukulila webo inganda. ¹¹ Cili nokufika icakwebati uluntu inshiku shikafikilisha ilyo webo ukaya ukwalala ifikolwe fya bashinwe, Nebo nkemya balupwa ukufuma kunuma yobe, elo naumo uwamulupwa lobe, Nebo nkakosha ubufumu bwakwe. ¹² Ena ali nokunkulila nebo inganda, elo nebo nkakosha icipuna cakwe umuyayayaya. ¹³ Nebo ndinokuba wishi kuli yee, elo ena akaba umwana mwaume wandi. Nebo nshakaleke icipangano candi icacishinka ukufuma pali yee, ngefyo Nebo acifumishe pali Saulo, uyo uwaleteka panuma yobe. ¹⁴ Nebo nkemika yee mu nganda yandi elo na mu bufumu bwandi umuyayaya, elo necipuna cakwe cikashimpwa umjuyayaya.''' ¹⁵ Nathan alilandile kuli David nokufisha kuli yee aya yonse aya amashiwi, elo alimwebele na pamulandu wacimonwa conse. ¹⁶ Eluntu imfumu David yaingile mukati elo yaile kwikala pacinso cakwa Yahweh; yalandile ati, ''Bushe ninebo nani, Yahweh Lesa, elo ulupwa lwandi cindo, icakwebati webo waisa kundeta apakulepa fino? ¹⁷ pantu ifi fyalifye ifinono mu menso yobe, we Lesa. Webo walilandile napalupwa lwa mubomfi obe pamikalile yabune iileisa, elo ulundangile nebo nenkulo iileisa, we Yahweh Lesa. ¹⁸ Findo fimbi ifyo nebo, ne David, ningalanda kuli webo? weucindikile umubomfi obe. Webo ulupele umubomfi obe icabune icakumwishiblako. ¹⁹ Yahweh, pamulandu wakufwaya kwa mubomfi obe, elo napakufikilisha ukufwaya kobe, webo ulicitile icintu icabune no kulenga amalayo yobe yasokololwe. ²⁰ Yahweh, takwaba uwaba ngawebo, elo takwaba umbi Lesa kanofye webo, ngefyo fwebo lyonse tumfwa. ²¹ Pantu ninkulo nshi pano calo iyaba nga bantu bobe abena Israeli, abo webo, we Lesa, wafumishe mucalo ca Egypt nga bantu bobe wemwine, pakupanga ishina lyobe wemwine pafipesha mano elo nefyakutinya ifyo ucita? Webo waletamfya nenkulo ukufuma pa bantu bobe, abo webo wafumishe ukufuma mu Egypt. ²² Webo walipanga Israeli ukuba abantu bobe umuyayaya, elo webo, we Yahweh, waisakuba Lesa wabo. ²³ Eico nomba, we Yahweh, leka amalango yobe ayo wabika ukulingana no mubomfi obe elo nabalupwa lwakwe leka fikalilile umuyayaya. Cita ifyo webo walandile. ²⁴ Leka ishina lyobe libelelelele umuyayaya elo libe ilya kucindama, eico nomba abantu bakalanda ati, ' Yahweh umwine wafita Lesa wabena Israeli, ' lelo inganda yandi, David umubomfi obe ikabelelele pacinso cobe. ²⁵ Pantu webo we Lesa wadi, ulisokolwele kumubomfi obe ukuti webo ukamukulile inganda. Emulandu wine Nebo, nemubomfi obe, nasangila ikushipa pakupepa webo. ²⁶ Nomba we Yahweh, webo uli Lesa, elo ulupangile ubulayo ubwabune kumubomfi obe: ²⁷ Nomba cili icakusekesha webo pakupala inganda ya mubomfi obe, ukuti cikonkanishiwepo umuyayaya pacinso cobe, we Yahweh, walipala ici, elo cikaba icakupalwa umuyayaya.''