¹ Pamakayadi pinangunawan hi Apo Nakapanyag nin Banal ya Espiritu ha kapatalan ta baydon nanukho ya kamana. ² Agya nangan apat apu ya allo buy apat apo ya yabi ta bayro ya nalunuhan. ³ Nilumateng ya manunukho hinabi "No hika ya anak ni Apo makapanyag habyen mo magin tinapay ya baw bato". ⁴ No-ag tinumebay hi Apo Hesus habayti ya "nakahulat ya, alwan bengat ha tinapay nin mabyay ya tawo ya alwan ha halita ni Apo Nakapanyag." ⁵ Hapaeg gintan ya nin kamana ha malhay ya banwa hapaeg gintan ya ha tag-ay nin himbaan. ⁶ Hinabi na no hikay piteg ya anak ni Apo Nakapanyag ya magtaboy ka ta nakahulat ha aw anghel na ya alalayan naka ta emen gaka mitama ha baw bato. ⁷ Inilgo ni Apo Nakapanyag ya "ag mon subuken ya Apo Nakapanyag." ⁸ Gintan ya oman nin kamana ha tag-ay bakil ta impakit ya kaganawan nin kamamain ha babon luta. ⁹ Hinabi na igwa ko kumo kaganawan habain no nanduko ka buy sambawin mo ko. ¹⁰ Ta hinabi ni Apo Jesus kuna, "Mag-ali ka satanas! ta hay nakahulat, ya hay sambawen mo hi Apo Nakapanyag ayin kanayon bihan pagsirbiyan", ¹¹ ta imbalag yan kamana ta nilumateng ya aw anghel na ta nagsirbi. ¹² Hapaeg, nalingi ni Apo Jesus ya dinakep hi Juan, nag-ali ya ta naglako ha Galilea. ¹³ Nag-ali ya ha Nazaret buy nagpa-iri hila Capernaum, ha danin dagat nin Galilea ang kasakupan ning Zebulun na sakop nin Neftali, ¹⁴ Nangyari ta emen matupad ya hinabi ni propeta Isaias, ¹⁵ "hay sakop nin Zebulun boy anggawan nin Neftali, dani nin dagat ha lipay nin Jordan, Galilea na haw Hentil! ¹⁶ Hay taw tawo ya atsi na nadiglem ay nakahilek nin nahawang biha nahawangan ya taw tawo ya atsi baydo ha rehiyon buy banta nin kamatsan. ¹⁷ Umpisan habayto, nandogin nanuro hi Apo Jesus ya hinabi na, maghehe kaw na, madani ya nan lumateng ya kaarian nin langit. ¹⁸ Hin ampita hi Apo Hesus ha dagat nin Galilea, naikit na ya luway mita-patel, hilay Simon ya ambanhagan nin Pedro, hi Andres ya patel na ya mamihada lambat ya manlapet hila ha dagat. ¹⁹ Hinabi ni Apo Hesus konla "maku kaw baydi, himmuno hila kongko, gaw-en kataw nin manlalapet ya tawtawo,." ²⁰ Imbalag lan tampol ya lambat ta himmuno hila kuna. ²¹ Hin ampita hi Apo Hesus, paibat baydo nahilek na ya luway mipatel hi Santiago ya anak ya lalaki ni Zebedeo buy Juan ya mipatel kalamo ni Zebedeo ya bapa la ha bangka ya ampangungumpuni nin hatoy lambat, iningat na hila, ²² imbalag la ya bapa la buy ya bangka ta himmuno hila kuna. ²³ Tinala ni Apo Jesus ya kagawan ang kasakupan nin Galilea, ampanuro ya ha sinagoga, impangaral ya mahampat ya bawbalit ya ebanghelyo ya kaharian, pinahampat na hinoy kaw klasing mahakit hatoy taw tawo, ²⁴ nangiwara hila bana kuna, ha buong Seria hin gintan tawtawo ya mawmain haw hakit ya kanayon main hakit ya angkatanam, hatoy ang kahokleban mawmarawak ya demonyo, ²⁵ kuni Apo Hesus ubat Galilea ha Dicapolis, Jerusalem haka Judea, haka ubat ha Jordan.