¹ Nadharo djessu adhatoma kufhundjisa mussangani, achironga: Mwamuna mbhodzi adhatcheka, adhafunga kuzenguerera thambweri, adhachera muchera kuti athirire mazabhringa, adharondza nhumba ya ndzuru. Nadharo assaka munda wa warime, iye achienda paurendo wache. ² Ngani yakukonkha adhatuma mbhodzi kuenda kuna wanhakurima kuti watambire nawo. ³ Dharo iyo wadhambhata, wadhamunera wamuhirinza hana chindho. ⁴ Kanango pondho adhatuma munango nhabhassa wadhamukondza mussoro mwache wadhamunhara. ⁵ Adhatuma munango pondho wadhamuraia. Waita wakuwanda wanango wassendzi ninga muchobho wenei wakauraya wanango wachiuacheka wanango. ⁶ Ninga passara mbhodzi mwana wache akadha iye kukuru,wakumarissa wakaendessua.iyo wadharonga: Iyo wadhakodza mwana wangu. ⁷ Iyo wanhabhassa wadharonga hokha hokha: Uyu ndinhakufhuma, mbatende kamuraya nfhuma inagara iyathu. ⁸ Iyo wadhambhata, wadhamuraya wadhamuthussa kunza kwa munda. ⁹ Nadharo mwanachiro wamunda akauya anarongai. Iye achauya, achadhussa wanhabhassa anadzapassa munda wanthu wanangu ¹⁰ Nathangwe rakuleka kuerenga marembero aya? Bhuye rakarambua nanhakurondza rakauya tswimo. ¹¹ Zwenezwi zwinabhudha kuna mbuya, tswakukangaidza kwa madzisso athu. ¹² Iyo wassaka thangwe rakussunga Djesu, nadharo wakatcha kuwandiwa, wakazwidziwa kuti nsangani wenei wakaronguera iyo. Nadharo wadhassia wadhaenda. ¹³ Iyo wadhatuma wafarissi na waherodi waende pabhodzi kabva massoko. ¹⁴ Padhaswika iyo, waronga kuti: "Muiti, tirikudziwa kuti ndiwe waderethu haubveri nzeru zawandzako, tangwe handitongui nakudzeza nkhope yamunthu. Ndizwodhi anafhunjissa njira ya Mulungu. Ntswaderetu tiripe missonkho kuna Cezar peno nkhabhe? Tiripe nkhabhe? ¹⁵ nadharo djessu akadziwa kunhangara kwazvo adharonga kuti: Tangwerai wandiedza? ndipasseni chipanguiziro kuti ndione. ¹⁶ iyo wadhauissa chibhodzi .Djessu adhadvunjissa: Njhawani nkope yenei na kuremba kueneko? ¹⁷ Iyo adhabvunjissa: "Kuna Cezar". Djessu adharonga: "Passani Cezar zwire zwa Cezar Mulungu, zwire zwa Mulungu". Wadha gara nakukangaidzika na iye. ¹⁸ Nadharo wasaduce, wadharonga kureke kuoneka kumuka kwa wanhakufa , wadhauya kuna iyo wadhamubvunjissa, achironga: ¹⁹ Mufhunjissi, Mozessi adhassia atirembera kuti: Mbhare wamamuna akafa achissia mukazi hana mwana, mbhare wache anadhikana kutora mukazi wanhakuenda abhare wana na dzina ra mbhare wache. ²⁰ Kwakana wabhare wanomwe wakutoma adhakara na mukazi adhadzafa, hazi kussiya wana. ²¹ Nadharo wachiwiri adhamutora mukazi adhafa, hazi kussiya mwana. Na wachitatu ntswibhodzibhodzi. ²² pawanomwe hawazi kussiya wana. Kumara kwa wentse mukazi adhadzafa. ²³ Pakumuka,wakadzamuka mukazi anadzagara wawani? Pawabhare wanomwe adhagara mukazi waho". ²⁴ Djessu adhadhaira: "Ne thangwe reneri raita kuti ukangaidzike, thangwerai haudziwi kurembwa ne uderetu wa Mulungu? ²⁵ Wakadzamuka wanhakufa, hadzabhanhirani ne kubhatira wanagara ninga watumwa wakudzuru. ²⁶ Kuna wanhakufa wanadzamussua awadzahoni bhukhu ra Mozessi, pamassoko hathundhu, ninga mulungu adharonga naiye kuti: Ine ndhine mulungu wa Abrau,Mulungu wa Zake Mulungu wa Jako? ²⁷ Iye siebha mulungu wanhakufa,ngwa nhakupenha zvikuru khunhagaza kwanu. ²⁸ Mbhodzi kuawanhakuremba adhauya adhabva kugwenguerana, iye adhabva kuti djessu adhamudhaira dherethu. Adhamubvunjissa:Ndi ntemo wai ukuru unadhikanika kupinda yentse? ²⁹ Djessu adhadhaira: Chinthu chikuro ndiyichi: Iva; Israel, Mulungu wathu mbuiya ndi mbhodzi. ³⁰ Mudhe mulungu wako na moiyo wako wentse, na ntima wako wentse, nakutenda kwako kwentse ,na simba rako rentse. ³¹ Ntemo wachiwiri ndi uyi: Idha nzhako ninga zwinadzidha iwe.' Ntemo ukuru nkhabhe uyu hakuna. ³² Nadharo nhakurema amubvundja: "Ndizwodhi, nfhunjissi! Ndizwodhi adharonga kuti mulungu ndi mbhodzi, hakuna munango kupinda iye. ³³ Mudhe nantima wentse, nakumudha kwentse nassimba rentse, udhe nzhako ninga zwinadzidha iwe, ntswaderetu kuna zwentse hauna kudzichupha". ³⁴ Djessu padhahona iye kuti adhaira akazvidziwa, adharonga: iwe ne huri kutari nahudheretu wa Mulungu".Kumara kwa izwi, hapana munango anadzachupha djessu. ³⁵ Paka nfhundjissa iye nhumba ya mulungu, djessu adhadhaira, hachiti: Ninga zvinalonga wanhakuremba kuti kristu ndi mwana wa Davi? ³⁶ Iye Davi adharonga na nzimo wakuchena: Mbuya adharonga mbhuya wangu: Gara kumudhiyo kwangu, kuswikira ine ndaita waengui pantsoka za muendo wako. ³⁷ Davi ari kudhaindza kristu wa mbhuya, nadharo,anaitatini agare mwana wache? Dhungwe rikuru ridhabva nakudhekeruwa. ³⁸ Nakufhunjissa kuako, djessu adhakharonga: Itani mbhore na nhakuremba wanadha kufamba kutari wachitambira kumussana pambuto, ³⁹ mbuto ikuru ku Sinagoga mbuto zakussogoro. ⁴⁰ iyo wafudza nhumba ya waziche, kuti azwidhaire anaita munamato wakwendessa. Iyo wanatambira kudjarirwa kukuru. ⁴¹ Nadhdaro djessu adhagara paduze na bokossi ramachereni panhumba ya mulungu. Iye akadjezessa wanthua pakaiga iyo machereni mbokossi.wanthu wazindji wanhakufhuma wakathussa matchereni akuwanda. ⁴² Nadharo murombo mbhodzi nziche adhaiga matchereni mairi mbokossi. ⁴³ Djessu adhaindza wafhundjissi wache adhawabvundza: Ndizvozene nditchakubvundzane: Murombo uyu nziche aiga kupinda wentse ware wadhaiga matchereni mbokossi. ⁴⁴ wentse iyo wakapereka ufhumi waho, nziche uyu, adhaiga hentse matchereni akanaiye kuti ararame naho.