¹ Emkhõoi khãijim ich ʉʉi Eva dʉi. Jag ʉʉi jõrjim maig ththabʉjim Kain. Ʉʉiyau jaujim: "Irig deejim emkhõoi Ẽwandam gayamua." ² Magta ʉʉirau thabʉ aujim i ondeem Abel. Isin Abel barcheejim pastor khag, mag Kain phidkhasiejim jẽb gayam. ³ Mʉg ẽd nurru awia, kain aubeejim ã ãbdu nemjõ jẽb gayam Ẽwandam degpam. ⁴ Mag jʉr Abel den mʉg aubeethar nacharam thãbʉtaar ich diʉ baug sĩer eem mai akho othomdam. Ẽwandam ukhajim Abelau deetaar, ⁵ Mag Kain ich ophrenda dʉi, idiu igbajim. Mag Kain meukhabaadeejim, maig dau aadeejim ikhĩir. ⁶ Ẽwandamua magjim kainag: "¿Khãnte pʉ meunkhasĩi maig khanjagwia pʉ khĩir dau aadeji? ⁷ niminag wajapha pʉ wau mʉʉn ¿pod ukhabaam? pʉa wajapham wau bamun, chi pekau uthuagau puerti khĩer pua oowei thuwau aju khai, makhʉ̃ʉn thuwau awagau." ⁸ Kain iekhajim Abel i ondeem. Mag ãkhãrag ajim amch pabʉ ee naawia Kain phiduujim ich ondeem Abel dʉi maig thoopʉijim. ⁹ Magaita Ẽwandamua iekhajim kainag: "¿Jampaisii pʉ ẽudeem Abel? ich diu jaujim: "khauba chirʉm ¿mʉa khapʉchirum mu ẽudeem?. ¹⁰ Ẽwandamua jaujim : ¿Pʉa khãn wauji? mʉgaai theegdee pʉyagpam mʉrua waragpam. ¹¹ Is mʉa pʉgari akhãrag pʉa jʉa daujim bag sorbataar pʉ ẽudeem dem. ¹² Pʉ mẽrjĩirwei mʉg meger gaai, mʉigmua naag ʉʉirau dau aukhaubam pʉ juapá, ãbã nurrabaam mʉg jẽb gaai, ¹⁵ jaujim Kainau Ẽwandamag: "Mʉ gayam theeg wau pʉyagpam mʉa warag pam. ¹⁴ Chadcha, pʉa mʉ jʉr pʉijim mʉg jẽb gaai, mai mʉ merchiraagau pʉ daunaa.

Mʉ chitaagau chaain chukhu chitargau mʉg jẽb gaai, mʉ o atha maig mʉ thõo pʉyagau.

¹³ "Ẽwandamua jaujim: "Õrau kain thõo metgai, i unta beegau jua ãb awia numi." Mag Ẽwandam phakherjim marka kain gai, ãbamua o athamaig, jagua ithoobaam. ¹⁶ Jagaimua kain petaajim Ẽwandam aaig mua keraa imajim jẽb ee Nod, juawagaar Eden. ¹⁷ Kain khai khajim ich ʉʉi dʉi mai oojim maig thõbajim Enoc. Kain phõbor waujim mai thʉ̃r pʉijim ich iewa thʉjõo Enoc. ¹⁸ Enoc thabʉ aujim Irad. Irad beejim chi aaikhaan Mehujael den. Mehujael beejim chi aai khajim Metusael den. Metusael beejim chi aai khaan Lamec den. ¹⁹ Lamec ʉʉi numi aujim: da ãb thʉ̃r thʉ̃rsiejim Ada, mai dã ãb thʉ̃rsiejim Zila. ²⁰ Ada thabʉ aujim Jubal. ichta chia aai ajim nawe naajeejim tiendi aig maig phagjõm. ²¹ Thʉ̃rsiejim i ẽudem thʉ̃r Jubal ich an aaig ajim õrsir sĩirnʉm khʉ̃ʉn. ²² Mag Zila ich diu thãbʉjim Tubal Kain, pawaujem khʉ̃ʉn bronce mai yerro. Chi ʉphʉi Tubal den Kain mã Naama. ²³ Lamec jaujim ich ʉʉiyag: "Ada mai Zila ʉ̃rbat mʉ iek; pãr thumwe Lamec ʉʉin, ʉ̃rbat jau chirʉm. Mʉa thõpʉijim Emkhõoi ẽwan mʉ gaai deetaar aawei.

²⁴ Mag Kainag mag deetar khai jua ãb awia nʉmi, mag khai Lamec gaai ʉ̃rchadeejim jua ãb awia numi awia ag ʉr deu numi." ²⁵ Adan khãijim ich ʉʉi dʉi deu maig, ich deu deejim deu mau iewaa ich dʉi i thʉ̃r thʉ̃rpuijim Seth mai jaujim, "Ẽwandamua mʉrig deejim dã ãb i iewaan Abel jʉr, kainau thõopʉitaar aawei." ²⁶ Iewaa ãb thãbʉjim Sethau ich diu thʉ̃rjim emkhõoi Enós. Mag ẽd gai, õor jeuthʉnajierram Ẽwandam thʉ̃r gaai.