¹ Mag ajim ʉgtharaam maigmua mʉg jẽb gayam waupʉijim, maig thumwe neminaag ĩiʉnʉm khʉ̃ʉn ipirkhathʉnaar khʉ̃ʉn. ² Jũa ãb awia numi ma ẽd awia Ẽwandam baarchejim obadeemaig ich phidag aai pawia, mag maig maita athag phidkhaba sisijim jũa ãb awia numi mag ẽd thumwe phidag phidkhasierr. ³ Ẽwandam bendiciajim jua ãb awia numi mag ẽd maig paitaa aupʉajim, mag phidkhabajim thumwe phidkhasierr. ⁴ Jakhʉmta waujierram eventos referentes mag ʉ̃ʉrthaam maigmua jẽb gayam mag amʉ khʉ̃ʉnʉ waujim, mag ẽd Ẽeandam pomaamau waujim megerr. ⁵ Ni dã ãbamjã chukhu ajim do ĩigauujã magumjã oobajierram mʉg jẽb gaai, maigmua ni ãbjã pabʉ oobajim do iigawam chesimjã oobajim khanjagwia Ẽwandamua noseg chepibaa sĩeji mʉg jẽb gaai maig, emkhõoin chukhu ajim jĩraag athee megerr gaai. ⁶ Mag chinaar ʉgthaag maajejim jẽb gayamua mai thumwe wepuisim mʉg jẽb gayam. ⁷ Ẽwandamua ompaajim emkhooi chi nurrdeen mai ikhẽu ee phʉajim juapatheg pʉijim, mag emkhõoi wounag paajim mʉg jẽb gaai nurramkhĩir. ⁸ Ẽwandamua nemjim thʉnʉm ee ausiujim do marag aukherjim, Eden maig jagai aukherjim emkhõoi ich omphauthar. ⁹ Jẽb gayam Ẽwandamua waujim thumwe bawam khĩir wajapha sĩejim anau oowei maig wajapha sĩejim khoog athe. Age aukherjim pabʉ wajapham ichta nemjĩir jarcha sĩejim, mag ee sĩejim pabʉ chi akhãar khĩirjʉg wajapham deen. ¹⁰ Dosig obeesiejim anʉm nemjĩir Eden weeg athe nemjĩir maigmua jãrcha thõrkhajim mai mʉa dosig ompaajim thãrjʉp. ¹¹ I thʉ̃r nacham thʉ̃rsiejim Pisón. Magta regaasim mag gayamua thumwe mʉg jẽb gaai Havila, mag aaig phĩir thʉnʉm aaig. ¹² Mag phĩir mag jẽb aai wajaphasim. Maig agjo phĩir khĩir pierr thʉnʉm Bedelio maig mokdau Ónice. ¹³ Thʉ̃r chiwe do Gihon, mʉtaa regasim mag gayam thumwe mʉg jẽb gaai Cus. ¹⁴ Chi thʉ̃r tharjuham ee do Tigris, mag mutaa regaasim do marag Asiria den. Mag thãrjʉpham do Eufrates. ¹⁵ Ẽwandamua pʉr aujim emkhõoi maig aukherbajim nemjĩir ee Eden phidkhag maig waidunaag. ¹⁶ Ẽwandamua Jaupʉajim emkhõoyag jaujim: "Mʉg thumwe pabʉ gayam khʉ̃ʉn Jardin em pʉ au agau jõobaam. ¹⁷ Mag pabʉ khĩirjʉg wajapham maig chi akhãr khojú khabasim, mag ẽd pʉ khomeu gaai, pʉ chadcha meejú." ¹⁸ Chadcha Ẽwandamua magjim: "Emkhõoi ich ãb paai ajúkhabasim. Mʉ pʉ athe akhagpam anʉm khapeer i athe wajau ajú." ¹⁹ Mʉg jẽb gayam Ẽwandamua ompaajim amach ã ãbdʉ pabʉ eemkhʉ̃ʉn maig nemich paar ʉ̃gthar khʉ̃ʉn. Chadcha aubeejim emkhooi ich diʉ thʉrkham khĩir. Emkhõoyag thʉ̃raagau ãchdʉ chi thʉ̃r akhʉtham khʉ̃ʉn mata ithʉ̃r ajim. ²⁰ Emkhoyag thʉ̃r deejim thumwe neminaag bãujem khʉ̃ʉn, thumwe nemichpan ʉ̃gthar khʉ̃ʉr, maig thumwe nemchain pabʉ em khʉ̃ʉn. Mag emkhoyau cha oobaajim ni da ãbam ijʉa aajʉ i athe. ²¹ Ẽwandamua khãipijim emkhõoi khãi wajapha mag emkhõoi khãijim. Ẽwandamua pʉr aujim i phedkhãr gayam maig achbaadeejim i phedkhãr authar aaigim. ²² I phedkhãr gayim Ẽwandamua pʉrr authar gayim emkhõoi den, ich ndeu ompaajim ʉʉi maigmua aubeejim emkhõoi aig. ²³ Emkhõoyau jaaujim: "mʉigmua, mʉ mʉ paaug mʉ pagayam, maig mʉ mod maig mʉ mod. Jã thʉ̃ʉraagau ʉʉi, jãg ʉʉi emkhõoi gayamua jeug aujim." ²⁴ Mag gayamua, emkhõoyau aupʉagau ich aai ich amit, jã nurragaau ich ʉʉi dʉi, amach agʉg pajim maach podag. ²⁵ Amach agdajo monkharra naajeejim, emkhõoi mai chi ʉʉi khĩinaa ãba aajeejim ajem.