¹ Dichju agee chi khãyag Amrafel, rey Sinar dem, chi Arioc anʉm, Rey chi Elasar dem, chi Quedorlaomer anʉm, rey chi Elam dem, chi tidal, rey chi Goyim dem. ² Kanta mʉg waujierram khukhaag chi dewam khʉʉndʉi Bera anʉm ajim rey chi Sodoma dem, Birsa anʉm, rey chi Gomorra dem, Sinab anʉm, rey chi Adma dem, Semeber anʉm, rey chi Zebaim dem, maimua chi rey Beladem ( agjo thʉ̃rsiejim Zoar anʉm). ³ Mʉkhʉnta ẽndeechakhʉn jua ãb reyes nan amach ãba ajierram chi jẽb akhʉtag eem khʉʉn Sidim anʉm, thʉrsiejim agjo chi dokhierr eem khiiyag anʉm. ⁴ Amachan naajim khaipeerwai kanawia doce ayos chi Kedorlaomer anʉm, mamʉ chi mag ayõ gai trece anũm mag khaijierram anʉm, ⁵ magan chi ayõ katorce anʉm, Kedorlaomer agjo anʉm, beejierram khukham impiendʉi Refaias agee Astarot karnaim anʉm, Zuzittas pieen agee Ham anʉm, Emitas pieen agee Save Kiriataim anʉm, ⁶ mag dʉi horeos pieenagee chi kolina chi Seir anʉm, janpai ich paran anʉm, mag dakan khʉ̃ʉn mag jẽb dʉrr wewug. ⁷ Magan amach ewag beejierram maimua barchejierram agee mispat, (thʉ̃rsiejim agjo Kades anʉm) mag ganphʉijierram thumwe phobor daaphunkhun Amalecita pieen maimua agjo amorreo pieen khanawia joobanajim Hazezon Tamar anʉm ajim. ⁸ Magan chi rey Sodoma dem, chi rey Gomorra dem, chi rey Sodoma dem, chi rey Zebaim dem, chi rey Bela dem (chi thʉ̃r agjo Zoar anʉm) ereujierran mag khiim kagjierram khanathegta khukhagateg anʉm, ⁹ khochkhabanajim Kedorlaomer anʉm, chi rey Elam dem, Tidal anʉm, chi rey Sinar dem, Arioc anʉm, chi rey Elasar dem, jayap reynan naajim jua ãb duikhabanajim. ¹⁰ Magwai chi akhʉthag sidim anʉm siejim iphirta thʉnaajim dopos anʉm khʉbir ajim, magbadewai chi reynan Sodoma pien mag dʉi Gomorra pien ereujierram amach burjierram magai, thumwe thʉbatakhʉ̃n majierram duurbʉ thʉnungai ajim. ¹¹ Magtajim chi karbagnaan phʉrajieran thumwe chi niminag thʉnaar Sodoma pieenden mag dʉi Gomorra pienden mag thumwe thʉnar waujur ajim amach den magwia majierram amach khʉdau ee anʉm. ¹² Magwia ereujierram agjo am dʉi Lot majim, iewa Abram emden den anʉm, khaita magai joobasiejim Sodoma ee anʉm, thumwe aabata amach khijũp naar. ¹³ Dau ãb mag peerdʉjim beejim ich dʉʉ jaucheejim Abram nag ich hebreo anʉm, ich magaita joobasiejim dakha chi encina gaar ichin inan ajim Mamre anʉm, ich amorreo pĩen, ichin mag chi emden ajim Escol anʉm aam, khainaam ajim nachan khʉ̃ʉn thumwe iduita naajim Abram dʉi. ¹⁴ Magau jauwai Abram pethan endeeta chi enemigo naanau mag phʉraujierram ikhonaan ich diʉ wai ober ajim mag khapam thunar tresientos dieciocho emkhon istanakhʉn agee, mag magai tharbʉthatkhʉn amach di ai, magta agendee majierram ichinag anʉm Dan aar. ¹⁵ Ich dui thorkhajim chi emkhõr amdʉija khaba khiegta dewankhʉ̃ʉn dʉi mag edar magwia khukhajierram magwia ich mag ajende majierram ich mag Hoba anʉm, chumta siejim dokheu marag chi Damasko aar anʉm. ¹⁶ Magta ich dʉʉ aubeejim ich ewag magaatheg thumwe chi khiijuu phidag auchiruma, akha aubeejim ich ewag magathẽg mag dʉi ich koodnaan Lot anʉm mag dʉi ich niminag ausier, khanjo chi ʉʉm magdʉi dewam õr anʉm. ¹⁷ Magthar khʉr chi Abram ich bʉʉ beejim mag gamphʉyag chi kedorlaomer anʉm magdʉi chi reynaan magainajim ich dʉi, chi rey Sodoma dem amach biirdʉijierram ich dʉi achum inaar chi akhʉthag Save anʉm (agjo thʉmjierram akhʉtagar chi rey anʉm). ¹⁸ Melkisedek anʉm, chi rey Salem naan, aubeejim pandau chi vino, ichin mag phag ajim Ẽwandam phomaamdem. ¹⁹ Ich dʉʉ oneetha deejim mʉgthajim: "Warag deeba nemphom deesim phʉatheg Abram Ẽwandamua chi wajaphamam, wauthar chi ethãg mag dʉʉ chi jẽb thumwe anʉm. ²⁰ Bendeciajim nempomta deesim ich Ẽwandam juaphapomam, khayaita deejim phʉjuee chi enemigonaan." Magta Abram anau deejim chi niminag diezmo thumwe ajim. ²¹ Chi rey Sodoma aran jaujim chi Abramnag: "Mʉrig deeba õor mag thʉbabaa phʉkhʉ̃ʉn phʉich ausimdʉi mininag. ²² Abram nau jaujim chi rey Sodoma pienag: "Muab jua ʉʉjim Ẽwandam pomaam, ompathar chi ethag awia magdui jẽb anʉm. ²³ Mag muchduuja pogbam phʉrawa dau ãb jʉ̃gath anʉm, phʉrig ichmag jaupimaagau anʉn: "mʉa waujim chi Abram paramtha ajim anʉm." ²⁴ Mʉag phuraubam magdui khochkajim mag khapanag emkhõn ẽwanaan opookhajierram magdʉi agdauja chi ẽmkhor magdʉi wegthar khʉ̃ʉn ich dui deemʉm chi Aner anʉm, Eskol magwia Mamre anʉm deeba phʉch dem nemphon ajim.