¹ Nau thumwe chi jẽb gaai nuun khʉ̃ʉn meu ãb pai iekha juarau thuman khʉ̃ʉn meu ich paita iekhagau. ² Magtharkhʉr amach webjierram edau obeerjemgar, oojierram jẽb akhʉthag chi Sinar anʉm mai mag waujierram wajaphamta amach thʉbajierram magai. ³ Jaujierram ãukhʉnagja akha anʉm: "Piduthʉ, waitarrauthʉ chi ladrillos phãagaatheg wajapha siegau". Agjo aunaajim chi ladrillos, chi mokdau khayau chi khʉrbʉʉr khayau warrey em anʉm. ⁴ Amach jaujierram: "Piduthʉ, wautarrauthʉ dau ãb chi phobor dau ãb chi di ʉmthãag ethag dakha anʉm, wautarrauthʉ chi thʉ̃r mach atheg anʉm. Khagcha machdiʉ waubaman, maacham mʉgtha aagan dewam jẽb thʉnumaar, thumwe anʉm. ⁵ Mʉg ajim Ẽwandamua õor khaphan deejim oogatheg chi phobor maimua chi di ʉmthaasim wautharram chi Adan chaam ewagankhʉ̃ʉn atheg anʉm. ⁶ Ich Ẽwandamua jaujim: "Oobathʉ, ¡ thumwe phobor ãb paita siegau mag diʉ meu ãb paita siegau, agjo magaimua istaata waunʉm ajim mag wawag mʉgtha anʉm! wawag, poobam waunʉm anʉm, magkhai phogbam. ⁷ Piduthʉ, ee aukherar maimua meu khauba ophʉyag magaipai, khĩirjʉ̃g khauba amkhir dau ãb mua khaubam ajim anʉm. ⁸ Mʉgta ich Ẽwandamua amach bigauta aukherjim thumwe chi weewʉg jẽb auphʉajierram mag wauwagathar chi phobor. ⁹ Beenumʉch magtha chi thʉ̃r Babel, khanawia jagaita Ẽwandamua meu khauba ajierram thumwe jẽb gainunkhuu magai ich Ẽwandamua amach bigauta aukherjim thumwe jẽb wewʉg ee ajim. ¹⁰ Mʉkhʉntha ajim ewag urun khʉ̃ʉn Sem dem anʉm ajim. Sem siejim cien ayõs mag beejim chi aai khag chi Arfaxad dem ed mamʉ mʉg do ad dichthatkhur. ¹¹ Sem siejim anʉm quinientos ayõs magtharkhʉrta beejim chi aai khãatheg Arfaxad dem anʉm. Agjo mag dʉi chi aai dewam iewan agjo chi kharanaan agjo anʉm. ¹² Magwai Arfaxad siejim anʉm magai siejim mag treinta cinco ayõs, beejim chi kha chi Sala den anʉm. ¹³ Arfaxad siejim anʉm kuatrosientos tres ayõs magthakhʉrr kham awia beejii chi aai Sala dem. Agjo chi beejim chi aai khaag dewan iewam agjo chi kharanaan. ¹⁴ Naʉpai awia chi Sala mag siejim anʉm treinta ayõs beejim chi aai khag mag Heber dem. ¹⁵ Sala siejim anʉm Kuatrosientos tres ayõs magtharkhʉr ewag maimua beejim chi aai khajim chi Heber dem. Agjo beejim chi aai anʉm dewandem iewam chi kharanaan anʉm. ¹⁶ Magwai Heber siejim treinta y kuatro ayõs, agjo chi aai khajim chi Peleg dem. ¹⁷ Heber siejim anʉm Kuatrosientos treinta ayõs magtharkhʉr chi aai khajim Peleg dem. Agjo chi aai dewam iewan chi kharanam ajgo anʉm. ¹⁸ Magwai Peleg siejim treinta ayõs akha khajim chi aai Reu dem. ¹⁹ Peleg siejim doscientos nueve ayõ magtharkhʉr agjo chi aai Reu dem anʉm. ²⁰ Magwai Reu siejim treinta dos ayõs, ich bejim mag chi aai ajim Serug dem. ²¹ Reu siejim doscientos siete ayõs magwia bejim chi aai ajim Serug dem. Agjo khajim dewam den iewam chi kharanaam. ²² Magwai Serug siejim treinta ayõs, beejim chi aai khajim chi Nakor dem, agjo chi aai ajim dewam dem iewam chi kharanaam. ²³ Serug siejim doscientos ayõs magtharkhʉrr beejim, chi aai Nakor dem agjo dewan dem chi iewam chi kharanaan. ²⁴ Magwai Nakor siejim ventinueve ayõs deu beejim chi aai anʉm Tare dem. ²⁵ Nakor siejim siento diecinueve ayõs magtharkhʉr mag chi aai Taré dem agjo mag chi aai dewan iewan kharanaan. ²⁶ Magtharkhʉr chi Taré siejim anʉm setenta ayõs beejim chi aai Abraham dem, Nakor mai Haran ²⁷ Isim khʉ̃ʉn mag Taré i chan anʉn khʉ̃ʉn. Taré beejim mag chai Abram dem, Nakor dem mai Harán dem, Harán agjo chi ai Lot dem. ²⁸ Harán meejim jagai chi aai sierai Taré ich jẽb ausimai, mag Kaldeo Ur nʉm arr. ²⁹ Abram chi Nakor dʉi ʉʉi aujierram. Chi thʉ̃r Abram ʉʉi Sarai anʉm mai chi ʉʉi Nakor dem chi thʉ̃r Milka anʉm, jagua Haran i kha, jagua Milca i aai dem maimua Isca dem. ³⁰ Isim Sarai chai ooba ajem anʉm. ³¹ Taré phʉraujim ich iewa Abram anʉm, Lot chi iewa Harán dem, mag Sarai mag chi ãaigo chi iewa Abram ʉʉi dem anʉm, amach ãbãtha Ur mua Kaldeo arr, wethad chi jẽb Kanaán anʉm maar maimua jẽbjierran Harán ar anʉn maai mag thʉbajierram magai. ³² Taré siejim dosientos cinco ayõs mag meejim Harán durr.