Salmo 96

1 Cantade a Iahveh un cántico novo!

Cantade a Iahveh toda a terra!

2 Cantade a Iahveh, bendecide o seu nome!

Proclamade de día en día as boas novas da súa salvación.

3 Contade a súa gloria entre as nacións,

as súas marabillas entre todos os pobos.

4 Porque Iahveh é grande, e digno da maior louvanza,

temíbel sobre todos os deuses.

5 Porque todos os deuses dos pobos son só figuras,

porén Iahveh, fixo os ceos.

6 A gloria e a maxestade están diante del,

no seu santuario hai forza e fermosura

7 Tributade a Iahveh, ó familias dos pobos,

Tributade a Iahveh gloria e poder.

8 Tributade a Iahveh a honra que o seu nome merece,

levade ofrenda e entrade nos seus atrios.

9 Adorade a Iahveh na fermosura da súa santidade,

tremede ante a súa presenza, toda a terra.

10 Decide ás nacións: Iahveh reina!

de certo que el afirmou o mundo, e non será avalado.

El xulgará os pobos con equidade.

11 Alégrense os ceos e gócese a terra!

Ruxa o mar e todo no que nel hai.

12 Alégrese o campo e todo no que nel hai.

Entón todas as árbores da floresta cantarán xubilosos,

13 diante de Iahveh, porque el vén,

porque vén xulgar a terra.

Xulgará o mundo con xustiza,

e aos pobos con fidelidade.