Salmo 148 Aleluiah!

1 Louvade a Iahveh desde os ceos!

Louvádeo nas alturas!

2 Louvádeo, vós, todos os seus anxos!

Louvádeo vós, todos os seus exércitos.

3 Louvádeo, sol e lúa!

Louvádeo, vós, todas as estrelas relucentes!

4 Louvádeo, ceos dos ceos,

e as augas que está sobre os ceos!

5 Louven eles o nome de Iahveh,

pois el mandou, e foron creados,

6 e os estableceu eternamente e para sempre,

un decreto que non mudará.

7 Louvade a Iahveh desde a terra,

monstros mariños de todos os océano,

8 o lume e a sarabia, a neve e a névoa,

o vento furacanado, que cumpren o seu mandar.

9 Os montes e todas as colinas,

as árbores frutais e os cedros,

10 os animais salvaxes e todos os gandos,

os réptiles e os paxaros que voan;

11 os reis da terra e os todos os pobos,

os príncipes e todos os xuíces da terra,

12 mozos e mozas,

e anciáns xunto cos nenos.

13 Louven o nome de Iahveh,

porque só o seu nome é exaltado,

a súa maxestade é máis alta

que os ceos e a terra.

14 El exaltou o poderío do seu pobo,

motivo de louvanza de todos os seus santos,

dos fillos de Israel, pobo íntimo para el.

Aleluiah!