¹ No principio existía a Palabra e a Palabra estaba con Deus, e a Palabra era Deus. ² Aquel que era a Palabra estaba no principio con Deus. ³ Todo foi feito por el, e sen el non se fixo nada do que foi feito. ⁴ Nel estaba a vida e a vida era a luz das persoas. ⁵ A luz brilla na escuridade, e a escuridade non a deu apagado. ⁶ Houbo un home enviado de Deus que se chamaba Xoán. ⁷ El veu como testemuña para testemuñar da luz, para que todos cresen por el. ⁸ Xoán non era a luz, pero chegou para mostrar a todos quen é a luz ⁹ Era a luz verdadeira, que ao vir ao mundo, alumea a todas as persoas que veñen ao mundo ¹⁰ El estaba no mundo e o mundo foi feito por medio del pero o mundo non o recoñeceu. ¹¹ Veu ao que era de seu, pero os seus non o receberon. ¹² Mais a todos os que o receberon, aos que cren no seu nome deulles o poder de seren fillos de Deus. ¹³ Estes non naceron de sangue nen da súa propia vontade, nen da vontade doutras persoas, senón de Deus. ¹⁴ E a Palabra fíxose carne e plantou a súa tenda entre nós, e nós vimos a súa gloria, gloria como de Único que ven do Pai, cheo de graza e de verdade. ¹⁵ Xoán da testemuño del proclamando: "Este é de quen eu vos dixen: O que ven despois de min é antes ca min, porque el existía primeiro que eu. ¹⁶ Porque da súa plenitude recebemos todos nós, e graza sobre graza, ¹⁷ porque a lei foi dada a través de Moisés; a graza e a verdade viñeron por medio de Xesús Cristo. ¹⁸ A Deus ninguén o viu xamais, o Único que vive no seo do Pai, el foi quen nolo revelou. ¹⁹ E este é o testemuño de Xoán, cando os xudeus enviáronlle de Xerusalén sacerdotes e levitas para lle preguntar: Quen es ti, quen ves sendo? ²⁰ El confesou e non negou: "Eu non son o Mesías". ²¹ Preguntáronlle: Entón quen es ti? Elias? El dixo: "Non son"- Ti es o profeta? Respondeu: "Non". ²² Entón eles dixéronlle: Ti quen es? para que lles poidamos dar unha resposta a aqueles que nos enviaron. Que nos dis de ti mesmo? ²³ El dixo: "Eu son unha voz que clama no deserto: "Preparade o camiño do Señor", como dixo o profeta Isaías" ²⁴ Os que foron enviados eran fariseos, ²⁵ e preguntáronlle: "Por que estás a bautizar se non es ti o Cristo, nen Elías nen o profeta? ²⁶ Xoán respondeulles: "Eu bautizo con auga; mais entre vós está un que non coñecedes; ²⁷ o que vén despois de min, a quen eu non son digno de desatar a correa das súas sandalias". ²⁸ Estas cousas aconteceron en Betania ao outro lado do río Xordán, onde Xoán bautizaba. ²⁹ O día seguinte, Xoán viu a Xesús achegándose cara a el e dixo: "Velaí o Año de Deus que quita o pecado do mundo! ³⁰ Este é de quen eu vos dixen: "Despois de min ven un home que é antes que eu, porque existía primeiro ca min. ³¹ Eu non o coñecía, mais para iso eu bautizo con auga para que el sexa manifestado a Israel" ³² Xoán deu testemuño dicindo: "Eu vin ao Espírito baixar do ceo como unha pomba que se pousaba e permanecía sobre el. ³³ Eu non o coñecía, pero o que me enviou bautizar con auga díxome: "Sobre quen vexas o Espírito descer e permanecer sobre el, ese é o que bautiza no Espírito Santo: ³⁴ Eu vin iso e son testemuña de que este é o Fillo de Deus" ³⁵ De novo, no día seguinte, mentres Xoán estaba con dous dos seus discípulos e, ³⁶ vendo a Xesús pasar, dixo: "Velaí o Año de Deus" ³⁷ Cando os dous discípulos escoitaron iso, seguiron a Xesús. ³⁸ Entón Xesús volveuse e vendo que eles o seguían, díxolles: "Que buscades?" Eles respondéronlles: "Rabí (que significa mestre), Onde moras? ³⁹ El díxolles: "Vinde e ollade". Eles foron logo e viron onde vivía; e quedáronse con el ese día, porque era a hora décima. ^{contra as catro da tarde para nós 40} Un dos discípulos que escoitou a Xoán e de seguido foi con Xesús era Andrés, o irmán de Simón Pedro. ⁴¹ O primeiro con quen se atopou foi o seu irmán Simón e díxolle: "Encontramos o Mesías (que se traduce como Cristo). ⁴² Entón levouno a Xesús. Cando Xesús o viu, díxolle: "Ti es Simón, o fillo de Xoán. Chamaraste Cefas" (que se traduce por Pedro). ⁴³ No día seguinte, cando Xesús saiu para Galilea, atopou a Felipe e díxolle: "Sígueme". ⁴⁵ Felipe era de Betsaida, a vila de Andrés e de Pedro. ⁴⁴ Felipe encontrou a Natanael e díxolle: "Atopamos Aquel de quen escribiron na lei Moisés e máis os profetas, a Xesús, o fillo de Xosé de Nazaret" ⁴⁶ Natanael díxolle: "Poderá sair cousa boa de Nazaret?" Felipe díxolle: "Ven e verás!". ⁴⁷ Viu Xesús a Natanael aproximándose a el e dixo: "Aí tedes a un verdadeiro israelita, en quen non hai engano!" ⁴⁸ Preguntoulle Natanael: "De que me coñeces?" Xesús díxolle: "Antes de que Felipe te chamara, eu vinte cando estabas debaixo da figueira" ⁴⁹ Respondeulle Natanael: "Rabí, ti es o Fillo de Deus! Ti es o Rei de Israel! ⁵⁰ Díxolle Xesús: "Porque che dixen:"Vinte debaixo da figueira, cres? Cousas máis grandes verás!" ⁵¹ E díxolles a todos: "En verdade, en verdade vos digo: veredes o ceo aberto e os anxos de Deus subindo e baixando sobre o Fillo do Home"